नशिराबाद प्रतिनिधी । शहरात दिवसाढवळ्या गुन्हेगारीच्या घटनांमध्ये वाढ होताना दिसत आहे. नुकतीच नशिराबाद येथील तैबा नगर भागात एका व्यक्तीला रस्ता अडवून मारहाण केल्याची घटना समोर आली आहे. नशिराबाद पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शेख मेहमूद हे आपल्या कामासाठी जात असताना संशयित आरोपी शोएब बिल्डरने त्यांना गाठले. “तू इकडे कसा आलास?” असे म्हणत आरोपीने त्यांना शारीरिक इजा पोहचवण्यास सुरुवात केली. शोएब बिल्डरने शेख मेहमूद यांना खाली पाडून अमानुषपणे मारहाण केली. लाकडी काठीचा वापर करून अंगावर वळ उठेपर्यंत त्याला मारण्यात आले. या हल्ल्यात शेख मेहमूद हे गंभीर जखमी झाले असून त्यांच्यावर उपचार सुरू आहेत. याप्रकरणी नशिराबाद पोलीस ठाण्यात गुन्हा दाखल करण्यात आला. या प्रकरणाचा तपास पो.हे.कॉ. प्रशांत विरणारे करत आहेत.
