Author: Editorial Desk

जळगाव प्रतिनिधी | जळगाव जिल्ह्यात सायबर भामट्यांनी ‘डिजिटल अरेस्ट’च्या नावाखाली एका निवृत्त प्राध्यापकाची ५ लाख २० हजार रुपयांची ऑनलाइन फसवणूक केल्याची घटना समोर आली आहे. अतिरेक्यांशी आर्थिक व्यवहार केल्याचा आरोप करत पोलिस कारवाईची भीती दाखवून ही फसवणूक करण्यात आली. याप्रकरणी जळगाव येथील सायबर पोलिस ठाण्यात गुन्हा दाखल करण्यात आला आहे. पाचोरा येथील जयकिसान सोसायटी परिसरात राहणारे निवृत्त प्राध्यापक विजयसिंग रामकृष्ण पवार हे या फसवणुकीचे बळी ठरले आहेत. संशयितांनी पोलिस अधिकारी असल्याचे भासवून त्यांच्याशी व्हॉट्सॲपवर व्हिडिओ कॉल केला. यावेळी खाकी वर्दीतील व्यक्तीने अतिरेक्यांशी आर्थिक व्यवहार झाल्याचा आरोप करत त्यांच्यावर कारवाई होऊ शकते, अशी भीती दाखवली. कारवाई टाळण्यासाठी बँक खात्यात पैसे जमा…

रावेर प्रतिनिधी | रावेर तालुक्यात आगामी काळात उद्भवणाऱ्या संभाव्य पाणीटंचाईच्या पार्श्वभूमीवर रावेर तहसील कार्यालयात ६७ गावांमधील पाणीटंचाईचा आढावा घेण्यासाठी महत्त्वपूर्ण बैठक घेण्यात आली. या बैठकीत पाणीटंचाईवर मात करण्यासाठी कोणत्या उपाययोजना करण्यात आल्या आहेत, असा प्रश्न आमदार चंद्रकांत पाटील आणि आमदार अमोल जावळे यांनी उपस्थित केला. मात्र, काही प्रश्नांवर संबंधित अधिकाऱ्यांना समाधानकारक उत्तरे देता न आल्याने बैठकीत विविध मुद्द्यांवर चर्चा झाली. रावेर तालुका दुष्काळसदृश परिस्थितीला सामोरा जात असताना आगामी काळात नागरिकांना पिण्याच्या पाण्याची टंचाई जाणवू नये, यासाठी प्रशासनाने कोणती तयारी केली आहे, याबाबत आमदारांनी माहिती मागवली. तसेच जनावरांसाठी चारा छावण्या सुरू करण्याची आवश्यकता, शेतकऱ्यांच्या नुकसानीचे पंचनामे आणि नुकसानभरपाई यांसारख्या महत्त्वाच्या विषयांवरही…

रावेर प्रतिनिधी | रावेर तालुक्यातील रमजीपूर येथील शेतातून चोरीला गेलेल्या मोटार पंपाचा रावेर पोलिसांनी छडा लावला आहे. गुप्त माहितीच्या आधारे कारवाई करत पोलिसांनी या प्रकरणात चौघांना ताब्यात घेतले आहे. या कारवाईमुळे शेतकऱ्यांच्या शेतातील मोटार पंप आणि कॉपर वायर चोरीच्या घटनांना आळा घालण्याच्या दृष्टीने पोलिसांना महत्त्वाचे यश मिळाले आहे. रमजीपूर येथील शेतगट क्रमांक १६२२/२ मधून ३ ऑक्टोबरच्या रात्री समराई कंपनीचा पाण्याचा मोटार पंप चोरीला गेला होता. याप्रकरणी रावेर पोलीस ठाण्यात तक्रार दाखल करण्यात आली होती. त्यानंतर पोलीस अधीक्षक श्रीकांत धिवरे यांच्या मार्गदर्शनाखाली रावेर पोलिसांनी शेतातील मोटार आणि कॉपर वायर चोरीच्या घटनांबाबत विशेष मोहीम सुरू केली. तपासादरम्यान पोलिसांना मिळालेल्या गुप्त माहितीनुसार राजेंद्र…

रावेर प्रतिनिधी | बुरहानपूरहून महाराष्ट्रात बंदी असलेला गुटखा घेऊन चोपड्याकडे जात असल्याचा संशय असलेल्या चारचाकी वाहनाला निंभोरा फाट्याजवळ अपघात झाला. या दुर्घटनेत वाहनातील दोन जण जखमी झाले आहेत. (एमएच २६ व्ही ४४२३) क्रमांकाच्या वाहनातून गुटख्याची वाहतूक केली जात असल्याची प्राथमिक माहिती समोर आली आहे. अपघातानंतर परिसरातील नागरिकांनी घटनास्थळी धाव घेत वाहनातील दोन्ही जखमींना बाहेर काढले. रावेर शहरातील सामाजिक कार्यकर्ते शरद राजपूत यांना घटनेची माहिती मिळताच त्यांनी ॲम्बुलन्सच्या मदतीने जखमींना सावदा ग्रामीण रुग्णालयात दाखल केले. प्रकृतीनुसार पुढील उपचारासाठी दोघांना जळगाव येथील सिव्हिल हॉस्पिटलमध्ये हलविण्यात आल्याची माहिती आहे. दरम्यान, अपघातग्रस्त वाहनाची पाहणी केली असता त्यामध्ये महाराष्ट्रात बंदी असलेला गुटखा आढळल्याचे उपस्थित नागरिकांनी…

पाचोरा प्रतिनिधी | पाचोरा तालुक्यातील मोहाडी गावात जुन्या वादातून महिलेसोबत गैरवर्तन करत मारहाण केल्याचा प्रकार समोर आला आहे. याप्रकरणी पिंपळगाव हरेश्वर पोलीस ठाण्यात पाच जणांविरोधात विनयभंगासह विविध कलमांनुसार गुन्हा दाखल करण्यात आला आहे. पीडित महिलेची ओळख जाहीर करण्यात आलेली नाही. पोलिसांत दाखल तक्रारीनुसार, घरासमोरील गटारीत नळाचे पाणी सोडल्याच्या कारणावरून हा वाद निर्माण झाला. यावेळी आरोपींनी महिलेसोबत वाद घालत शिवीगाळ केल्याचा आरोप आहे. त्यानंतर आरोपींनी महिलेशी गैरवर्तन करत तिचा विनयभंग केल्याचे तक्रारीत नमूद करण्यात आले आहे. याच वादातून महिलेच्या मुलीलाही मारहाण करण्यात आल्याचा आरोप आहे. तिचे केस ओढून तिला खाली पाडण्यात आले आणि चापटा-बुक्क्यांनी मारहाण करण्यात आल्याचे तक्रारीत म्हटले आहे. मुलीला…

रावेर प्रतिनिधी | रावेर तालुक्यातील केऱ्हाडा गावातील इंदिरानगर परिसरात २४ वर्षीय तरुणाचा निर्घृण खून झाल्याची धक्कादायक घटना समोर आली आहे. राजेंद्र रवींद्र कापडे असे मृत तरुणाचे नाव आहे. या घटनेने परिसरात एकच खळबळ उडाली असून, नागरिकांमध्ये भीतीचे वातावरण निर्माण झाले आहे. प्राथमिक माहितीनुसार, राजेंद्र कापडे आणि रामसिंग भिल्ल यांच्यात काही कारणावरून वाद झाला होता. या वादाचे रूपांतर हाणामारीत झाले. याचवेळी संतापाच्या भरात रामसिंग भिल्ल याने ब्लेंडर मशीनच्या कटरने राजेंद्र यांच्या गळ्यावर वार केल्याचा आरोप आहे. या हल्ल्यात राजेंद्र कापडे गंभीर जखमी झाले. घटनेनंतर त्यांना तातडीने रावेर ग्रामीण रुग्णालयात उपचारासाठी दाखल करण्यात आले. मात्र, डॉक्टरांनी तपासणी केल्यानंतर त्यांना मृत घोषित केले.…

जळगाव प्रतिनिधी | प्रेमसंबंधाला विरोध केल्याने वारंवार धमकावून मानसिक त्रास दिल्याच्या आरोपातून २८ वर्षीय तरुणाने गळफास घेऊन आत्महत्या केल्याची धक्कादायक घटना जळगाव तालुक्यातील देवळवाडा परिसरात घडली. प्रशांत संजय सोनवणे (वय २८, रा. देऊळवाडा, ता. जि. जळगाव) असे मृत तरुणाचे नाव आहे. या प्रकरणी ३ जणांविरोधात जळगाव तालुका पोलिसात गुन्हा दाखल करण्यात आला आहे मिळालेल्या माहितीनुसार, प्रशांत सोनवणे याची मावस बहीण रोशनी अशोक ठाकरे हिचे संदीप महाजन याच्यासोबत प्रेमसंबंध असल्याचे तक्रारीत नमूद करण्यात आले आहे. या प्रेमसंबंधाला प्रशांतचा विरोध होता. याच कारणावरून संदीप महाजन, विशाल महाजन तसेच त्यांच्या आईकडून प्रशांतला वारंवार अडवून धमकावले जात असल्याचा आरोप करण्यात आला आहे. तक्रारीनुसार, प्रशांतला…

जळगाव प्रतिनिधी | पाळधी येथे शाळा सुटल्यानंतर बस पकडण्यासाठी झालेल्या गर्दीत दहावीत शिकणाऱ्या १६ वर्षीय विद्यार्थिनीचा पाय घसरून बसखाली आल्याने चिरडून दुर्दैवी मृत्यू झाला. राजनंदिनी शिंदे असे मृत विद्यार्थिनीचे नाव असून ती पाळधी येथील झंवर विद्यालयात दहावीच्या वर्गात शिक्षण घेत होती. या घटनेने पाळधी परिसरात हळहळ व्यक्त होत आहे. पाळधी येथील झंवर विद्यालयाची शाळा सुटल्यानंतर विद्यार्थ्यांची गावाकडे जाण्यासाठी बस पकडण्यासाठी मोठी गर्दी झाली होती. याचवेळी बसमध्ये चढण्याच्या प्रयत्नात राजनंदिनी शिंदे हिचा अचानक पाय घसरला. त्यामुळे ती बसखाली पडली आणि बसचे चाक अंगावरून गेल्याने तिचा जागीच किंवा गंभीर जखमी होऊन दुर्दैवी मृत्यू झाला. घटनेची माहिती मिळताच परिसरातील नागरिकांनी घटनास्थळी धाव घेतली.…

जळगाव, जितेंद्र कोतवाल : जळगाव शहरातील मेहरुण बगीचा परिसरात सुरू असलेल्या काँक्रीटच्या गटारीच्या कामादरम्यान दुर्दैवी दुर्घटना घडली. शेतातील काम आटोपून घरी परतत असताना तोल जाऊन गटारीत पडल्याने ३५ वर्षीय नवल अर्जुन सोनवणे यांचा मृत्यू झाला. या घटनेमुळे रामेश्वर कॉलनी परिसरात हळहळ व्यक्त होत आहे. नवल सोनवणे हे रामेश्वर कॉलनी, जळगाव येथे पत्नी, आई, मुलगा आणि मुलीसह राहत होते. शेतातील काम आटोपल्यानंतर ते घरी परतत होते. यावेळी मेहरुण बगीच्यात सुरू असलेल्या काँक्रीटच्या गटारीच्या कामाच्या ठिकाणी त्यांचा अचानक तोल गेला आणि ते गटारीत पडले. या दुर्घटनेत त्यांना गंभीर दुखापत झाली. घटनेनंतर त्यांना तातडीने उपचारासाठी जळगाव येथील जिल्हा शासकीय वैद्यकीय महाविद्यालय व रुग्णालयात…

जळगाव प्रतिनिधी | राष्ट्रवादी काँग्रेस शरद पवार गटाचे नेते एकनाथ खडसे यांच्या मुक्ताईनगर येथील निवासस्थानी ड्रोनच्या माध्यमातून रेकी केल्याचा आरोप करण्यात आला आहे. खडसे यांनी याप्रकरणी पोलिसांत तक्रारही दाखल केली आहे. मात्र, तक्रार करूनही अद्याप या प्रकरणात कोणतीही ठोस कारवाई झालेली नसल्याचा दावा करण्यात आला आहे. या पार्श्वभूमीवर जळगाव येथील राष्ट्रवादी काँग्रेस शरद पवार गटाचे नेते आणि पदाधिकारी यांनी जिल्हाधिकारी कार्यालयात धाव घेतली. पदाधिकाऱ्यांनी जिल्हाधिकाऱ्यांची भेट घेऊन याप्रकरणी निवेदन साद केले. ड्रोनद्वारे करण्यात आलेल्या कथित रेकीची सखोल चौकशी करण्यात यावी, अशी मागणी निवेदनातून करण्यात आली आहे. खडसेंच्या निवासस्थानी ड्रोन नेमका कोणी उडवला, त्यामागील उद्देश काय होता आणि या घटनेशी संबंधित…