गुन्हेगारी क्षेत्रात मोठी खळबळ झाल्याने गुन्हेगारांचे बारा वाजणार…
भुसावळ प्रतिनिधी – दि. २२ डिसेंबर २०२५ भुसावळ उपविभागाच्या पोलिस उपअधीक्षकपदी नागपूर शहरातील सहाय्यक पोलिस आयुक्त केदार प्रकाश बारबोले यांची नियुक्ती करण्यात आली.राज्य शासनाच्या गृह विभागाने याबाबतचे आदेश काढल्याने आता भुसावळ विभागातील गुन्हेगारांचे कायदेशीर रित्या बारा वाजणार असल्याने मोठी खळबळ उडाली.
कार्यासन अधिकारी मृणाल कृष्णा सावंत यांनी बदलीचे निर्देश दिले आहेत.केदार बारबोले यांनी यापूर्वी २०२४ मध्ये जळगाव जिल्ह्यात प्रोबेशनरी अधिकारी म्हणून काम केले असल्याने त्यांना जळगाव जिल्ह्याची चांगली माहिती आहे.
शांत स्वभावाचे आणि शिस्तप्रिय अधिकारी म्हणून त्यांची ओळख आहे.त्यांच्या नियुक्तीमुळे भुसावळ विभागात कायदा सुव्यवस्थेला,जातीय सलोख्याला अधिक बळकटी मिळेल,असा विश्वास भुसावळ शहरासह परिसरात व्यक्त होत आहे.दरम्यान,सध्याचे पोलिस उपअधीक्षक संदीप गावीत यांची अपर पोलिस अधीक्षक किंवा सहाय्यक पोलिस अधीक्षकपदी पदोन्नतीसह बदली होण्याची शक्यता आहे.त्यांच्या बदलीचे आदेश येत्या दोन दिवसांत जारी होणार असल्याची चर्चा आहे.
गावीत यांनी यंदा ३१ जुलै २०२५ रोजी भुसावळमध्ये पदभार स्वीकारला होता.त्यांच्या आधी कृष्णात पिंगळे यांची पुणे अमली पदार्थ विरोधी विभागात बढतीसह बदली झाली होती.या नियुक्तीमुळे भुसावळ पोलिस दलात नवीन दबंग अधिकारी आल्याची चर्चा आहे.
