कविता पाटील,उज्वलाताई बेंडाळे ,माधुरी बारी व दीपमाला काळे यांची नावेही चर्चेत; जळगाव प्रतिनिधी : जळगाव महानगरपालिकेत भाजप–शिवसेना महायुतीची सत्ता निर्विवादपणे स्थापन झाली असून भाजपचे ४६ तर शिवसेनेचे २३ असे एकूण ६९ नगरसेवक निवडून आले आहेत. त्यामुळे महापौरपद भाजपकडे जाणार हे चित्र आधीच स्पष्ट झाले होते. त्यातच आज मुंबईत झालेल्या महापौर पदाच्या आरक्षण सोडतीत जळगाव महापालिकेसाठी नागरिकांचा मागास प्रवर्ग (ओबीसी) महिला आरक्षण जाहीर झाल्याने आता ओबीसी महिला महापौर होणार असल्याचे निश्चित झाले आहे.जळगाव शहराचे बालेकिल्ला समजल्या जाणाऱ्या पिंप्राळा प्रभागातून निवडून आलेले, 22 वर्षीय तरुण, एकनिष्ठ व कट्टर कार्यकर्ता सागर जिजाबराव पाटील यांच्या पत्नी कविता सागर पाटील हे नाव सर्वाधिक चर्चेत आहे.…
Author: Editorial Desk
महाजन दांपत्य थोडक्यात बचावले…. जळगाव महापालिकेच्या माजी महापौर तसेच भाजपच्या नवनिर्वाचित नगरसेविका जयश्री महाजन आणि नवनिर्वाचित नगरसेवक सुनील महाजन यांच्या कारला मालेगावजवळ अपघात झाल्याची घटना घडली आहे. सुदैवाने या अपघातात कोणतीही जीवितहानी झाली नाही. मिळालेल्या माहितीनुसार, नाशिक येथील विभागीय आयुक्त कार्यालयात भाजपच्या गट नोंदणीची प्रक्रिया पूर्ण करून जयश्री महाजन आणि सुनील महाजन हे जळगावकडे परतत होते. यावेळी नाशिक–जळगाव प्रवासादरम्यान मुंबई–आग्रा राष्ट्रीय महामार्गावर मालेगावजवळ हा अपघात झाला. समोर चालणाऱ्या वाहनाने अचानक ब्रेक लावल्यामुळे महाजन दाम्पत्यांची कार पुढील वाहनावर आदळली. मात्र वाहन चालकाच्या प्रसंगावधानामुळे मोठा अनर्थ टळला आणि महाजन दाम्पत्य थोडक्यात बचावले. या अपघातात कारचे नुकसान झाले आहे. तथापि, जयश्री महाजन, सुनील…
मंत्री आदिती तटकरेंनी ट्विट करत दिली गुडन्यूज जळगाव । २१ जानेवारी २०२६ । राज्य सरकारने २०२४ साली राज्यातील गरीब महिलांसाठी मुख्यमंत्री लाडकी बहीण योजना सुरु केली असून या योजनेअंतर्गत लाडक्या बहि‍णींना दरमहा 1500 रुपयांची आर्थिक मदत थेट बँक खात्यात पाठविली जात आहे. या योजनेचा लाभ घेण्यासाठी लाडक्या बहि‍णींना वेळोवेळी eKYC करावी लागते. केवायसलीमध्ये तांत्रिक अडचणी असल्याने अनेक महिलांना डिसेंबरचे पैसे मिळालेले नाहीत. त्यामुळे राज्यातील अनेक जिल्ह्यातील महिलांनी मोर्चे काढले आहेत. केवायसी करुनदेखील पैसे मिळत नसल्याने महिलांचा राग अनावर झाला आहे. दरम्यान, आता महिलांच्या या नाराजीनंतर राज्य सरकारने एक महत्त्वाचा निर्णय घेतला आहे. महिला व बालविकास मंत्री आदिती तटकरेंनी ट्विट करत याबाबत…
शासनाने विशेष सहाय्य योजनांतील लाभार्थ्यांना अनुदान थेट जळगाव प्रतिनिधी। शासनाने विशेष सहाय्य योजनांतील लाभार्थ्यांना अनुदान थेट व ऑनलाइन पद्धतीने वितरित करण्याचा निर्णय घेतला असून, त्या अनुषंगाने जिल्ह्यातील संजय गांधी निराधार योजना, श्रवणबाळ सेवा राज्य निवृत्तीवेतन योजना व इंदिरा गांधी राष्ट्रीय अपंग निवृत्तीवेतन योजनेतील दिव्यांग लाभार्थ्यांसाठी युडीआयडी कार्ड आधार कार्डशी संलग्न करणे अनिवार्य करण्यात आले आहे. हा निर्णय शासन निर्णय दिनांक २० ऑगस्ट २०२५ नुसार अंमलात आणण्यात आला आहे. अनुदानात वाढ झाल्यानंतर दरमहा २,५०० रुपये अर्थसहाय्य घेणाऱ्या दिव्यांग लाभार्थ्यांनी आपले युडीआयडी कार्ड महाडीबीटी (MAHADBT) पोर्टलवर संलग्न करणेही आवश्यक आहे. यासाठी दिव्यांग प्रमाणपत्र, आधार कार्ड, युडीआयडी कार्ड तसेच बैंक पासबुकच्या छायांकित प्रती…
फिटनेससाठी नाशिक-छत्रपती संभाजीनगरची फरफट जळगाव प्रतिनिधी । जळगाव जिल्ह्यात अद्याप ऑटोमेटेड व्हेईकल फिटनेस टेस्टिंग सेंटर (AVTS) सुरू न झाल्यामुळे व्यावसायिक वाहनधारकांची मोठी कोंडी झाली असून, फिटनेस प्रमाणपत्रासाठी इतर जिल्ह्यांत जावे लागत असल्याने आर्थिक व मानसिक त्रास सहन करावा लागत आहे. या पार्श्वभूमीवर जळगाव जिल्हा ट्रक असोसिएशन आणि महाराष्ट्र नवनिर्माण सेनेच्या पदाधिकाऱ्यांनी आज प्रादेशिक परिवहन कार्यालयाबाहेर धरणे आंदोलन करत प्रशासनाचे लक्ष वेधले. जिल्ह्यात AVTS केंद्र उपलब्ध नसल्यामुळे ट्रक, बस व इतर व्यावसायिक वाहनांच्या फिटनेस चाचणीसाठी वाहनधारकांना थेट नाशिक किंवा छत्रपती संभाजीनगर येथे जावे लागत आहे. या प्रक्रियेत इंधन खर्च, टोल, वाहनांची अतिरिक्त धावपळ, वेळेची नासाडी तसेच व्यवसायाचे मोठे नुकसान होत असल्याचा…
सकाळीच कर्मचाऱ्यांची झाडाझडती पारोळा प्रतिनिधी | पारोळा नगरपरिषदेत सार्वजनिक आरोग्य व स्वच्छता समितीचे नवनियुक्त सभापती डॉ. मंगेश तांबे यांनी पदभार स्वीकारताच पहिल्याच दिवशी कडक पावले उचलली. लोकनियुक्त नगराध्यक्ष चंद्रकांत पाटील यांच्या मार्गदर्शनाखाली व सर्व नगरसेवकांच्या सहकार्याने आज सकाळी ६ वाजता आरोग्य विभागात सफाई कर्मचाऱ्यांची हजेरी घेऊन झाडाझडती करण्यात आली. वेळेत उपस्थित न राहणाऱ्या कर्मचाऱ्यांना अध्यक्षांच्या अनुमतीने कारणे दाखवा नोटिसा बजावण्यात आल्या. गेल्या तीन ते चार वर्षांपासून शहरात अपेक्षित स्वरूपाची साफसफाई न झाल्याने नागरिकांमध्ये अस्वच्छतेबाबत नाराजी होती. योग्य नियोजनाअभावी निर्माण झालेल्या या स्थितीवर मात करण्यासाठी नगराध्यक्ष व सर्व नगरसेवकांनी शहरवासीयांनी दिलेल्या विश्वासाला न्याय देण्याचा निर्धार व्यक्त केला आहे. त्याचाच भाग म्हणून…
15 हजाराची लाच घेताना वनपाल आणि खासगी पंटर जाळ्यात जळगाव । जळगाव जिल्ह्यात लाचखोरीच्या घटना काही कमी होताना दिसत नसून अशातच रावेर तालुक्यात १५ हजाराची लाच स्वीकारताना वनपाल आणि खासगी पंटरला जळगाव येथील लाचलुचपत प्रतिबंधक विभागाने अटक केली. वनपाल राजेंद्र अमृत सरदार आणि खासगी पंटर दीपक रघुनाथ तायडे अशी लाचखोरांची नावे असून याप्रकरणी रावेर पोलीस ठाण्यात दोघांविरूद्ध गुन्हा दाखल करण्यात आला आहे. नेमकं प्रकार काय?तक्रारदार यावल वन विभागात जिन्सी (ता. रावेर) वनक्षेत्रात वनरक्षक पदावर कार्यरत असताना, यावल येथील संरक्षण व अतिक्रमण निर्मुलन वनपरिक्षेत्र अधिकाऱ्यांनी कार्यक्षेत्रातील रोप वनातील निंदणीच्या कामाची तपासणी केली होती. तेव्हा वनपाल राजेंद्र सरदार याने तक्रारदाराला व्हाटसॲप कॉल करून…
नागरिकांना मोठा दिलासा जळगाव : शहरातील खराब रस्ते व खड्ड्यांमुळे होणाऱ्या अपघातांची गंभीर दखल प्रशासनाने घेतली आहे. महापालिका हद्दीतील, महापालिकेने विकसित केलेल्या रस्त्यांवरील खड्ड्यांमुळे एखादी व्यक्ती जखमी झाल्यास किंवा मृत्यू झाल्यास, संबंधित नागरिक किंवा त्यांच्या नातेवाइकांना **जळगाव महानगरपालिका**कडून आर्थिक मोबदला (नुकसानभरपाई) दिला जाणार आहे. यासाठी आवश्यक पुराव्यांसह माहिती सादर करण्याचे आवाहन करण्यात आले आहे. उच्च न्यायालयात दाखल जनहित याचिकेवरील सुनावणीत दिलेल्या आदेशानुसार हा महत्त्वपूर्ण निर्णय घेण्यात आला आहे. नुकसानभरपाईसाठी अर्ज महापालिकेच्या नवव्या मजल्यावर शहर अभियंता कार्यालयात, सर्व आवश्यक पुराव्यांसह सादर करावा लागणार आहे. या निर्णयामुळे रस्ते देखभालीबाबत महापालिकेची जबाबदारी अधिक वाढली असून, अपघातातील जखमी नागरिक तसेच मृतांच्या कुटुंबीयांना कायदेशीर आधार मिळाला…
या हल्ल्यात फिर्यादी आणि त्यांचे वडील गंभीर जखमी झाले अमळनेर – केवळ “माझ्याकडे का पाहिले?” या क्षुल्लक कारणावरून संतापलेल्या एका तरुणाने बाप-लेकावर सुऱ्याने जीवघेणा हल्ला केल्याची धक्कादायक घटना अमळनेर तालुक्यातील सावखेडा येथे सोमवारी १९ जानेवारी रोजी सायंकाळी ५ वाजता घडली आहे. या हल्ल्यात फिर्यादी आणि त्यांचे वडील गंभीर जखमी झाले असून, याप्रकरणी रात्री ११ वाजता अमळनेर पोलीस ठाण्यात आरोपीविरुद्ध गुन्हा दाखल करण्यात आला आहे. याबाबत सविस्तर वृत्तांत असे की,१९ जानेवारी रोजी सायंकाळी ५ वाजेच्या सुमारास फिर्यादी विजय बापू अहिरे (वय-२३) हे आपल्या घराच्या गच्चीवर उभे होते. यावेळी आरोपी विनायक आनंदा अहिरे याने विजयने त्याच्याकडे का पाहिले, या कारणावरून वाद उकरून…
डीवायएसपींच्या पथकाची कारवाई जळगाव । जळगावमध्ये आणखी एका देहविक्रीचा अड्डा उद्ध्वस्त करण्यात आला आहे. डीवायएसपी यांच्या पथकाने जळगावच्या पिंप्राळ्यात बारीवाड्यातील एका घरात सुरू असलेल्या देहव्यवसायाच्या अड्ड्यावर छापा टाकला. या कारवाईत पश्चिम बंगालच्या २८ वर्षीय तरुणीसह चार महिलांची सुटका केली. तर संशयित आरोपींना ताब्यात घेतले असून रामानंदनगर पोलिसात पिटा कायद्यान्वये गुन्हा दाखल करण्याचे काम उशिरापर्यंत सुरु होते. या कारवाईमुळे परिसरात मोठी खळबळ उडाली आहे. पिंप्राळा भागात एका ठिकाणी छुप्या पद्धतीने देहविक्री व्यवसाय सुरु असल्याची माहिती डीवायएसपी नितीन गणापुरे यांना मिळाली. त्यावरुन बारीवाडालगत बैरागी नामक महिलेच्या घरात पोलिसांनी १५०० रुपये देऊन एका पंटरला ग्राहक म्हणून पाठवले. त्याला खात्री करून मोबाइलवर मिस कॉल देण्यास…
