धरणगाव प्रतिनिधी | तालुक्यातील पिंपळे खुर्द येथे ८० फूट खोल विहिरीत पडलेल्या ५४ वर्षीय व्यक्तीचा दुर्दैवी मृत्यू झाला. वासुदेव भालेराव पाटील असे मयत व्यक्तीचे नाव आहे. या घटनेची माहिती कैलास मधुकर माळी सर यांनी अग्निशमन विभागाला दिली.
माहिती मिळताच जळगाव शहर महानगरपालिकेच्या अग्निशमन विभागाचे पथक तातडीने घटनास्थळी दाखल झाले. सुमारे ८० फूट खोल विहिरीत वासुदेव पाटील यांचा मृतदेह असल्याचे समोर आल्यानंतर अग्निशमन दलाने बचावकार्य सुरू केले.
अथक प्रयत्नांनंतर अग्निशमन विभागाच्या पथकाने मृतदेह विहिरीतून बाहेर काढला. त्यानंतर मृतदेह गावकरी, सरपंच आणि पोलीस पाटील यांच्या ताब्यात देण्यात आला.
या घटनेमुळे पिंपळे खुर्द गावात हळहळ व्यक्त होत असून, वासुदेव पाटील यांच्या मृत्यूचे नेमके कारण तपासानंतर स्पष्ट होणार आहे.
