भडगाव प्रतिनिधी । भडगाव तालुक्यातील अल्पवयीन मुलीवरील अत्याचारप्रकरणी पोलिसांनी एका संशयित आरोपीला अटक केली आहे. सोशल मीडियातून ओळख झाल्यानंतर आरोपीने मुलीचा विश्वास जिंकत तिचा गैरफायदा घेतल्याचे प्राथमिक तपासात समोर आले आहे.
पोलिसांनी दिलेल्या माहितीनुसार, संशयित आरोपी सिमा परदेशी हीची आणि पिडीत मुलीची ओळख होती. संशयित आरोपी सिमा हीने तेजस मधुकर मराठे यांच्याशी पिडीत मुलीशी ओळख करून दिली. सुरुवातीला मैत्रीपूर्ण संवादातून संशयित आरोपी तेजस याने मुलीला विश्वासात घेतले. त्यानंतर भेटीगाठी वाढवत तिला मानसिक दबावाखाली ठेवण्यात आले. अखेर मुलीवर अत्याचार झाल्याचा प्रकार उघड झाला.
घटनेनंतर मुलगी मानसिक धक्क्यात गेली होती. कुटुंबीयांनी विचारपूस केल्यानंतर तिने संपूर्ण प्रकार सांगितला. यानंतर भडगाव पोलिस ठाण्यात गुन्हा दाखल करण्यात आला. पोलिसांनी तत्काळ हालचाली करत महिलेसह संशयित आरोपी तेजस परदेशी याला अटक केली आहे. पुढील तपास सहाय्यक पोलीस निरीक्षक पी.बी. एकशिंगे हे करीत आहे.
