१ फेब्रुवारी देशाचा आर्थिक अर्थसंकल्प सादर होणार जळगाव । उद्या १ फेब्रुवारी देशाचा आर्थिक अर्थसंकल्प सादर होणार असून यातून सर्वसामान्यांना महागाईतुन दिलासा मिळण्याची अपेक्षा आहे. मात्र त्यापूर्वी दैनंदिन वापरातील अत्यावश्यक असलेल्या खाद्यतेलांच्या दरांनी पुन्हा एकदा उसळी घेतली आहे. यामुळे गृहिणींचे महिन्याचे आर्थिक बजेट कोलमडले आहे. अवघ्या एका महिन्यातच शेंगदाणा तेलाचे दर प्रतिकिलो १५० वरून २१५ रुपये किलोवर पोहोचले आहेत. साधारणपणे सण-उत्सवांच्या काळात खाद्यतेलाची मागणी वाढल्याने दर वाढतात. मात्र, यंदा दिवाळीत दर स्थिर होते. आता कोणताही मोठा सण नसताना तेलाचे दर भडकले आहे. गेल्या दोन ते तीन महिन्यांपासून स्थिर असलेल्या खाद्यतेलाच्या दरात वाढ झाल्याने सर्वसामान्य गृहिणींचे किचन बजेट कोलमडले आहे. सध्याची…
Author: Editorial Desk
शरद पवारांना डावलून निर्णय? पवार कुटुंबात अंतर्गत नाराजी उफाळली उपमुख्यमंत्री अजित पवार यांच्या अपघाती निधनानंतर महाराष्ट्राच्या राजकारणात मोठ्या घडामोडींना वेग आला असून, राष्ट्रवादी काँग्रेसमध्ये सत्तासंतुलन व नेतृत्वाबाबत हालचाली तीव्र झाल्या आहेत. मात्र, या प्रक्रियेत शरद पवार आणि खासदार सुप्रिया सुळे यांना विश्वासात न घेतल्याचे समोर आल्याने पवार कुटुंबात अंतर्गत नाराजी उफाळून आली आहे. शरद पवार यांनी मंगळवारी घेतलेल्या पत्रकार परिषदेत सुनेत्रा पवार यांना उपमुख्यमंत्री करण्याचा निर्णय घाईगडबडीत घेतल्याचे स्पष्ट केले. “सुनेत्रा पवारांबाबतचा निर्णय एवढ्या घाईने का घेण्यात आला, याची मला माहिती नाही. या संदर्भात माझ्याशी कोणतीही चर्चा झाली नाही,” असे पवार म्हणाले. ते पुढे म्हणाले की, गेल्या चार महिन्यांपासून राष्ट्रवादी…
सकाळी भव्य मोटरसायकल रॅलीचे आयोजन जळगाव प्रतिनिधी । हिंदू जनजागृती समितीच्या वतीने जळगाव शहरात सकाळी भव्य मोटरसायकल रॅलीचे आयोजन करण्यात आले. सकाळी १०.३० वाजता खानदेश सेंट्रल बिग बाजार येथून ध्वज पूजन व शंखनाद करून रॅलीची विधिवत सुरुवात करण्यात आली. शहरातील प्रमुख चौकांतून मार्गक्रमण करत ही रॅली पिंप्राळा येथील छत्रपती शिवाजी महाराज स्मारकाजवळ उत्साहात संपन्न झाली. रॅलीच्या प्रारंभी ध्वज पूजन व शंखनादाने वातावरण भारावून गेले होते. त्यानंतर रॅली नेहरू चौक, टॉवर चौक, चित्रात चौक व कोर्ट चौक येथे पोहोचली असता प्रत्येक ठिकाणी ध्वज पूजन करण्यात आले. नागरिकांनी मोठ्या संख्येने उपस्थित राहून रॅलीचे जंगी स्वागत केले. रस्त्यांच्या दुतर्फा उभे राहून नागरिकांनी घोषणांच्या…
दिवसभर धार्मिक कार्यक्रमांचे आयोजन जळगाव प्रतिनिधी । जळगाव शहरातील श्रद्धेचे प्रमुख केंद्र असलेल्या श्री ओंकारेश्वर देवस्थान चॅरिटेबल ट्रस्ट संचलित श्री ओंकारेश्वर मंदिराचा ५५ वा वर्धापन दिन सोहळा आज ३१ जानेवारी रोजी अत्यंत उत्साहात आणि मंगलमय वातावरणात साजरा करण्यात येत आहे. सुवर्णमहोत्सवाच्या दिशेने वाटचाल करणाऱ्या या मंदिराच्या वर्धापन दिनानिमित्त पहाटेपासूनच विविध धार्मिक विधी आणि पूजन कार्यक्रमांना सुरुवात झाली असून, मंदिर परिसरात भाविकांची मोठी गर्दी पाहायला मिळत आहे. वर्धापन दिनाचे औचित्य साधून जोशी परिवाराच्या हस्ते मंदिरात विधीवत धार्मिक अनुष्ठाने पार पडली. यामध्ये पुण्याहवाचन, घंटापूजन, दीपक पूजन व शंखपूजन करण्यात आले. यासोबतच गणेश-अंबिका पूजन, द्वारपूजन व वास्तुपूजन करून मंदिराच्या शिखरावर भगवा ध्वज फडकवण्यात…
श्रद्धांजली कार्यक्रम छत्रपती संभाजी राजे नाट्यगृहात घेण्यात येईल. जळगाव | राज्याचे उपमुख्यमंत्री आणि राष्ट्रवादी काँग्रेसचे राष्ट्रीय अध्यक्ष अजितदादा पवार यांचे २८ जानेवारी रोजी आकस्मिक निधनामुळे राज्यासह जिल्ह्यावर शोककळा पसरली आहे.अजितदादा पवार यांचे राजकीय,सामाजिक,शैक्षणिक सांस्कृतिक व क्रीडा अशा विविधांगी क्षेत्रातील काम लक्षात घेता सर्वपक्षीय आणि जिल्ह्यातील अखिल सर्वसमावेशक संस्था तसेच संघटनांच्या वतीने सार्वजनिक श्रद्धांजली सभेचे येत्या रविवारी १ फेब्रुवारी रोजी दुपारी ठीक २ वाजता आयोजन करण्यात आले आहे.श्रद्धांजली कार्यक्रम छत्रपती संभाजी राजे नाट्यगृहात घेण्यात येईल. आज शुक्रवार (३० जानेवारी) रोजी याबाबत पूर्वतयारीची बैठक जिल्हा बँकेचे अध्यक्ष व राष्ट्रवादी काँग्रेस पक्षाचे जळगाव लोकसभा जिल्हाध्यक्ष संजय पवार यांनी जिल्हा बँकेच्या सभागृहात ही बैठक…
साधेपणाने पार पडणार शपथविधी सोहळा मुंबई विशेष प्रतिनिधी : अजित पवार यांच्या अकाली निधनामुळे रिक्त झालेल्या राष्ट्रवादी काँग्रेस विधिमंडळ पक्षाच्या नेतेपदी सुनेत्रा पवार यांची निवड उद्या, शनिवारी करण्यात येणार आहे. पक्षाच्या या निर्णयामुळे सुनेत्रा पवार या राज्याच्या नव्या उपमुख्यमंत्री म्हणून जबाबदारी स्वीकारतील, हे आता स्पष्ट झाले असून उद्याच त्यांचा शपथविधी सोहळा पार पडणार असल्याचे समजते. नेतेपदी निवडीसाठी आमदारांची बैठकराष्ट्रवादी काँग्रेस विधिमंडळ पक्षाची विशेष बैठक उद्या शनिवारी मुंबईत आयोजित करण्यात आली आहे. या बैठकीत सुनेत्रा पवार यांची पक्षनेतेपदी एकमताने निवड केली जाईल. त्यानंतर राष्ट्रवादीच्या वतीने मुख्यमंत्र्यांकडे अधिकृत निवडीचे पत्र सोपवले जाईल. लगेचच सुनेत्रा पवार यांचा राज्य मंत्रिमंडळात समावेश करून त्यांना उपमुख्यमंत्रीपदाची शपथ…
मुक्ताईनगर शहरातील प्रवर्तन चौकात सर्वपक्षीय नेत्यांनी एकत्र येत अजितदादा यांच्या प्रतिमेला माल्यार्पण करून भावपूर्ण श्रद्धांजली मुक्ताईनगर प्रतिनिधी । उपमुख्यमंत्री अजितदादा पवार यांचे अपघातात निधन झाल्याने मुक्ताईनगर शहरातील प्रवर्तन चौकात सर्वपक्षीय नेत्यांनी एकत्र येत अजितदादा यांच्या प्रतिमेला माल्यार्पण करून भावपूर्ण श्रद्धांजली अर्पण केली. यावेळी उपस्थित मान्यवरांनी आपले मनोगत व्यक्त केले. बुधवारी प्रवासादरम्यान झालेल्या विमान अपघातात अजितदादांचे निधन झाल्याची वार्ता समजताच परिसरात मोठी खळबळ उडाली होती. या घटनेच्या निषेधार्थ आणि लाडक्या नेत्याला आदरांजली वाहण्यासाठी मुक्ताईनगर शहरात आज कडकडीत बंद पाळण्यात आला. व्यापारी प्रतिष्ठाने, शाळा आणि बाजारपेठा स्वयंस्फूर्तीने बंद ठेवण्यात आल्या होत्या. प्रवर्तन चौकात शोकसभा गुरूवार दुपारी १२ वाजता प्रवर्तन चौकात शोकाकुल वातावरणात…
१२ जिल्हा परिषदा आणि १२५ पंचायत समित्यांच्या सार्वत्रिक निवडणुकांच्या वेळापत्रकात महत्त्वपूर्ण बदल केला मुंबई-वृत्तसेवा | राज्याचे उपमुख्यमंत्री अजित पवार यांच्या आकस्मिक आणि दुर्दैवी निधनामुळे संपूर्ण महाराष्ट्रावर शोककळा पसरली आहे. या पार्श्वभूमीवर राज्य सरकारने जाहीर केलेला तीन दिवसांचा शासकीय दुखवटा विचारात घेऊन राज्य निवडणूक आयोगाने १२ जिल्हा परिषदा आणि १२५ पंचायत समित्यांच्या सार्वत्रिक निवडणुकांच्या वेळापत्रकात महत्त्वपूर्ण बदल केला आहे. सुधारित कार्यक्रमानुसार, आता ५ फेब्रुवारी ऐवजी ७ फेब्रुवारी २०२६ रोजी मतदान प्रक्रिया पार पडणार आहे. राज्य निवडणूक आयोगाने यापूर्वी १३ जानेवारी २०२६ रोजी या निवडणुकांचा कार्यक्रम जाहीर केला होता. त्यानुसार उमेदवारी अर्ज दाखल करणे, अर्जांची छाननी, अर्ज मागे घेणे आणि चिन्हांचे वाटप…
दिव्यांग प्रमाणपत्र तपासणीत तफावत ; जळगाव प्रतिनिधी । राज्य शासनाच्या दिव्यांग सक्षमीकरण विभागाच्या आदेशानुसार सुरू करण्यात आलेल्या दिव्यांग प्रमाणपत्र तपासणी मोहिमेत जळगाव जिल्हा परिषदेतील काही कर्मचाऱ्यांच्या दिव्यांग टक्केवारीत तफावत आढळून आल्याने प्रशासनाने कठोर भूमिका घेतली आहे. या प्रकरणात जिल्हा परिषदेच्या आणखी सहा कर्मचाऱ्यांवर निलंबनाची कारवाई करण्यात आली असून, आतापर्यंत निलंबित कर्मचाऱ्यांची संख्या १९ वर पोहोचली आहे. राज्यातील दिव्यांग कर्मचारी तसेच दिव्यांग व्यक्तींच्या प्रमाणपत्रांची पडताळणी करण्यासाठी राज्य शासनाच्या दिव्यांग कल्याण विभागामार्फत UID कार्ड तपासणी मोहीम राबवली जात आहे. या मोहिमेअंतर्गत जळगाव जिल्हा परिषदेच्या विविध आस्थापनांमध्ये कार्यरत अधिकारी व कर्मचाऱ्यांची तपासणी सुरू आहे. तपासणीदरम्यान काही कर्मचाऱ्यांच्या दिव्यांग प्रमाणपत्रातील टक्केवारी शासनाने निश्चित केलेल्या…
आ. अमोल जावळे यांचे अवकाळी वादळी पावसामुळे नुकसानग्रस्त भागात तत्काळ पंचनाम्याचे आदेश. यावल प्रतिनिधी : दि.२८ रावेर व यावल तालुक्यात अचानक झालेल्या अवकाळी वादळी पावसाने आणि गारपिटीने मोठ्या प्रमाणावर नुकसान केले. जोरदार वादळासह झालेल्या गारांच्या माऱ्यानंतर आलेल्या पावसाने जनजीवन पूर्णतः विस्कळीत झाले. या अनपेक्षित हवामान बदलामुळे शेतकरी वर्ग मोठ्या संकटात सापडला आहे. हाता-तोंडाशी आलेला घास निसर्गाच्या तडाख्याने हिरावून गेल्याने बळीराजा हवालदिल झाला असून ही परिस्थिती अत्यंत वेदनादायी आहे. गारपिटीमुळे केळी, गहू, हरभरा, मका आदी पिकांचे मोठ्या प्रमाणावर नुकसान झाल्याची प्राथमिक माहिती समोर येत आहे. तसेच वादळी वाऱ्यामुळे ग्रामीण भागातील अनेक घरांची पत्रे उडून मालमत्तेचेही नुकसान झाले आहे. या घटनेची गंभीर दखल…
