२४ वर्षांच्या गौरवशाली राष्ट्रसेवेचा सन्मान;
जळगाव प्रतिनिधी | देशसेवेसाठी आपले संपूर्ण आयुष्य समर्पित करणारे, शिस्त, निष्ठा व कर्तव्यनिष्ठेचे प्रतीक असलेले भारतीय सैनिक मा. श्री. छोटूसिंग मानसिंग पाटील (रा. खर्ची) यांचा सेवापूर्ती सन्मान सोहळा दि. 19 फेब्रुवारी 2026 रोजी जळगाव येथे अत्यंत उत्साही व गौरवशाली वातावरणात पार पडणार आहे.
भारतीय सैन्यात Hon. NB Sub या पदावर कार्यरत असलेल्या मा. श्री. पाटील यांनी तब्बल २४ वर्षे अखंड राष्ट्रसेवा बजावत देशाच्या संरक्षणासाठी मोलाचे योगदान दिले आहे. सीमावर्ती भागात कठीण परिस्थितीत सेवा बजावताना त्यांनी दाखवलेले धैर्य, शिस्त व निष्ठा ही तरुण पिढीसाठी प्रेरणादायी ठरणारी आहे.
शिस्त, निष्ठा आणि देशभक्तीचा आदर्श सेवाकालात मा. श्री. छोटूसिंग पाटील यांनी विविध महत्त्वाच्या जबाबदाऱ्या यशस्वीपणे पार पाडल्या. सहकारी जवानांमध्ये नेतृत्वगुण, प्रामाणिकपणा व कर्तव्यभावना रुजवण्याचे कार्य त्यांनी सातत्याने केले. त्यांच्या या गौरवशाली सेवेमुळे कुटुंबासह संपूर्ण परिसराला अभिमान वाटत आहे.
कार्यक्रमाची माहिती
या सेवापूर्ती सोहळ्यानिमित्त
सत्कार समारंभ : सकाळी 11 ते 12
स्नेहभोजन : दुपारी 12 ते 4
हा कार्यक्रम वीर सावरकर नगर, पिंप्राळा जकातनाका, गट नं. 114, प्लॉट नं. 25, तलाठी कार्यालयाच्या मार्गावर येथे संपन्न होणार आहे.
उपस्थितीचे आवाहन
देशासाठी आयुष्य वेचणाऱ्या या वीर सैनिकाच्या सन्मानार्थ आयोजित कार्यक्रमास नागरिक, माजी सैनिक, सामाजिक कार्यकर्ते, मित्रपरिवार व नातेवाईकांनी मोठ्या संख्येने उपस्थित राहावे, असे आवाहन जाधव परिवार यांच्या वतीने करण्यात आले आहे. हा सेवापूर्ती सोहळा म्हणजे केवळ एका सैनिकाचा सन्मान नसून, तो राष्ट्रसेवेचा गौरव आणि देशभक्तीचा अभिमानाचा क्षण असल्याची भावना सर्वत्र व्यक्त होत आहे.
