Author: Editorial Desk

पारोळा प्रतिनिधी | पारोळा तालुक्यातील सावखेडा येथे अल्पवयीन मुलीवरील कथित लैंगिक अत्याचाराच्या प्रकरणामुळे खळबळ उडाली आहे. या प्रकरणी सावखेडा येथील मच्छिंद्र ईश्वर ठाकरे याच्याविरुद्ध पारोळा पोलीस ठाण्यात गुन्हा दाखल करण्यात आला आहे. तक्रारीत नमूद आरोपांनुसार, या प्रकरणात पोक्सो कायद्यासह भारतीय न्याय संहितेतील संबंधित कलमे लावण्यात आली आहेत. पोलिसांत दाखल तक्रारीनुसार, पीडित मुलगी १५ वर्षांची आहे. आरोपीने तिच्याशी ओळख वाढवून तिचा विश्वास संपादन केल्याचा आणि त्यानंतर तिच्यावर लैंगिक अत्याचार केल्याचा आरोप करण्यात आला आहे. तसेच, मुलीचे फोटो व्हायरल करण्याची धमकी देऊन तिला दबावाखाली ठेवण्याचा प्रयत्न केल्याचेही तक्रारीत नमूद करण्यात आले आहे. या कथित प्रकारामुळे पीडित मुलगी आणि तिच्या कुटुंबीयांना मानसिक त्रास…

जळगाव प्रतिनिधी | जळगाव जिल्ह्यात प्रतिबंधित गुटखा, पानमसाला आणि सुगंधित तंबाखूजन्य पदार्थांची अवैध वाहतूक व विक्री करणाऱ्यांविरोधात जळगाव पोलिसांनी कारवाईचा बडगा उगारला आहे. फत्तेपूर पोलिसांनी गोपनीय माहितीच्या आधारे कारवाई करत सुमारे १ लाख ६ हजार ३०० रुपये किमतीचा मुद्देमाल जप्त केला असून, एका आरोपीला अटक केली आहे. पोलिसांनी दिलेल्या माहितीनुसार, २२ ऑक्टोबर रोजी रात्री सुमारे १० वाजता फत्तेपूर पोलीस ठाण्याचे सहाय्यक पोलीस निरीक्षक अंकुश जाधव यांना गुप्त बातमीदारामार्फत फत्तेपूर ते कसबावाडी रस्त्यावर एका इसमाकडून प्रतिबंधित विमल पानमसाला व व्ही-१ सुगंधित तंबाखूची अवैध वाहतूक होत असल्याची माहिती मिळाली. त्यानंतर पोलिसांनी तत्काळ पथकासह घटनास्थळी धाव घेत छापा टाकला. या कारवाईत प्रसाद दामू…

जामनेर प्रतिनिधी | तालुक्यातील पिंपळगाव गोलाईत शिवारातून चोरीला गेलेली बैलगाडी हस्तगत करण्यात पहूर पोलिसांना यश आले आहे. या प्रकरणात पोलिसांनी दोघांना ताब्यात घेऊन चौकशी केली असून, चोरीची बैलगाडी आणि गुन्ह्यासाठी वापरण्यात आलेली टेम्पो गाडी असा एकूण २ लाख ६५ हजार रुपयांचा मुद्देमाल जप्त करण्यात आला आहे. पोलिसांनी दिलेल्या माहितीनुसार, ५ ऑक्टोबर २०२६ रोजी सायंकाळी सुमारे सात वाजण्याच्या सुमारास पिंपळगाव गोलाईत शिवारातील शेत गट क्रमांक १०७ मधून फिर्यादी यांच्या मालकीची दोन बैलांसह बैलगाडी चोरीला गेली होती. याप्रकरणी पहूर पोलीस ठाण्यात भारतीय न्याय संहिता कलम ३०३(२) अन्वये गुन्हा दाखल करण्यात आला होता. पोलीस अधीक्षक श्रीकांत धिवरे यांच्या मार्गदर्शनाखाली तपास सुरू असताना गोपनीय…

जळगाव प्रतिनिधी | पाळधी गावाजवळील पाळधी-तरसोद बायपासवरील रेल्वे उड्डाणपुलाला जोडणाऱ्या रस्त्याचा भराव खचल्याने भीषण दुर्घटना घडली. रस्त्याचा काही भाग खचून त्यासोबत क्रेन मशीन थेट पुलावरून खाली कोसळली. या दुर्घटनेत मधुकर धनराज पाटील यांचा मृत्यू झाला. या घटनेमुळे परिसरात खळबळ उडाली असून, महामार्गाच्या बांधकामाच्या गुणवत्तेवर गंभीर प्रश्न उपस्थित केले जात आहेत. मुंबई-नागपूर राष्ट्रीय महामार्गाला जोडणाऱ्या या बायपासवरील रेल्वे उड्डाणपुलाच्या भरावाचा काही भाग अचानक खचला. यामुळे क्रेन मशीनसह रस्त्याचा भाग खाली कोसळला. या दुर्घटनेत सिमेंटच्या सुरक्षा प्लेट्सही खाली पडल्या. या घटनेमुळे पुलाला जोडणाऱ्या रस्त्याच्या बांधकामाच्या दर्जाबाबत चिंता व्यक्त केली जात आहे. विशेष म्हणजे, यापूर्वी आसोदा गावाजवळील रेल्वे उड्डाणपुलाच्या एका बाजूचा भराव कोसळण्याची…

पारोळा प्रतिनिधी | दुष्काळाच्या पार्श्वभूमीवर रोजगारनिर्मितीसह दुष्काळ निवारणाच्या कामांना गती देण्यासाठी महत्त्वपूर्ण मानल्या जाणाऱ्या व्हीबी-जी रामजी योजनेची राज्यातील पहिली कार्यशाळा पारोळा शहरात पार पडली. एरंडोल-पारोळा विधानसभा मतदारसंघासाठी आयोजित या कार्यशाळेत योजनेची प्रभावी अंमलबजावणी, नियोजन आणि विविध कामांच्या माध्यमातून दुष्काळावर मात करण्याबाबत मार्गदर्शन करण्यात आले. या योजनेअंतर्गत दुष्काळ निवारणाशी संबंधित एकूण ३७५ कामांचा समावेश असल्याने ग्रामीण भागातील पाणीटंचाई आणि रोजगाराच्या समस्यांवर मात करण्यासाठी ही योजना गेमचेंजर ठरू शकते, असा विश्वास व्यक्त करण्यात आला. योजनेचा लाभ अधिकाधिक नागरिकांपर्यंत पोहोचवण्यासाठी कामांचे नियोजन आणि अंमलबजावणी प्रभावीपणे करण्यावर कार्यशाळेत भर देण्यात आला. या कार्यशाळेला योजनेचे मिशन महासंचालक अतुल कोदे, रोजगार हमी योजनेचे मंत्रालयीन सहसचिव कैलास…

जळगाव प्रतिनिधी | शहरातील स्वच्छता आणि नागरिकांच्या समस्यांचा आढावा घेण्यासाठी महापौर स्वच्छता संकल्प अभियानांतर्गत महापौर दीपमाला काळे यांनी शुक्रवार, २३ ऑक्टोबर रोजी प्रभाग क्रमांक ७ मध्ये प्रत्यक्ष पाहणी केली. या दौऱ्यात गटारींची दुरवस्था, अतिक्रमणे, रस्त्यांवरील अडथळे आणि पाण्याचा अपव्यय निदर्शनास आल्याने महापौरांनी तीव्र नाराजी व्यक्त केली. संबंधित विभागांना तातडीने कारवाई करण्याचे निर्देशही दिले. गणेश कॉलनी चौकातील गुरुदत्त मंदिर परिसरात रस्त्याला अडथळा ठरणाऱ्या बंद टपऱ्या हटवण्याच्या सूचना देण्यात आल्या. तसेच प्रभागातील अनेक ठिकाणी गटारींची वेळेवर सफाई झाली नसल्याचे आढळले. गटारींवरील अतिक्रमणे हटवून परिसर स्वच्छ करण्याचे आदेश आरोग्य आणि बांधकाम विभागाला देण्यात आले. बजरंग बोगदा परिसरात धूळ खात पडलेले साहित्य, अतिक्रमणांचे सांगाडे…

जळगाव प्रतिनिधी | जळगाव शहरालगत असलेल्या खेडी गावाजवळ धारदार शस्त्राने हल्ला केल्याची खळबळजनक घटना शुक्रवारी, २३ ऑक्टोबर रोजी सकाळी साडेनऊ वाजेच्या सुमारास घडली. नशा करण्यासाठी पैसे न दिल्याच्या रागातून तीन ते चार जणांनी ४५ वर्षीय किशोर मधुकर बाविस्कर यांच्यावर धारदार शस्त्राने वार केल्याचा आरोप आहे. या हल्ल्यात बाविस्कर गंभीर जखमी झाले असून, त्यांच्यावर शासकीय वैद्यकीय महाविद्यालय व रुग्णालयात उपचार सुरू आहेत. या घटनेमुळे परिसरात खळबळ उडाली आहे. किशोर मधुकर बाविस्कर हे खेडी येथील शिवनगर परिसरात वास्तव्यास असून, भंगार विक्री करून आपल्या कुटुंबाचा उदरनिर्वाह करतात. मिळालेल्या माहितीनुसार, गुरुवारी, २२ ऑक्टोबर रोजी सायंकाळी संशयित आनंद पाटील, गौरव पाटील, सनी (पूर्ण नाव समजू…

भुसावळ प्रतिनिधी | भुसावळ तालुक्यातील फेकरी गावात दारूच्या नशेत घरात घुसून तरुणीचा विनयभंग, मारहाण आणि सोनसाखळी हिसकावून नेल्याची गंभीर घटना समोर आली आहे. या घटनेत मध्यस्थी करण्यासाठी गेलेली सासू आणि एक नातेवाईकही जखमी झाले आहेत. याप्रकरणी भुसावळ तालुका पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, देवेंद्र उर्फ डेव्हिड अशोक सरवटकर याने कथितरीत्या दारूच्या नशेत पीडितेच्या घरात अनधिकृत प्रवेश केला. यावेळी त्याने तरुणीशी अश्लील वर्तन करत तिच्यावर सुरीने वार करून दुखापत केल्याचा आरोप आहे. तसेच तिच्या गळ्यातील सोन्याची साखळी जबरदस्तीने हिसकावून घेतल्याचे तक्रारीत नमूद आहे. यानंतर आरोपीने जीवे मारण्याची धमकी दिल्याचाही आरोप करण्यात आला आहे. घटनेदरम्यान पीडितेला वाचवण्यासाठी आणि…

चाळीसगाव प्रतिनिधी | चाळीसगाव मध्यवर्ती बसस्थानकावर प्रवाशांच्या गर्दीचा फायदा घेत महिलांचे सोन्याचे दागिने चोरणाऱ्या टोळीचा चाळीसगाव शहर पोलिसांनी पर्दाफाश केला आहे. या प्रकरणी दोन महिलांसह पाच संशयितांना अटक करण्यात आली असून, त्यांच्याकडून १० ग्रॅम सोने जप्त करण्यात आले आहे. चोरीचे सोने खरेदी करणाऱ्या सराफावरही पोलिसांनी कायदेशीर कारवाई केली आहे. चाळीसगाव बसस्थानकावर प्रवाशांची मोठी गर्दी असताना एका महिलेच्या गळ्यातील पाच ग्रॅम वजनाचे मंगळसूत्र चोरीला गेले होते. या घटनेनंतर पोलिसांनी गुन्ह्याचा तपास सुरू केला. बसस्थानक परिसरातील हालचाली, तांत्रिक विश्लेषण आणि गोपनीय माहितीच्या आधारे पोलिसांनी संशयितांचा माग काढला. तपासादरम्यान दोन महिलांसह पाच संशयितांना ताब्यात घेऊन अटक करण्यात आली. त्यांच्याकडून १० ग्रॅम सोने हस्तगत…

जळगाव : शहरात अवघ्या दहा दिवसांच्या स्त्री जातीच्या अर्भकाला निर्जनस्थळी बेवारस सोडून दिल्याची धक्कादायक घटना समोर आली आहे. या प्रकरणी रामानंदनगर पोलीस ठाण्यात गुन्हा क्रमांक ३११/२०२६ नुसार भारतीय न्याय संहिता कलम ९३ आणि बाल न्याय अधिनियमातील संबंधित कलमांन्वये गुन्हा दाखल करण्यात आला आहे. १६ ऑक्टोबर २०२६ रोजी रात्री दहा वाजण्याच्या सुमारास गिरणगाव पिंपळा रेल्वे पुलाजवळ, आजादनगर पिंपळाकडे जाणाऱ्या सार्वजनिक कच्च्या रस्त्याच्या बाजूला हे अर्भक आढळून आले. परिसरात मृत जनावरे टाकली जात असल्याने ही जागा बालिकेसाठी अत्यंत धोकादायक होती. अर्भकाच्या अंगाला मुंग्या लागत असल्याचे लक्षात येताच शिवाजी मधुकर गायकवाड यांनी तत्काळ बालिकेला स्वतःकडे घेत तिची काळजी घेतली आणि त्यानंतर पोलिसांना माहिती…