जळगाव प्रतिनिधी | जिल्ह्यात अवैध गौण खनिज वाहतुकीविरोधात कारवाई सुरू असतानाच, जळगाव तालुका पोलिसांनी विनापरवाना वाळू वाहतूक करणारा डंपर पकडल्याची घटना समोर आली आहे. कानळदा ते जळगाव रस्त्यावरील अतराडे पेट्रोलपंपासमोर करण्यात आलेल्या या कारवाईत वाळूसह डंपर असा एकूण ५ लाख ४८ हजार ४६० रुपयांचा मुद्देमाल जप्त करण्यात आला आहे. पोलिसांच्या नोंदीनुसार, १६ ऑक्टोबर २०२६ रोजी रात्री साडेबारा वाजण्याच्या सुमारास ही कारवाई करण्यात आली. अशोक लेलँड कंपनीचा एमएच-१९-झेड-३३९२ क्रमांकाचा डंपर विनापरवाना वाळूची वाहतूक करत असल्याचे आढळून आल्याने पोलिसांनी तो ताब्यात घेतला. या कारवाईत डंपरची किंमत पाच लाख रुपये, तर त्यातील सुमारे दोन ब्रास वाळूची किंमत ४८ हजार ४६० रुपये असल्याचे नोंदीत…
Author: Editorial Desk
धरणगाव प्रतिनिधी : शहरातील मातोश्रीनगर परिसरात घरफोडीची घटना समोर आल्याने नागरिकांच्या सुरक्षिततेचा प्रश्न पुन्हा ऐरणीवर आला आहे. अज्ञात चोरट्याने घरात प्रवेश करून तब्बल ५४ हजार रुपयांची रोकड लंपास केल्याची तक्रार दाखल झाली आहे. या घटनेमुळे परिसरात खळबळ उडाली असून, चोरट्यांचा बंदोबस्त करण्याचे आव्हान पोलिसांसमोर उभे ठाकले आहे. मिळालेल्या माहितीनुसार, गणेश विठ्ठल बच्छाव (वय ३८, व्यवसाय नोकरी), रा. मातोश्रीनगर, धरणगाव यांनी याप्रकरणी पोलिसांत तक्रार दिली आहे. १४ ऑक्टोबर २०२६ रोजी रात्री आठ वाजेपासून १५ ऑक्टोबर रोजी सकाळी आठ वाजेपर्यंतच्या कालावधीत ही चोरी झाल्याचे तक्रारीत नमूद करण्यात आले आहे. चोरट्याने घरातील ५० हजार रुपयांची रोकड आणि अन्य चार हजार रुपये, अशी एकूण…
जळगाव प्रतिनिधी : शहरातील मोटारसायकल चोरीच्या घटनांचा छडा लावण्यात जळगाव एमआयडीसी पोलिसांना यश आले आहे. या प्रकरणी पोलिसांनी २३ वर्षीय संशयित आरोपीला ताब्यात घेतले असून, त्याच्याकडून चोरीच्या दोन मोटारसायकली जप्त करण्यात आल्या आहेत. जप्त केलेल्या वाहनांची एकूण किंमत ८५ हजार रुपये आहे. एमआयडीसी पोलीस ठाण्यात दाखल असलेल्या गुन्ह्यांच्या तपासादरम्यान ही कारवाई करण्यात आली. १४ ऑक्टोबर रोजी रात्री सुमारे १.३० वाजण्याच्या सुमारास बिस्मिल्ला चौक, अमजनेरी गल्ली परिसरातून मोटारसायकली चोरीला गेल्याची माहिती पोलिसांना मिळाली होती. या प्रकरणी पोलिसांनी तपासाची चक्रे वेगाने फिरवत संशयित आरोपीचा शोध घेतला. या प्रकरणात सोनू उर्फ साहिल मोहम्मद तडवी (वय २३, रा. मच्छी बाजार, जळगाव) याला ताब्यात घेण्यात…
जळगाव प्रतिनिधी | शहरातील आकाशवाणी जवळील उड्डाणपुलावर गुरुवारी सकाळी ९:३० ते १० वाजण्याच्या दरम्यान एका भीषण अपघातात दुचाकीस्वाराचा जागीच मृत्यू झाला. भरधाव ट्रकने कट मारून मागून जोरदार धडक दिल्याने ही दुर्घटना घडली. या दुर्दैवी घटनेमुळे शहरात हळहळ व्यक्त होत असून, मृतकाच्या कुटुंबियांवर आणि मित्रपरिवारावर शोककळा पसरली आहे. रविंद्र छबुलाल चौधरी (वय ३५, सध्या रा. चंदू अण्णानगर, जळगाव; मूळ रा. उत्राण, ता. एरंडोल) असे मृत झालेल्या दुचाकीस्वाराचे नाव आहे. प्राप्त माहितीनुसार, रविंद्र चौधरी हे मोतीलाल ओसवाल या खाजगी वित्त कंपनीत शाखा अधिकारी म्हणून कार्यरत होते. ते पत्नीसोबत जळगावात राहत होते. सकाळी ते आपल्या हिरो एचएफ डीलक्स (MH 19 DN 1282) या…
जळगाव : शहरातील प्रभाग क्रमांक ९ मधील डम्पिंग ग्राउंडवर कचरा जाळण्याच्या प्रकाराची महापौर दीपमाला काळे यांनी बुधवारी (१४ ऑक्टोबर) सकाळी पाहणी केली. नागरिकांच्या तक्रारींची दखल घेत त्यांनी संबंधित ठेकेदाराला कडक तंबी देत तातडीने उपाययोजना करण्याचे आदेश दिले. डम्पिंग ग्राउंडवर कचरा जाळला जात असल्याच्या तक्रारी समोर आल्यानंतर महापौरांनी अधिकाऱ्यांसह घटनास्थळी भेट दिली. यापुढे कचरा जाळल्याचे आढळल्यास कठोर कारवाई करण्यात येईल, असा इशाराही त्यांनी ठेकेदार आणि कर्मचाऱ्यांना दिला. दरम्यान, डम्पिंग ग्राउंडवरील प्लॅटफॉर्मचे काम अपूर्ण असून, पुण्यातील कंपनीकडून शेडचे कामही अद्याप पूर्ण झालेले नाही. या कामांतील दिरंगाईबद्दल महापौरांनी तीव्र नाराजी व्यक्त केली. तसेच कंपाऊंड वॉलसह इतर प्रलंबित कामे तातडीने पूर्ण करण्याचे स्पष्ट निर्देश…
जळगाव प्रतिनिधी : गर्जना महाराष्ट्र ग्रामीण पत्रकार संघटनेच्या जळगाव शहरात पार पडलेल्या बैठकीत महाराष्ट्र प्रदेश उपाध्यक्षपदी अरविंद देशमुख तर जळगाव जिल्हा उपाध्यक्षपदी ज्ञानेश्वर पाटील यांची एकमताने निवड करण्यात आली. संघटनेचे संस्थापक अध्यक्ष नरेंद्र कदम यांच्या हस्ते नवनिर्वाचित पदाधिकाऱ्यांना नियुक्तीपत्र, शाल व श्रीफळ देऊन सन्मानित करण्यात आले. यावेळी उपस्थित सर्व पदाधिकाऱ्यांनी बाके वाजवून दोन्ही नवनिर्वाचित पदाधिकाऱ्यांचे उत्साहात स्वागत केले. या बैठकीत आगामी काळात राबवण्यात येणाऱ्या विविध कार्यक्रमांबाबत सविस्तर चर्चा झाली, तसेच संघटनेच्या ध्येय-धोरणांसंदर्भात ज्येष्ठ सल्लागार दिलीप तिवारी यांनी उपस्थितांना मार्गदर्शन केले. याप्रसंगी बोलताना नवनिर्वाचित प्रदेश उपाध्यक्ष अरविंद देशमुख यांनी, “संघटनेने माझ्यावर मोठी जबाबदारी सोपवली असून गर्जना महाराष्ट्र ग्रामीण पत्रकार संघटनेला राज्य…
अमळनेर प्रतिनिधी | जळगाव जिल्ह्यातील अमळनेर तालुक्यातील शिरूड येथे अल्पवयीन मुलीच्या लग्नानंतर अत्याचार झाल्याचा गंभीर प्रकार समोर आला आहे. या प्रकरणी पीडितेच्या तक्रारीनंतर तिच्या पतीविरुद्ध अमळनेर पोलीस ठाण्यात भारतीय न्याय संहिता आणि बालकांचे लैंगिक अपराधांपासून संरक्षण कायदा अर्थात पॉक्सो अंतर्गत गुन्हा दाखल करण्यात आला आहे. या घटनेमुळे परिसरात खळबळ उडाली आहे. पोलिसांकडे दाखल फिर्यादीनुसार, पीडित मुलगी १७ वर्षे ७ महिन्यांची असून, तिचे सुमारे वर्षभरापूर्वी लग्न झाले होते. त्यानंतर ती गर्भवती राहिली. प्रसूतीसाठी तिला रुग्णालयात दाखल करण्यात आले असता, वैद्यकीय तपासणीदरम्यान तिने एका मुलीला जन्म दिल्याची बाब समोर आली. या प्रकरणाच्या पार्श्वभूमीवर तक्रार दाखल झाल्यानंतर पोलिसांनी संबंधित प्रकरणाची नोंद घेतली. अल्पवयीन…
जळगाव प्रतिनिधी | पाचोरा-मोंढाळा रस्त्यावर ट्रॅक्टर आणि दुचाकी यांच्यात झालेल्या भीषण अपघातात शिंदाड येथील तरुणाचा मृत्यू झाला. समाधान पाटील असे मृत तरुणाचे नाव असून, या घटनेमुळे शिंदाड परिसरात हळहळ व्यक्त केली जात आहे. मिळालेल्या माहितीनुसार, पाचोरा-मोंढाळा रस्त्यावरील म्हसोबा मंदिराजवळ ट्रॅक्टर आणि दुचाकी यांची समोरासमोर धडक झाली. ही धडक इतकी भीषण होती की, या अपघातात दुचाकीस्वार समाधान पाटील गंभीर जखमी झाले. अपघातानंतर जखमी समाधान पाटील यांना तातडीने उपचारासाठी रुग्णालयात दाखल करण्यात आले. मात्र, डॉक्टरांच्या प्रयत्नांनंतरही त्यांचा जीव वाचू शकला नाही. उपचारादरम्यान त्यांचा मृत्यू झाल्याने कुटुंबीयांवर दुःखाचा डोंगर कोसळला आहे. या अपघाताची माहिती मिळताच परिसरात हळहळ व्यक्त करण्यात आली. पाचोरा-मोंढाळा रस्त्यावरील म्हसोबा…
जळगाव प्रतिनिधी | जळगाव तालुक्यातील उमाळा-कंडारी रस्त्यावर मालवाहू रिक्षाचा भीषण अपघात होऊन गंभीर जखमी झालेल्या १६ वर्षीय अर्जुन कोळी याचा उपचारादरम्यान मृत्यू झाला. मंगळवारी (१३ ऑक्टोबर) सकाळी आठ वाजता त्याची प्राणज्योत मालवली. या घटनेमुळे कंडारी गावावर शोककळा पसरली असून, विद्यार्थ्यांच्या सुरक्षित वाहतुकीचा प्रश्न पुन्हा ऐरणीवर आला आहे. अर्जुन हा उमाळा येथील माध्यमिक विद्यालयात नववीच्या वर्गात शिकत होता. सोमवारी (१२ ऑक्टोबर) शाळा सुटल्यानंतर तो इतर विद्यार्थ्यांसह घरी जाण्यासाठी बसची वाट पाहत होता. मात्र, बस वेळेवर न आल्याने विद्यार्थ्यांनी खासगी मालवाहू रिक्षातून प्रवास करण्याचा निर्णय घेतला. याचदरम्यान उमाळा-कंडारी रस्त्यावर रिक्षाचा अपघात झाला. या दुर्घटनेत रिक्षाचालकासह दहा विद्यार्थी जखमी झाले होते. गंभीर जखमी…
रावेर प्रतिनिधी | खानदेशच्या समृद्ध लोकसंस्कृतीचा वारसा जपणाऱ्या पारंपरिक वहीगायन कलेचा रावेरमध्ये ऐतिहासिक जागर! रावेर शहरात प्रथमच खानदेश वहीगायन लोककलावंत मेळाव्याचे आयोजन करण्यात आले. या मेळाव्यात खानदेशच्या पारंपरिक लोककलेचा गौरव करत चार ज्येष्ठ कलावंतांना जीवनगौरव पुरस्काराने सन्मानित करण्यात आले. खानदेश वहीगायन लोककलावंत परिषद आणि रावेर येथील छत्रपती शिवाजी महाराज वही मंडळ यांच्या संयुक्त विद्यमाने सोमवारी श्री संत सावता माळी मंगल कार्यालयात हा मेळावा उत्साहात पार पडला. कार्यक्रमाच्या प्रारंभी शहरातून काढण्यात आलेल्या आकर्षक शोभायात्रेने नागरिकांचे लक्ष वेधून घेतले. या मेळाव्याला विधान परिषदेचे आमदार नंदकिशोर महाजन, परिषदेचे अध्यक्ष विनोद ढगे, रावेरच्या नगराध्यक्षा संगीता महाजन यांच्यासह विविध क्षेत्रांतील मान्यवर उपस्थित होते. जिल्हाभरातील तब्बल…
