विरोधी पक्षनेतेपदासाठी स्वतंत्र कायदा येणार ?” राजकारण तापण्याची शक्यता…! मुंबई | महाराष्ट्राच्या राजकारणात पुन्हा एकदा मोठी खळबळ उडवणारी हालचाल समोर आली आहे. विधानसभेतील विरोधी पक्षनेतेपदावरून सुरू असलेला तिढ्यासाठी आता थेट स्वतंत्र कायदा चौकटीत आणण्याची तयारी महायुती सरकारने सुरू केल्याची माहिती समोर आली आहे. विधानभवनातील वरिष्ठ सूत्रांच्या माहितीनुसार, आगामी अर्थसंकल्पीय अधिवेशनात विरोधी पक्षनेतेपदासाठी स्वतंत्र कायदा आणण्याचा विचार सुरू आहे. या हालचालीमागे राजकीय डावपेच असल्याची चर्चा सध्या राजकीय वर्तुळात जोर धरू लागली आहे. सध्या महाराष्ट्र विधानसभेत विरोधी पक्षनेतेपद रिक्त आहे. कारण विरोधी पक्षातील कोणत्याही पक्षाकडे आवश्यक किमान संख्याबळ नाही. 288 सदस्यांच्या विधानसभेत विरोधी पक्षनेतेपदासाठी किमान 10 टक्के म्हणजेच सुमारे 29 आमदारांची आवश्यकता…
Author: Editorial Desk
‘अंत्योदय’च्या लाभार्थ्यांना मोठा दिलासा जळगाव (प्रतिनिधी): जिल्ह्यातील अंत्योदय अन्नयोजनेच्या हजारो लाभार्थ्यांसाठी दिलासादायक बातमी समोर आली आहे. गेल्या दीड वर्षांपासून रेशन दुकानांवरील साखरेचा पुरवठा पूर्णपणे खंडित झाल्याने गोरगरिबांमध्ये मोठी नाराजी होती. मात्र, आता राज्य शासनाकडून साखरेचा साठा प्राप्त झाला असून, नोव्हेंबर २०२५ ते मार्च २०२६ या सहा महिन्यांच्या कालावधीसाठी पात्र लाभार्थ्यांना साखरेचे वाटप करण्यात येणार आहे. यामुळे जिल्ह्यातील गरजू लाभार्थ्यांची गोड चव पुन्हा परतणार आहे. एप्रिल २०२४ पासून पुरवठा होता ठप्पजिल्ह्यात एप्रिल २०२४ पासून रेशनवर साखर मिळणे बंद झाले होते. गरिबांना खुल्या बाजारात ४० ते ४५ रुपये किलो दराने साखर खरेदी करावी लागत होती, ज्याचा मोठा आर्थिक फटका अंत्योदय कार्डधारकांना बसत…
समृद्ध पंचायत राज अभियानात अभिनेत्री सोनाली कुलकर्णींचा जळगाव दौरा जळगाव | प्रतिनिधी : मुख्यमंत्री समृद्ध पंचायत राज अभियानांतर्गत राबविण्यात येत असलेल्या विविध उपक्रमांची पाहणी, प्रचार व जनजागृतीसाठी प्रसिद्ध सिनेअभिनेत्री सोनाली कुलकर्णी यांनी गुरुवारी (दि. २२ जानेवारी) जळगाव जिल्ह्याचा दौरा केला. या दौऱ्यात एरंडोल तालुक्यातील गालापूर, पाचोरा तालुक्यातील वडगाव करे तसेच जामनेर तालुक्यातील गारखेडा या ग्रामपंचायतींमध्ये त्यांच्या प्रमुख उपस्थितीत जलतारा, शोषखड्डे, डिजिटल ग्रामपंचायत आणि विविध लोकोपयोगी उपक्रमांचे उद्घाटन करण्यात आले. या कार्यक्रमांना जिल्हा परिषदेच्या मुख्य कार्यकारी अधिकारी श्रीमती मीनाल करणवाल, अतिरिक्त मुख्य कार्यकारी अधिकारी रणधीर सोमवंशी, उपमुख्य कार्यकारी अधिकारी भाऊसाहेब आकडे यांच्यासह विविध विभागांचे अधिकारी, पदाधिकारी व ग्रामस्थ मोठ्या संख्येने उपस्थित…
गर्जना महाराष्ट्र ग्रामीण पत्रकार संघाची महत्त्वपूर्ण बैठक : जळगाव : पत्रकारांच्या हक्कासाठी आणि त्यांच्यावर होणाऱ्या अन्यायाविरोधात आवाज उठवणारी आक्रमक संघटना म्हणून ओळखल्या जाणाऱ्या ‘गर्जना महाराष्ट्र ग्रामीण पत्रकार संघा’ची महत्त्वपूर्ण बैठक दि. 1 फेब्रुवारी 2026 रोजी जळगाव येथे आयोजित करण्यात आली आहे. या बैठकीत संघटनेच्या उत्तर महाराष्ट्र व जिल्हाध्यक्षांसह जिल्हास्तरीय नूतन पदाधिकाऱ्यांच्या नियुक्त्या जाहीर करण्यात येणार आहेत. ही महत्त्वाची बैठक संघटनेचे संस्थापक अध्यक्ष नरेंद्र कदम यांच्या मार्गदर्शनाखाली पार पडणार आहे. ग्रामीण भागातील पत्रकारांची ‘वज्रमुठ’ अधिक मजबूत करण्यासाठी आणि त्यांच्या समस्यांना वाचा फोडण्यासाठी या बैठकीचे विशेष आयोजन करण्यात आले आहे. रविवार दि. 1 फेब्रुवारी 2026 रोजी दुपारी 1 वाजता पद्मालय शासकीय विश्रामगृह (रेस्ट…
महापालिकेत शिवसेना शिंदे गटाच्या गटनेतेपदी विष्णू भंगाळेंची निवड.. जळगाव । जळगाव महानगरपालिकेत भाजपनंतर आता शिवसेना शिंदे गटानेही गटनेता जाहीर केला आहे. गुरुवारी नाशिक येथे विभागीय आयुक्तांकडे शिवसेनेच्या नगरसेवकांची अधिकृत गट नोंदणी करण्यात आली. यामध्ये जिल्हाप्रमुख आणि नवनिर्वाचित नगरसेवक विष्णू भंगाळे यांची गटनेतेपदी वर्णी लागली आहे. नुकत्याच झालेल्या जळगाव महापालिकेच्या निवडणुकीत शिवसेना शिंदे गटाने दमदार कामगिरी केली. या निवडणुकीत शिवसेनेचे २२ नगरसेवक निवडून आले आहेत. मंत्री तथा जळगावचे पालकमंत्री गुलाबराव पाटील, आमदार चंद्रकांत पाटील आणि जिल्हाप्रमुख विष्णू भंगाळे यांच्या त्रिसूत्री नेतृत्वाखाली शिवसेनेने ही मुसंडी मारली आहे. या विजयामुळे जळगाव शहराच्या राजकारणात शिवसेनेचे वर्चस्व पुन्हा एकदा सिद्ध झाले आहे. नाशिक विभागीय आयुक्त कार्यालयात…
राज्यातील महापालिकांच्या सत्ता स्थापनेची प्रक्रिया अंतिम टप्प्यात; राज्यातील सर्व महानगरपालिकांमध्ये आता सत्तास्थापनेची प्रक्रिया अंतिम टप्प्यात आली आहे. महापौर आणि उपमहापौर निवडीसाठीचा सविस्तर कार्यक्रम राज्य शासनाने जाहीर केला आहे. महापौर, उपमहापौर पदाच्या निवड कार्यक्रमात बृहन्मुंबई महानगरपालिका वगळता राज्यातील सर्व महानगरपालिकांची निवड प्रक्रिया कशी असणार, पाहुयात…. २२ जानेवारी २०२६ रोजी राज्यातील सर्व महानगरपालिकांचं महापौर पदाचा आरक्षण सोडत… २३ जानेवारी २०२६ रोजी आरक्षण जाहीर झाल्यानंतर नगरसचिवांची महापौर व उपमहापौर पदासाठी निवडणूक घेण्याकरिता निर्वाचित सदस्यांचे प्रथम बैठक बोलवण्यासाठी तारीख व वेळ निश्चितसाठी संबंधित विभागीय आयुक्त यांच्याकडे प्रस्ताव सादर करावा. (बृहन्मुंबई महानगरपालिका वगळून) २४ जानेवारी ते २५ जानेवारी २०२६ रोजी विभागीय आयुक्तांकडून महानगरपालिकांच्या पहिल्या सभेची…
‘फ्लाय ९१’कडून तयारी अंतिम टप्प्यात जळगाव : महाराष्ट्रातील वेगाने विकसित होत असलेल्या विमानतळांपैकी एक असलेल्या जळगाव विमानतळावरून सध्या मुंबई, पुणे, गोवा आणि हैदराबाद या प्रमुख शहरांसाठी विमानसेवा सुरू आहे. आता जळगावकरांसाठी आणखी एक दिलासादायक बातमी असून, जळगाव लवकरच थेट विमानसेवेद्वारे इंदूरशी जोडले जाणार आहे. ‘फ्लाय ९१’ या विमान कंपनीने जळगाव–इंदूर मार्गावर सेवा सुरू करण्यासाठी हालचाली सुरू केल्या असून, या विमानफेरीचे नियोजन सध्या अंतिम टप्प्यात असल्याची माहिती देण्यात आली आहे. लवकरच याबाबत अधिकृत घोषणा होण्याची शक्यता आहे. दरम्यान, जळगाव विमानतळावर अलीकडेच नाईट लँडिंगसह विविध अत्याधुनिक सुविधा उपलब्ध करून देण्यात आल्या आहेत. या सुधारित पायाभूत सुविधांमुळे नवीन विमान कंपन्यांना जळगावहून सेवा सुरू करणे…
जळगाव हादरले: जीवे मारण्याची धमकी ! जळगाव प्रतिनिधी – जळगावच्या वैद्यकीय क्षेत्रातून एक अत्यंत लज्जास्पद प्रकार समोर आला असून, शहरातील मध्यवर्ती भागातील ‘हार्ट प्लस’ रुग्णालयात एका ३० वर्षीय परिचारिकेचा विनयभंग केल्याची घटना उघडकीस आली आहे. याप्रकरणी डॉ. संदीप भारुडे आणि त्यांच्या पत्नी डॉ. प्रीती भारुडे यांच्यावर जिल्हापेठ पोलीस ठाण्यात गंभीर गुन्हे दाखल करण्यात आले आहेत. याबाबत सविस्तर वृत्तांत असे की, गेल्या सहा महिन्यांपासून, म्हणजेच २१ जुलै २०२५ पासून डॉ. संदीप भारुडे हे संबंधित पीडितेला अश्लील चाळे करून त्रास देत होते. वारंवार पाठलाग करणे आणि कामाच्या ठिकाणी बळजबरीने जवळीक साधण्याचा प्रयत्न करणे, अशा तक्रारी पीडितेने दिल्या आहेत. धक्कादायक म्हणजे, जेव्हा पीडितेने…
फोटो व्हायरल करण्याची धमकी देऊन अत्याचार; २ आरोपींना अटक ! पाचोरा प्रतिनिधी – पाचोरा शहरातून एक अत्यंत खळबळजनक बातमी समोर आली आहे. एका १७ वर्षीय अल्पवयीन मुलीला तिचे फोटो सोशल मीडियावर व्हायरल करण्याची भीती दाखवून तिच्यावर आळीपाळीने अत्याचार करण्यात आले. याबाबत सविस्तर वृत्तांत असे की,पाचोरा पोलिसांनी तात्काळ कारवाई करत दोन आरोपींना बेड्या ठोकल्या आहेत.मे २०२५ पासून नोव्हेंबर २०२५ पर्यंत पवन संजय परदेशी आणि प्रथमेश पाटील या दोघांनी पीडितेचे लैंगिक शोषण केले. याशिवाय विकी शिवाजी राजपूत नावाच्या तिसऱ्या आरोपीने पीडितेचा वारंवार पाठलाग करून तिला मानसिक त्रास दिला. पीडितेने हिंमत दाखवून पोलीस ठाण्यात तक्रार केल्यानंतर उपविभागीय पोलीस अधिकारी राहुलकुमार निहाळ यांनी तातडीने…
कविता पाटील,उज्वलाताई बेंडाळे ,माधुरी बारी व दीपमाला काळे यांची नावेही चर्चेत; जळगाव प्रतिनिधी : जळगाव महानगरपालिकेत भाजप–शिवसेना महायुतीची सत्ता निर्विवादपणे स्थापन झाली असून भाजपचे ४६ तर शिवसेनेचे २३ असे एकूण ६९ नगरसेवक निवडून आले आहेत. त्यामुळे महापौरपद भाजपकडे जाणार हे चित्र आधीच स्पष्ट झाले होते. त्यातच आज मुंबईत झालेल्या महापौर पदाच्या आरक्षण सोडतीत जळगाव महापालिकेसाठी नागरिकांचा मागास प्रवर्ग (ओबीसी) महिला आरक्षण जाहीर झाल्याने आता ओबीसी महिला महापौर होणार असल्याचे निश्चित झाले आहे.जळगाव शहराचे बालेकिल्ला समजल्या जाणाऱ्या पिंप्राळा प्रभागातून निवडून आलेले, एकनिष्ठ व कट्टर कार्यकर्ता सागर जिजाबराव पाटील यांच्या पत्नी कविता सागर पाटील हे नाव सर्वाधिक चर्चेत आहे. आरक्षण जाहीर होताच…
