जामनेर-लाईव्ह ट्रेंडस न्यूज प्रतिनिधी । जामनेर तालुक्यातील गारखेडा परिसरातून एक धक्कादायक घटना समोर आली आहे, जिथे शाळेत जाणाऱ्या एका विद्यार्थिनीचा विनयभंग केल्याप्रकरणी तीन तरुणांविरुद्ध गुन्हा दाखल करण्यात आला आहे. मागील पाच ते सहा महिन्यांपासून त्रास सुरूच होता. याबाबत जामनेर पोलीस ठाण्यात तिघांविरोधात पोक्सो कायद्यांतर्गत गुन्हा दाखल करण्यात आला.
जामनेर तालुक्यातील एका गावात पीडित विद्यार्थिनी दररोज शाळेत जात असताना, संशयित आरोपी मनीष विजय पाटील, योगराज आणि रितेश दिनेश गोलाईत हे तिला अडवून अश्लील कमेंट्स करत होते. संशयित आरोपींचे हे कृत्य मागील पाच ते सहा महिन्यांपासून सुरू होते, ज्यामुळे पीडित विद्यार्थिनी मानसिक तणावाखाली होती. अखेर, त्रासाचा कळस झाल्यामुळे पीडितेने आपल्या पालकांना विश्वासात घेऊन जामनेर पोलीस स्टेशन गाठले.
पीडितेच्या तक्रारीवरून जामनेर पोलीस ठाण्यात संशयित आरोपी मनीष विजय पाटील, योगराज आणि रितेश दिनेश गोलाईत यांच्या विरोधात गुन्हा दाखल केला आहे. या प्रकरणाचा पुढील तपास पोलीस उपनिरीक्षक किशोर पाटील करत आहेत.
