Author: Editorial Desk

जळगाव प्रतिनिधी | जळगावच्या पिंप्राळा परिसरातून एक दुर्दैवी घटना समोर आली आहे. गुरुदत्त कॉलनीत गच्चीवरून खाली पडल्याने ५० वर्षीय महिलेचा उपचारादरम्यान मृत्यू झाला आहे. मधुरा सुरेश खामणेकर, वय ५०, असे मयत महिलेचे नाव आहे. शुक्रवारी १८ सप्टेंबर रोजी सकाळी आठ वाजेच्या सुमारास मधुरा खामणेकर या कपडे सुकवण्यासाठी घराच्या पहिल्या मजल्यावरील गच्चीवर गेल्या होत्या. त्यावेळी अचानक त्यांचा तोल गेल्याने त्या गच्चीवरून खाली पडल्या. या दुर्घटनेत त्यांच्या डोक्याला गंभीर दुखापत झाली. कुटुंबीयांनी त्यांना तातडीने जळगाव येथील जिल्हा शासकीय वैद्यकीय महाविद्यालयात उपचारासाठी दाखल केले. मात्र, उपचार सुरू असताना दुपारी दोन वाजेच्या सुमारास त्यांचा मृत्यू झाला. या घटनेप्रकरणी रामानंदनगर पोलीस ठाण्यात अकस्मात मृत्यूची नोंद…

पाचोरा प्रतिनिधी | पाचोरा तालुक्यातील गिरणा नदीपात्रात सुरू असलेल्या कथित अवैध वाळू उपसा विरोधात महसूल प्रशासनाने शुक्रवार १८ सप्टेंबर रोजी पहाटे पासून धडक कारवाईला सुरुवात केली. कुरंगी, परधाडे, दुसखेडा, माहेजी, वरसाडे, डोकलखेडा, दहिगाव संत परिसरात मोठ्या प्रमाणावर अवैध वाळू उपसा केला जातो. वारंवार होणाऱ्या तक्रारीकडे प्रशासनाने लक्ष वेधून ही धडक कारवाई केली. या कारवाईसाठी पाचोरा प्रांताधिकारी, तहसीलदार, मंडळ अधिकारी, तलाठी, कोतवाल तसेच पाचोरा व पिंपळगाव हरेश्वर पोलिस ठाण्याचे अधिकारी-कर्मचारी ,उप प्रादेशिक परिवहन अधिकारी यांनी घटनास्थळी दाखल होऊन वाहने जप्त केली. या १०० अधिकारी, कर्मचारी मोठ्या फौजफाट्यासह १८ सप्टेंबर रोजी पहाटे ४ वाजता सुरू झालेल्या या कारवाईमुळे वाळूमाफियांमध्ये खळबळ उडाली. गिरणा…

जळगाव प्रतिनिधी | शेतीमालाला अपेक्षित भाव मिळाला की शेतकऱ्याच्या चेहऱ्यावर समाधानाचे हास्य फुलते. जळगाव तालुक्यातील सुनसगाव येथील शेतकरी समाधान महाजन यांनी केळीला चांगला भाव मिळाल्याने अनोख्या पद्धतीने आनंद साजरा केला. केळीला तब्बल २ हजार ३०० रुपये प्रतिक्विंटल भाव मिळाल्याने महाजन यांनी शेतातच भजन-कीर्तन आणि फुगड्यांचा आनंद घेतला. समाधान महाजन यांनी आपल्या शेतात तब्बल २० हजार केळीच्या झाडांची लागवड केली आहे. पहिल्याच तोडणीत जवळपास ५ लाख रुपयांचे उत्पन्न मिळाले आहे. त्यामुळे अनेक दिवसांची मेहनत आणि केलेली गुंतवणूक याला चांगला प्रतिसाद मिळाल्याचे समाधान त्यांच्या चेहऱ्यावर दिसून आले. विशेष म्हणजे केळीला मिळालेल्या चांगल्या भावाचा आनंद त्यांनी केवळ कुटुंबीयांसोबत साजरा न करता शेतातच पारंपरिक…

रावेर प्रतिनिधी : रावेर तालुक्यात यंदाच्या हंगामातील पीक पेऱ्यांची ऑनलाइन नोंदणी करण्याचे काम सुरू असून, शेतकऱ्यांनी ३० सप्टेंबरपर्यंत आपल्या शेतातील पिकांची नोंद प्राधान्याने करून घ्यावी, असे आवाहन तहसीलदार संजय तायडे यांनी केले आहे. शासनाने यावर्षी पीक पाहणीच्या कामासाठी प्रत्येक गावात पीक पाहणी सहाय्यकांची नियुक्ती केली आहे. त्यामुळे शेतकऱ्यांनी संबंधित सहाय्यकांच्या मदतीने पीक पेऱ्याची नोंद करून घेण्याचे आवाहन प्रशासनाकडून करण्यात आले आहे. रावेर तालुक्यात एकूण ६६ हजार ७०० गट असून, आतापर्यंत केवळ १४ हजार ४८३ शेतकऱ्यांनी ऑनलाइन पीक पेरे नोंदवले आहेत. त्यामुळे उर्वरित शेतकऱ्यांनी मुदतीपूर्वी नोंदणी पूर्ण करण्याची आवश्यकता आहे. ३० सप्टेंबर ही पीक पेरे नोंदविण्याची अंतिम मुदत असून, त्यानंतर पीक…

यावल/जळगाव प्रतिनिधी | आदिवासी बांधवांपर्यंत शासनाच्या विविध कल्याणकारी योजना, वैयक्तिक तसेच सामूहिक लाभाच्या योजना आणि शासकीय सेवांची माहिती प्रभावीपणे पोहोचविण्याच्या उद्देशाने राबविण्यात येत असलेल्या ‘सेवा संकल्प अभियान’च्या चित्ररथाचा शुभारंभ आज जिल्हाधिकारी कार्यालय, जळगाव येथे करण्यात आला. आमदार चंद्रकांत सोनवणे, जिल्हाधिकारी रोहन घुगे, जिल्हा परिषदेच्या मुख्य कार्यकारी अधिकारी करिष्मा नायर तसेच एकात्मिक आदिवासी विकास प्रकल्प, यावलचे प्रकल्प अधिकारी अरुण पवार यांच्या प्रमुख उपस्थितीत सेवा संकल्प चित्ररथाचे उद्घाटन करून त्यास हिरवा झेंडा दाखविण्यात आला. यावेळी जिल्हा नियोजन अधिकारी श्री. भरत सोळुंके, सहाय्यक प्रकल्प अधिकारी श्री. प्रशांत माहूरे, श्री. प्रवीण दाभाडे तसेच संबंधित अधिकारी व कर्मचारी उपस्थित होते. पंतप्रधान नरेंद्र जी मोदी यांच्या…

जळगाव प्रतिनिधी | यावल तालुक्यातील कोळवद परिसरातून दोन मुलांसह ३२ वर्षीय विवाहित महिला बेपत्ता झाल्याची घटना समोर आली आहे. या प्रकरणी महिलेच्या पतीने यावल पोलिस ठाण्यात तक्रार दाखल केली असून, अज्ञात व्यक्तीविरोधात अपहरणाचा गुन्हा नोंदवण्यात आला आहे. पोलिस नोंदीनुसार, माधुरी उमेश महाजन (वय ३२) या आपल्या दोन मुलांसह राहत होत्या. त्यांचा मोठा मुलगा विपुल (वय १३) तर लहान मुलगा कार्तिक (वय ६) आहे. काही कारणास्तव महिला आपल्या दोन्ही मुलांसह घरातून बाहेर गेल्यानंतर त्या पुन्हा घरी परतल्या नाहीत. महिला आणि दोन्ही मुले बेपत्ता झाल्याचे लक्षात आल्यानंतर कुटुंबीयांनी नातेवाईक तसेच परिसरात त्यांचा शोध घेतला. मात्र, तिघांबाबत कोणतीही माहिती मिळाली नाही. अखेर महिलेच्या…

जळगाव प्रतिनिधी : शहरातील शासकीय औद्योगिक प्रशिक्षण संस्था अर्थात आयटीआयसमोरील महापालिकेचे कचरा संकलन केंद्र हटविण्याच्या मागणीसाठी अखिल भारतीय विद्यार्थी परिषद (अभाविप) आक्रमक झाली आहे. गुरुवारी अभाविपच्या कार्यकर्त्यांनी आयटीआयच्या विद्यार्थ्यांना सोबत घेत कचरा संकलन केंद्राजवळ ठिय्या आंदोलन सुरू केले. या आंदोलनात विद्यार्थ्यांसह विद्यार्थिनींनीही सहभाग घेत महापालिकेच्या कारभाराविरोधात घोषणाबाजी केली. शहरातील विविध भागांतून घंटागाड्यांद्वारे गोळा करण्यात आलेला कचरा शासकीय आयटीआयसमोरील या केंद्रावर आणून जमा केला जातो. मात्र, शैक्षणिक संस्थेच्या अगदी जवळच कचरा संकलन केंद्र असल्याने परिसरात अस्वच्छता, दुर्गंधी आणि आरोग्याचा प्रश्न निर्माण होत असल्याचा आरोप अभाविपने केला आहे. दररोज या ठिकाणी मोठ्या प्रमाणावर कचरा आणला जात असल्याने त्याचा विद्यार्थ्यांना त्रास सहन करावा…

जळगाव प्रतिनिधी | जळगाव शहरातील कांचन नगर परिसरात जुन्या वादातून तरुणावर शस्त्राने हल्ला केल्याप्रकरणी शनिपेठ पोलिसांनी तिघांना अटक केली आहे. राहुल अशोक शिंदे, विजय जयवंत शिंदे आणि लखन सुनील कोळी अशी अटक करण्यात आलेल्या संशयितांची नावे आहेत. मिळालेल्या माहितीनुसार, १२ सप्टेंबर रोजी कांचन नगर परिसरात क्षितीज निधाने या तरुणावर शस्त्राने हल्ला करण्यात आला होता. जुन्या वादातून हा हल्ला झाल्याचे समोर आले आहे. घटनेनंतर हल्ल्यात सहभागी असलेले तिघेही पसार झाले होते. त्यांचा शोध घेऊन शनिपेठ पोलिसांनी तिघांना ताब्यात घेत अटक केली. दरम्यान, अटक केल्यानंतर पोलिसांनी तिन्ही संशयितांची कांचन नगर परिसरातून धिंड काढली. परिसरात दहशत निर्माण करणाऱ्या हल्लेखोरांना पोलिसांनी अशा प्रकारे धडा…

जळगाव प्रतिनिधी | जळगाव शहरातील माऊलीनगर, कोल्हे हिल्स परिसरात कौटुंबिक वादातून दुसऱ्या पत्नीसह तिच्या नातेवाईकांनी पतीसह त्याच्या भावावर प्राणघातक हल्ला केल्याची घटना घडली. यावेळी धारदार चाकूने वार करून एकाला जखमी करण्यात आले. या प्रकरणी जळगाव तालुका पोलिस ठाण्यात चार जणांविरुद्ध खुनाच्या प्रयत्नाचा गुन्हा दाखल करण्यात आला आहे. किशोर मोहन जयराज, रा. माऊलीनगर, कोल्हे हिल्स परिसर यांनी दिलेल्या तक्रारीनुसार, त्यांच्या दुसऱ्या पत्नीचे नाव आरती रमेश लोंढे असून, तिच्यावर चारित्र्याबाबत संशय घेतल्याने वाद निर्माण झाला. १६ सप्टेंबर रोजी दुपारी सुमारे ४ वाजता हा प्रकार घडल्याचे तक्रारीत नमूद करण्यात आले आहे. या प्रकरणात आरती रमेश लोंढे, विमला वसंत पवार, किरण वसंत पवार आणि…

पाचोरा प्रतिनिधी | सारोळा बुद्रुक ग्रामपंचायतीच्या विविध कामकाजात अनियमितता झाल्याचा संशय व्यक्त करत ग्रामस्थांनी सखोल व निष्पक्ष चौकशीच्या मागणीसाठी तहसील कार्यालयासमोर आमरण उपोषण सुरू केले होते. १५ सप्टेंबर रोजी सकाळी १० वाजता सुरू झालेल्या या उपोषणाची अखेर आमदार किशोर पाटील यांच्या आश्वासनानंतर सांगता झाली. ग्रामपंचायतीच्या मागील काही वर्षांतील विकासकामे, निधीचा वापर, प्रशासकीय निर्णय आणि इतर कामकाजाची चौकशी करण्यात यावी, अशी ग्रामस्थांची मागणी होती. यापूर्वी प्रशासनाकडे निवेदने आणि तक्रारी देऊनही अपेक्षित स्वरूपात चौकशी झाली नसल्याचा दावा ग्रामस्थांनी केला. दरम्यान, आमदार किशोर पाटील आणि गटविकास अधिकारी के. बी. अंजने यांनी उपोषणस्थळी भेट देऊन ग्रामस्थांशी चर्चा केली. यानंतर ग्रामपंचायतीच्या कामकाजाची अतिरिक्त गटविकास अधिकारी…