जळगाव प्रतिनिधी | जेवण न दिल्याच्या कारणावरून मुलाने आईची हत्या केल्याची धक्कादायक घटना जळगाव जिल्ह्यातील बोदवड तालुक्यातील येवती येथे उघडकीस आली आहे. या प्रकरणी बोदवड पोलीस ठाण्यात मुलाविरुद्ध खुनाचा गुन्हा दाखल करण्यात आला असून त्याला अटक करण्यात आली आहे. मिळालेल्या माहितीनुसार, मृत महिलेचे नाव अलकाबाई पुरुषोत्तम वाघ असे असून त्यांचे वय ६३ वर्षे होते. त्या बोदवड तालुक्यातील येवती येथे मुलगा गणेश वाघ यांच्यासोबत राहत होत्या. संशयित आरोपी गणेश पुरुषोत्तम बाग याने आईने जेवण बनवून न दिल्याच्या कारणावरून राग मनात धरून रविवारी 25 ऑक्टोबर रोजी पहाटे पाच वाजता झोपेत असलेल्या आईच्या डोक्यात लोणच्याची बरणी आणि लोखंडी खुरपने याने वार करून तिची…
Author: Editorial Desk
जळगाव (प्रतिनिधी) | जळगाव बायपासवरील रेल्वे पुलाच्या कामादरम्यान क्रेनसह खाली कोसळून चालकाचा मृत्यू झाल्याप्रकरणी ठेकेदार हरिओम लक्ष्मीनारायण ओझा (रा. इंदूर, मध्यप्रदेश) आणि दुसरा क्रेन ऑपरेटर बन्समनी जानकीप्रसाद प्रजापती यांच्याविरुद्ध गुन्हा दाखल करण्यात आला आहे. मधुकर धनराज पाटील (४३, रा. खपाट, ता. धरणगाव) असे मृत चालकाचे नाव आहे. २३ ऑक्टोबर रोजी रेल्वे पुलाच्या सिमेंट काँक्रीटचे जॉइंट स्लॅब काढण्याचे काम सुरू होते. यावेळी मधुकर पाटील हे क्रेनच्या साहाय्याने स्लॅब वर उचलून धरत होते. पुलाच्या दुसऱ्या बाजूला बन्समनी प्रजापती हा दुसऱ्या क्रेनच्या मदतीने स्लॅबला खालून आधार देत होता. मात्र, प्रजापती याने खालचा आधार काढून घेतल्याने मधुकर पाटील यांच्या क्रेनची रोप वायर तुटली. त्यामुळे…
जळगाव प्रतिनिधी | जळगाव जिल्हा मध्यवर्ती सहकारी बँकेच्या आवारात महाराष्ट्राचे ज्येष्ठ नेते अजितदादा पवार यांच्या पूर्णाकृती पुतळ्याचे, तसेच छत्रपती शिवाजी महाराज यांच्या तैलचित्राचे लोकार्पण करण्यात आले. यानिमित्ताने छत्रपती संभाजीराजे नाट्यगृहात आयोजित कार्यक्रमात जैन इरिगेशनचे अध्यक्ष अशोक जैन यांनी अजितदादांच्या कार्याच्या आठवणींना उजाळा दिला. अशोक जैन म्हणाले, “महाराष्ट्रातील पहिला सार्वजनिक-खासगी भागीदारी (PPP) तत्त्वावरील कांताई बंधारा उभारण्यात अजितदादांची मोलाची भूमिका होती. त्यांच्या सिंचन क्षेत्रातील दूरदृष्टीमुळे कांताई बंधाऱ्याच्या परिसरासह मागील सात ते आठ किलोमीटर अंतरावरील गावांचा पाण्याचा प्रश्न कायमस्वरूपी सुटण्यास मदत झाली. शेती बागायती झाली आणि परिसरातील शेतकऱ्यांच्या जीवनात परिवर्तन घडले. जैन हिल्स येथील कृषी संशोधन, कमी पाण्यात अधिक उत्पादन देणारे तंत्रज्ञानातून शेतकऱ्यांचे…
जळगाव प्रतिनिधी | मध्य प्रदेशात आयोजित सत्संग कार्यक्रमासाठी जात असताना ४०७ मालवाहू वाहनाचा मागील चाकाचा एक्सल तुटल्याने भीषण अपघात झाल्याची घटना जळगाव तालुक्यातील कानळदा रोडवर घडली. बडे जटाधारी बाबा महादेव मंदिराजवळ आज दुपारी दोन वाजेच्या सुमारास हा अपघात झाला. एक्सल तुटल्याने वाहन दोन वेळा पलटी झाले. या दुर्घटनेत १९ जण गंभीर जखमी झाले असून, सर्व जखमींना तातडीने जळगाव येथील जिल्हा शासकीय वैद्यकीय महाविद्यालयात उपचारासाठी दाखल करण्यात आले आहे. मिळालेल्या माहितीनुसार, भुसावळ तालुक्यातील वराड सिम, कुऱ्हा, मोंढाळा, खंडाळा, सिंधी आणि मांडवा या परिसरातील आदिवासी बांधव मध्य प्रदेशात आयोजित सत्संग कार्यक्रमात सहभागी होण्यासाठी निघाले होते. यासाठी त्यांनी ४०७ मालवाहू वाहनातून प्रवास सुरू…
जळगाव प्रतिनिधी | जळगाव जिल्ह्यातील दुष्काळी परिस्थितीत पशुधनाचे संवर्धन करण्यासाठी शेतकरी आणि पशुपालकांनी चारा व्यवस्थापनाचे शास्त्रीय तंत्र अवलंबावे. उपलब्ध पीक अवशेषांचा योग्य वापर करून पशुधनासाठी पुरेसा आणि सकस चारा उपलब्ध करावा, असे आवाहन जिल्हा परिषदेच्या मुख्य कार्यकारी अधिकारी करिष्मा नायर यांनी केले. जळगाव तालुक्यातील चिंचोली येथील पशु चिकित्सालयात ‘चारा साक्षरता व संवर्धन अभियानांतर्गत’ आयोजित कार्यक्रमात त्या पशुपालक, दूध उत्पादक आणि शेतकऱ्यांशी थेट संवाद साधत होत्या. यावेळी दुष्काळी परिस्थितीत चाऱ्याची उपलब्धता, चारा उत्पादन आणि पशुखाद्य व्यवस्थापनाबाबत मार्गदर्शन करण्यात आले. पीक अवशेषांपासून सकस चारा निर्मिती कार्यक्रमात निकृष्ट चाऱ्याची पौष्टिकता वाढविण्याच्या विविध पद्धतींचे प्रात्यक्षिक सादर करण्यात आले. युरिया-मोलॅसिस प्रक्रियेद्वारे कुटाराची गुणवत्ता वाढविणे, हिरवा…
अमळनेर प्रतिनिधी | शहरातील शिवशक्ती कॉलनी परिसरात अज्ञात चोरट्यांनी घरफोडी करून सोन्या-चांदीचे दागिने आणि रोख रक्कम असा एकूण १ लाख ३७ हजार ५०० रुपयांचा मुद्देमाल चोरून नेल्याची घटना उघडकीस आली आहे. या प्रकरणी अमळनेर पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, गणेश शांताराम जोशी (वय २६) यांच्या घराला चोरट्यांनी लक्ष्य केले. २२ ऑक्टोबरच्या रात्री ११ वाजेपासून २३ ऑक्टोबरच्या सकाळी ९ वाजेच्या दरम्यान ही घरफोडी झाल्याचे तक्रारीत नमूद आहे. चोरट्यांनी घरातील कपाटातून सोन्या-चांदीचे विविध दागिने चोरून नेले. चोरीस गेलेल्या मुद्देमालामध्ये सोन्याचे दागिने, चांदीच्या वस्तू आणि इतर मौल्यवान साहित्याचा समावेश आहे. या घटनेमुळे परिसरात खळबळ उडाली असून नागरिकांमध्ये चिंतेचे वातावरण…
जळगाव प्रतिनिधी | जळगाव जिल्हा व शहर काँग्रेस कमिटीच्या वतीने ‘वोट बचाओ – देश बचाओ’ अभियानाच्या प्रभावी अंमलबजावणीसाठी महत्त्वपूर्ण नियोजन बैठक उत्साहपूर्ण वातावरणात पार पडली. या बैठकीच्या अध्यक्षस्थानी हिम्मतसिंग होते. लोकशाहीचे संरक्षण, मतदारांच्या अधिकारांची जपणूक आणि मतदार यादीतील अनियमिततांबाबत जनजागृती करण्यासह काँग्रेस पक्षाची संघटनात्मक ताकद वाढविण्यावर यावेळी भर देण्यात आला. मतदानाचा अधिकार हा लोकशाही व्यवस्थेचा महत्त्वाचा आधार असून, प्रत्येक नागरिकाचा हा अधिकार सुरक्षित राहणे आवश्यक आहे. याच उद्देशाने ‘वोट बचाओ – देश बचाओ’ अभियानाच्या माध्यमातून नागरिकांमध्ये जागरूकता निर्माण करण्याचा निर्धार बैठकीत व्यक्त करण्यात आला. मतदार यादीतील संभाव्य अनियमिततांबाबत नागरिकांना माहिती देणे, मतदान प्रक्रियेविषयी जनजागृती करणे आणि लोकशाही मूल्यांचे जतन करण्यासाठी…
जळगाव प्रतिनिधी | नद्यांमधील पाण्याची पातळी कमी होताच जिल्ह्यात वाळू चोरीच्या हालचाली वाढण्याची शक्यता निर्माण झाली आहे. अशा परिस्थितीत अवैध वाळू उपसा आणि वाहतुकीवर नियंत्रण ठेवण्यासाठी जळगाव जिल्हा पोलिसांनी सतर्कता वाढवली असून, अवघ्या दोन दिवसांत वाळूसंदर्भात ११ गुन्हे दाखल केले आहेत. या कारवायांमध्ये कोट्यवधी रुपयांचा मुद्देमाल जप्त करण्यात आल्याची माहिती पोलीस अधीक्षक श्रीकांत धिवरे यांनी दिली. पोलिसांनी भडगाव, कासोदा, जळगाव तालुका आणि एरंडोल परिसरात विविध ठिकाणी कारवाई केली. भडगाव तालुक्यातील वाक येथे दोन वेगवेगळ्या कारवायांमध्ये अनुक्रमे दोन कोटी आणि ४४ लाख रुपयांचा मुद्देमाल जप्त करण्यात आला. कासोदा परिसरातील जानफळ येथे नऊ लाख रुपयांचा, तर उतराण येथे तीन लाख रुपयांचा मुद्देमाल…
धरणगाव प्रतिनिधी |धरणगाव शहरात घरफोडीच्या घटनेने नागरिकांमध्ये भीतीचे वातावरण निर्माण झाले आहे. शहरातील जी.एस. नगर परिसरातील कृष्ण-गीता नगरात मध्यरात्री अज्ञात चोरट्यांनी घरफोडी केली. या घटनेत पाच जणांची टोळी सीसीटीव्ही कॅमेऱ्यात कैद झाली असून, पोलिसांकडून आरोपींचा शोध सुरू आहे. मिळालेल्या माहितीनुसार, मध्यरात्री १ वाजून १८ मिनिटांच्या सुमारास ही घटना घडली. घरफोडीची माहिती मिळताच धरणगाव पोलिसांनी घटनास्थळी धाव घेत पाहणी केली. यावेळी घरातील कपाटांचे ड्रॉवर उघडे असल्याचे, तसेच कपडे आणि साड्या अस्ताव्यस्त पडल्याचे निदर्शनास आले. मात्र, प्राथमिक माहितीनुसार घरातून रोकड किंवा सोन्या-चांदीचे दागिने चोरीला गेले नसल्याचे समोर आले आहे. असे असले तरी मध्यरात्री घडलेल्या या घटनेमुळे परिसरातील नागरिकांमध्ये चिंतेचे वातावरण पसरले आहे.…
जळगाव (प्रतिनिधी) : जळगाव शहरातील संवेदनशील पोलीस ठाण्यांपैकी एक असलेल्या शनिपेठ पोलीस ठाण्याचे प्रभारी पोलीस निरीक्षक डॉ. विशाल जयस्वाल यांची पोलीस मुख्यालयातील नियंत्रण कक्षात बदली करण्यात आली आहे. गुरुवार, २२ ऑक्टोबर रोजी सायंकाळच्या सुमारास बदलीचे आदेश जारी झाल्याची माहिती समोर आली आहे. अचानक झालेल्या या प्रशासकीय निर्णयामुळे जळगाव पोलीस दलात चर्चांना उधाण आले आहे. डॉ. विशाल जयस्वाल हे सुमारे सहा महिन्यांपूर्वी रावेर येथून बदली होऊन जळगावमध्ये रुजू झाले होते. त्यांच्याकडे शहरातील शनिपेठ पोलीस ठाण्याच्या प्रभारी पदाची जबाबदारी सोपविण्यात आली होती. शनिपेठ पोलीस ठाण्याच्या हद्दीत कायदा व सुव्यवस्था राखण्याच्या दृष्टीने पोलिसांसमोर अनेक आव्हाने असतात. त्यामुळे या ठाण्याच्या प्रभारी अधिकाऱ्याच्या बदल्येकडे विशेष…
