भडगाव प्रतिनिधी । भडगाव पोलिसांच्या गस्ती पथकाने अवैध गौण खनिज वाहतुकीविरुद्ध धडक कारवाई केली असून, वाडजी फाटा परिसरात वाळूची तस्करी करणाऱ्या ट्रॅक्टरला पकडले आहे. पोलिसांच्या या कारवाईमुळे परिसरात खळबळ उडाली असून, वाळू माफियांमध्ये भीतीचे वातावरण निर्माण झाले आहे. याबाबत भडगाव पोलीस ठाण्यात दोन जणांविरोधात गुन्हा दाखल करण्यात आला.
भडगाव तालुक्यातील वडजी फाटा परिसरातून अवैधपणे वाळूची वाहतूक होत आल्याची गोपनिय माहिती भडगाव पोलीसांना मिळाली. त्यानुसार पोलीसांनी शनिवारी २५ एप्रिल रोजी मध्यरात्री २ वाजेच्या सुमारास गस्तीवर होते. यावेळी विनाक्रमांकाच्या ट्रॅक्टरमधून अवैधपणे वाळू वाहतूक करणारे वाहन पोलीसांनी पकडले, यावेळी चालक आणि मालक यांच्याकडे वाळू वाहतूकीचा परवाना दाखविण्यास सांगितले. त्यावेळी दोघांनी उडवाउडवीची उत्तरे दिली. त्यानुसार पोलीसांनी वाळूने भरलेले वाहन पकडले. याप्रकरणी पोलीस कर्मचारी संतोष पाटील यांच्या तक्रारीवरून योगेश वसंत कोल्हे (रा. बालसर, ता. भडगाव) आणि सागर भालचंद्र पाटील (रा. वाक, ता. भडगाव) या दोघांविरोधात गुन्हा दाखल केला आहे. आणि वाळूने भरलेले वाहन जप्त केले आहे.
