भुसावळ शहर पोलीस स्टेशनने गुन्हा क्रमांक ०९/२०२६ भा.न्या.सं.क. ३०३(२) प्रमाणे नोंद केला.
भुसावळ प्रतिनिधी : जळगांव: भुसावळ शहरातील कोर्ट आवारातून ३ फेब्रुवारी २०२६ रोजी हिरोहोंडा कंपनीची एच.एफ. डिलक्स मोटारसायकल (नं. एम.एच. ३९/टी. ६१०२) कोणीतरी अज्ञात चोरट्याने चोरी केली होती. यानंतर फिर्यादी श्री. अॅड. रोकडे यांच्या तक्रारीवरून भुसावळ शहर पोलीस स्टेशनने गुन्हा क्रमांक ०९/२०२६ भा.न्या.सं.क. ३०३(२) प्रमाणे नोंद केला.
स्थानिक गुन्हे शाखा जळगांव व भुसावळ शहर पोलीस स्टेशन यांच्या संयुक्त तपासात अज्ञात आरोपींचा शोध घेतला गेला. मा. पोलीस अधिक्षक श्री. महेश्वर रेड्डी यांच्या मार्गदर्शनाखाली उप विभागीय पोलीस अधिकारी श्री. बारबोले, पोलीस निरीक्षक श्री. राहुल गायकवाड व पोलीस निरीक्षक श्री. उध्दव डमाळे यांनी गोपनिय माहितीच्या आधारे आरोपी किरण उर्फ करण शालीग्राम पाटील (रा. मुक्ताईनगर, जळगांव) यास ताब्यात घेतले.
अटकेदरम्यान आरोपीकडून चोरीस गेलेली मोटारसायकल तसेच पोलिसांच्या चौकशीत त्याने आधी केलेले आणखी काही चोरीचे प्रकरण उघड केले. त्यानुसार, गुजरात राज्य, सुरत येथील पोलीस स्टेशनमध्ये दाखल गुन्हा क्र. ०८५/२०२६ भा.न्या.सं.क. ३०३(२) मधील होंडा शाइन मोटारसायकलही आरोपीकडून जप्त करण्यात आली. आरोपी हा प्रसिद्ध मोटारसायकल चोर असून, त्याच्याविरुद्ध मलकापुर व भुसावळ बाजारपेठ पोलीस स्टेशनमध्ये आधीही चोरीच्या गुन्ह्यांची नोंद आहे.
सदर तपास पथकातील स्था.गु.शा. जळगांव येथील पो.हे.कॉ. उमाकांत पाटील, पो.कॉ. प्रशांत परदेशी, पो.कॉ. राहुल वानखेडे, भुसावळ शहर पोलीस स्टेशनकडील स.पो.नि.श्री. राहुल भंडारे, पो.कॉ. राहुल भोई व तालुका पोलीस स्टेशन भुसावळ येथील पो.ना. नितीन चौधरी यांनी दोन महत्त्वाचे मोटारसायकल चोरीचे प्रकरण उघडकीस आणले असून, त्यांच्या या कामगिरीला प्रशंसा मिळाली आहे.
