जळगाव प्रतिनिधी | जिल्हा परिषदेच्या मुख्य कार्यकारी अधिकारी करिश्मा नायर यांनी मंगळवारी एरंडोल व धरणगाव तालुक्यांतील विविध गावांना प्रत्यक्ष भेट देऊन घरकुल बांधकामे, जिल्हा परिषद शाळा, अंगणवाडी, ग्रामपंचायत कार्यालय तसेच प्राथमिक आरोग्य केंद्रातील कामकाजाची पाहणी केली. ग्रामीण भागातील नागरिकांना शासनाच्या विविध योजनांचा लाभ प्रभावीपणे मिळतो आहे का, तसेच त्यांना पुरविण्यात येणाऱ्या मूलभूत सुविधा दर्जेदार आहेत का, याची त्यांनी यावेळी प्रत्यक्ष पडताळणी केली. हनुमंतखेडे येथे घरकुल बांधकामांची पाहणी दौऱ्याच्या सकाळच्या सत्रात मुख्य कार्यकारी अधिकारी करिश्मा नायर यांनी एरंडोल तालुक्यातील हनुमंतखेडे येथे भेट देऊन सुरू असलेल्या घरकुल बांधकामांची पाहणी केली. घरकुल योजनेच्या लाभार्थ्यांना वेळेत घरे पूर्ण करता यावीत, यासाठी बांधकामाच्या प्रगतीचा आढावा…
Author: Editorial Desk
जळगाव प्रतिनिधी | जळगाव जिल्ह्यातील भुसावळ तालुक्यातील वांजोळा येथे एका विवाहितेचा विनयभंग करून तिला जीवे मारण्याची धमकी दिल्याची घटना समोर आली आहे. याप्रकरणी लक्ष्मण आत्माराम सावळे याच्याविरुद्ध भुसावळ तालुका पोलीस ठाण्यात गुन्हा दाखल करण्यात आला असून, पोलिसांकडून पुढील तपास सुरू आहे. पोलिसांत दाखल तक्रारीनुसार, वांजोळा येथील लक्ष्मण आत्माराम सावळे याने विवाहितेच्या मनास लज्जा उत्पन्न होईल असे कृत्य केले. तसेच, घडलेल्या प्रकाराबाबत घरी कोणाला सांगितल्यास जिवंत सोडणार नाही, अशी धमकीही त्याने महिलेला दिली. ही घटना २४ ऑक्टोबर रोजी रात्री सुमारे ८.३० वाजण्याच्या सुमारास वांजोळा गावातील अंगणवाडीजवळील शौचालयाच्या बाजूला घडली. या प्रकारानंतर पीडित महिलेने भुसावळ तालुका पोलीस ठाण्यात धाव घेत तक्रार दाखल…
जळगाव प्रतिनिधी | जळगाव ते पाचोरा दरम्यान रेल्वे रुळांच्या दुरुस्तीच्या कामामुळे म्हसावद येथील रेल्वे फाटक क्रमांक १४४ आज पहाटे ४ वाजेपासून सलग १४ तास वाहतुकीसाठी बंद ठेवण्यात येणार आहे. या बंदचा परिणाम जळगाव शहरातील महामार्गावरील वाहतुकीवर होण्याची शक्यता असून, वाहनधारकांना वाहतूक कोंडीचा सामना करावा लागू शकतो. मध्य रेल्वेच्या पाचोरा विभागात रेल्वे रुळांच्या तातडीच्या दुरुस्तीचे काम हाती घेण्यात आले आहे. त्यामुळे म्हसावद मार्गे नेरी, पहूर, जामनेर, बोदवड तसेच छत्रपती संभाजीनगर आणि विदर्भाकडे जाणाऱ्या वाहनांना पर्यायी मार्गांचा वापर करावा लागणार आहे. परिणामी, एरंडोलमार्गे जळगाव शहरातून जाणाऱ्या वाहनांची संख्या वाढण्याची शक्यता आहे. शहरातील महामार्गावर नेहमीच्या तुलनेत ३० ते ४० टक्के अतिरिक्त वाहतुकीचा भार…
जळगाव प्रतिनिधी | जळगाव शहरातील महाबळ परिसरात राहणाऱ्या ४५ वर्षीय कंपनी कामगाराने कंपनीबाहेरील झाडाला गळफास घेऊन आत्महत्या केल्याची घटना मंगळवारी २७ ऑक्टोबर रोजी सकाळी समोर आली. अरविंद शामराव पाटील असे मृत कामगाराचे नाव असून, त्यांच्या मृत्यूचे नेमके कारण अद्याप स्पष्ट झालेले नाही. या प्रकरणी पाळधी दूरक्षेत्र पोलीस ठाण्यात अकस्मात मृत्यूची नोंद करण्यात आली आहे. मिळालेल्या माहितीनुसार, अरविंद पाटील हे पारोळा तालुक्यातील पडदे गावातील स्नेहल इंडस्ट्रीज या कंपनीत गेल्या काही वर्षांपासून कामाला होते. ते जळगाव शहरातील महाबळ परिसरात वास्तव्यास होते. मंगळवारी सकाळी नेहमीप्रमाणे ते कामासाठी घरातून सुमारे सहा वाजता निघाले होते. दरम्यान, कंपनीच्या बाहेर असलेल्या एका झाडाला सुती दोरीच्या साहाय्याने गळफास…
पारोळा प्रतिनिधी | जळगाव जिल्ह्यातील पारोळा तालुक्यातील लोणी बुद्रुक येथे अज्ञात चोरट्यांनी घरफोडी करून सोन्या-चांदीचे दागिने चोरून नेल्याची घटना उघडकीस आली आहे. या चोरीत सुमारे एक लाख रुपये किमतीचा ऐवज लंपास करण्यात आला असून, या प्रकरणी पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. मिळालेल्या माहितीनुसार, लोणी बुद्रुक येथील फिर्यादी यांच्या राहत्या घरातील लोखंडी कपाटाचे कुलूप तोडून चोरट्यांनी दागिन्यांवर डल्ला मारला. यामध्ये ६० ग्रॅम वजनाचे सोन्याचे दागिने तसेच १२ भार वजनाचे चांदीचे दागिने चोरीला गेले आहेत. चोरी झालेल्या ऐवजाची एकूण अंदाजित किंमत एक लाख रुपये असल्याचे तक्रारीत नमूद करण्यात आले आहे. २५ ऑक्टोबर रोजी दुपारी साडेबारा वाजल्यापासून ते…
जळगाव प्रतिनिधी | श्री मेढ क्षत्रिय सुवर्णकार युवक मंडल समाजाच्या वतीने आयोजित श्री अजमीढ जयंती महोत्सव जळगाव येथे मोठ्या उत्साहात आणि भक्तिमय वातावरणात साजरा करण्यात आला. या महोत्सवाच्या निमित्ताने आयोजित भव्य शोभायात्रा, समाजबांधवांचा उत्स्फूर्त सहभाग, रक्तदान उपक्रम आणि मुंबईचे प्रसिद्ध कलाकार विनय नाटेकर यांच्या ‘परफेक्ट शो’ने कार्यक्रमाला विशेष रंगत आणली. शनिवार, २४ ऑक्टोबर रोजी पांजरापोळ गोशाळा येथे महिला मंडळाच्या वतीने महिला संगीत कार्यक्रमाचे आयोजन करण्यात आले होते. या कार्यक्रमात महिलांनी उत्साहाने सहभाग घेतला. त्यानंतर शहर व जिल्हा संघटनेची संयुक्त बैठक पार पडली. या बैठकीत समाजाच्या संघटनात्मक कार्यासह आगामी उपक्रम आणि समाजाच्या विकासासंदर्भात चर्चा करण्यात आली. रविवार, दि. २५ ऑक्टोबर रोजी…
जळगाव प्रतिनिधी | ‘महापौर स्वच्छता संकल्प अभियाना’अंतर्गत महापौर दीपमाला काळे यांनी सुरू केलेल्या स्वच्छता पाहणीचा पहिला टप्पा पूर्ण झाला असून, आतापर्यंत १ ते ५ प्रभागांची (वॉर्ड) पाहणी करण्यात आली आहे. या पार्श्वभूमीवर सोमवारी महापौरांनी स्वच्छता निरीक्षक, आरोग्य विभाग, बांधकाम विभाग, विद्युत विभाग आणि पाणीपुरवठा विभागाच्या प्रतिनिधींची संयुक्त आढावा बैठक घेतली. या बैठकीत पाहणीदरम्यान समोर आलेल्या समस्यांवर सखोल मंथन करण्यात आले. *काम न करणाऱ्या कर्मचाऱ्यांना घरी पाठवा*बैठकीत बोलताना महापौर काळे म्हणाल्या, “स्वच्छता निरीक्षक हा संपूर्ण योजनेतील अत्यंत महत्त्वाचा दुवा आहे. त्यांनी योग्य नियोजन केल्यास संपूर्ण वॉर्ड स्वच्छ आणि सुंदर होऊ शकतो. ज्या वॉर्डातील कर्मचारी कामात हलगर्जीपणा करतील अथवा काम करणार नाहीत,…
जळगाव प्रतिनिधी | महर्षी वाल्मिकी नगर, जैनाबाद येथे सोमवार, २६ ऑक्टोबर रोजी रामायणाचार्य आद्यकवी महर्षी वाल्मिकी ऋषी यांच्या जयंतीनिमित्त भव्य मिरवणूक व आरास सोहळ्याचे आयोजन करण्यात आले. या सोहळ्याची सुरुवात मान्यवरांच्या हस्ते महर्षी वाल्मिकी यांच्या प्रतिमेला माल्यार्पण करून आणि महाआरतीने करण्यात आली. त्यानंतर मान्यवरांच्या हस्ते पिवळा झेंडा दाखवून भव्य मिरवणुकीला उत्साहात प्रारंभ करण्यात आला. यावेळी परिसरात भक्तिमय वातावरण निर्माण झाले होते. या कार्यक्रमाला आमदार चंद्रकांत बळीराम सोनवणे, भंगाळे गोल्डचे मालक भंगाळे दादा, नगरसेवक नीलू आबा तायडे, मोगली बाबा, कैलास आप्पा सोनवणे, हिरालाल दादा सोनवणे, मंडळाचे मार्गदर्शक भगवान भाऊ तायडे, किशोर बाविस्कर यांच्यासह मंडळाचे पदाधिकारी, कार्यकर्ते आणि समाजबांधव उपस्थित होते. महर्षी…
चोपडा प्रतिनिधी | अडावद पोलिसांनी अवघ्या तीन महिन्यांत २० बेपत्ता व अपहृत मुली, महिला आणि पुरुषांचा शोध घेऊन त्यांना सुखरूप कुटुंबीयांच्या स्वाधीन केले आहे. कसून तपास, गोपनीय माहिती आणि आधुनिक तांत्रिक विश्लेषणाच्या मदतीने पोलिसांनी ही कामगिरी केली. जळगाव जिल्हा पोलीस अधीक्षक श्रीकांत धिवरे, अपर पोलीस अधीक्षक अशोक नखाते आणि चोपडा विभागाचे उपविभागीय पोलीस अधिकारी सुनील पाटील यांच्या मार्गदर्शनाखाली ही मोहीम राबविण्यात आली. अडावद पोलीस ठाण्याचे प्रभारी सहायक पोलीस निरीक्षक प्रशांत कंडारे यांच्या नेतृत्वाखाली विशेष पथकाने तपास केला. बेपत्ता व्यक्ती तसेच भारतीय न्याय संहिता (BNS) आणि पोक्सो कायद्यांतर्गत दाखल अपहरणाच्या गुन्ह्यांतील व्यक्तींचा शोध घेण्यासाठी पोलिसांनी विशेष तपास पथके तयार केली होती.…
रावेर प्रतिनिधी | जळगाव जिल्हा मध्यवर्ती सहकारी बँकेच्या निवडणुकीचे बिगुल वाजताच रावेर तालुक्यात राजकीय हालचालींना वेग आला आहे. महायुतीकडून उमेदवारी कोणाला मिळणार, याकडे सहकार क्षेत्राचे लक्ष लागले असताना माजी आ. अरुणदादा पाटील यांचे पुतणे आणि बाजार समितीचे संचालक मंदार पाटील यांनी जिल्हा बँकेतून उमेदवारी अर्ज घेतला आहे. भाजपच्या माध्यमातून निवडणूक लढविण्याची त्यांची इच्छा असल्याचे सांगितले जात आहे. मागील पंचवार्षिक निवडणुकीत माजी आमदार अरुण पाटील यांचा अवघ्या एका मताने पराभव झाला होता. या निकालाची त्यावेळी तालुक्यासह जिल्हाभर चर्चा झाली होती. त्यामुळे आगामी निवडणुकीत रावेरमधून कोणाला संधी मिळणार, याबाबत उत्सुकता निर्माण झाली आहे. गेल्या पाच वर्षांत रावेर तालुक्याच्या राजकारणात अनेक घडामोडी घडल्या…
