एकाच वेळी येणाऱ्या गर्दीचे व्यवस्थापन होणार आहे.
प्रतिनिधी I भुसावळ :विभागीय रेल्वे व्यवस्थापक पुनीत अग्रवाल यांनी वरिष्ठ शाखा अधिका-यांसह नाशिक रोड, देवळाली आणि ओढा या रेल्वे स्थानकांची पाहणी करून कुंभमेळा कामाचा आढावा घेतला. राज्याच्या मुख्य सचिवांनी रेल्वेच्या कामांची पाहणी केली. देवळाली आणि ओढा स्थानकामुळे नाशिकरोड स्थांनकावरील गर्दीचा ताण कमी करून तो दोन स्थानकात विभागाला जाणार आहे. एकाच वेळी येणाऱ्या गर्दीचे व्यवस्थापन होणार आहे.
कुंभमेळा विकास प्राधिकरणाचे अध्यक्ष तथा विभागीय आयुक्त डॉ. प्रवीण गेडाम, कुंभमेळा प्राधिकरणाचे आयुक्त शेखर सिंह, नाशिक महापालिका आयुक्त मनीषा खत्री, रेल्वे व राज्य शासनाचे वरिष्ठ अधिकारी उपस्थित होते. कुंभमेळ्याच्या पार्श्वभूमीवर देवळाली, नाशिक रोड व ओढा येथे भाविकांसाठी कामे सुरू आहेत. या कामांची पाहणी करून अग्रवाल यांनी कामांची प्रगती, गुणवत्ता व वेळेत पूर्णत्वाबाबत आढावा घेतला. कुंभमेळ्यात वाढत्या गर्दीचा विचार करून प्लॅटफॉर्म विस्तार, प्रवासी सुविधा उन्नतीकरण, सुरक्षा व्यवस्था तसेच स्थानक परिसरातील वाहतूक नियोजन यावर लक्ष केंद्रित करण्यात आले आहे. अधिका-यांशी चर्चा करून कामांची गती वाढविणे, समन्वय राखणे व सुविधा वेळेत उपलब्ध करून देण्यासाठी सूचना अग्रवाल यांनी केल्या.
