पोलीस कवायात मैदान येथे २६ रोजी मुख्य शासकीय ध्वजारोहण
जळगाव प्रतिनिधी भारतीय प्रजासत्ताक दिनाच्या ७६ व्या वर्धापन दिनानिमित्त सोमवार, दि. २६ रोजी सकाळी ९.१५ वाजता पोलीस कवायत मैदान, पोलीस मुख्यालय, जळगाव येथे मुख्य शासकीय ध्वजारोहण समारंभ आयोजित करण्यात आला आहे.
या समारंभात पाणीपुरवठा व स्वच्छता विभाग, मंत्री तथा जिल्ह्याचे पालकमंत्री, गुलाबराव पाटील, यांच्या शुभहस्ते ध्वजारोहण होणार आहे. ध्वजारोहणानंतर त्याच ठिकाणी शालेय विद्यार्थ्यांचे सांस्कृतिक कार्यक्रम आयोजित करण्यात आले आहे. या कार्यक्रमास स्वातंत्र्यसैनिक, विविध राजकीय पक्षांचे नेते, पदाधिकारी, शासकीय अधिकारी व कर्मचारी तसेच जळगाव शहरातील नागरिकांनी मोठ्या संख्येने उपस्थित राहावे, असे आवाहन जिल्हाधिकारी रोहन घुगे यांनी केले आहे.
जळगाव शहरातील जास्तीत जास्त नागरिकांना मुख्य शासकीय समारंभात सहभागी होता यावे, यासाठी दि. २६ जानेवारी रोजी सकाळी ८३० ते १० या वेळेत कोणत्याही कार्यालयाने अथवा संस्थेने ध्वजारोहण किंवा इतर शासकीय समारंभ आयोजित करू नयेत. ज्या कार्यालयांना किंवा संस्थांना स्वतःचा ध्वजारोहण समारंभ आयोजित करावयाचा आहे, त्यांनी तो समारंभ सकाळी ८३० पूर्वी किंवा १० नंतर आयोजित करावा, असे जिल्हा प्रशासनाकडून स्पष्ट करण्यात आले आहे.
