जळगाव प्रतिनिधी | जळगाव शहरात रात्रीच्या सुमारास रेनॉल कंपनीची चारचाकी गाडी नाल्यात सरकून अडकली. गणपती हॉस्पिटल ते प्रभात चौकादरम्यान सर्व्हिस रोडचे काम सुरू असताना रस्त्यालगत असलेल्या नाल्यात ही कार अडकली. अचानक घडलेल्या या घटनेमुळे परिसरात काही काळ गोंधळाचे वातावरण निर्माण झाले. घटनेची माहिती मिळताच जळगाव शहर महानगरपालिकेच्या अग्निशमन दलाला पाचारण करण्यात आले. माहिती मिळताच अग्निशमन दलाचे पथक तातडीने घटनास्थळी दाखल झाले. परिस्थितीचा आढावा घेतल्यानंतर नाल्यात अडकलेली कार बाहेर काढण्यासाठी बचावकार्य सुरू करण्यात आले. अग्निशमन वाहनावरील रोप विंचच्या सहाय्याने कारला टो करून नाल्यातून बाहेर काढण्याचे प्रयत्न करण्यात आले. जवानांनी कौशल्याने आणि काळजीपूर्वक बचावकार्य करत काही वेळातच कार सुरक्षितपणे नाल्यातून बाहेर काढली.…
Author: Editorial Desk
जळगाव प्रतिनिधी | दीड महिन्याच्या खंडानंतर अखेर जळगाव जिल्ह्यात पावसाने जोरदार हजेरी लावली आहे. शुक्रवारी जिल्ह्यातील अनेक भागांत मुसळधार पाऊस झाला. जळगाव शहरासह भुसावळ, जामनेर, यावल, एरंडोल, कडोली, आडगाव, कासोदा आणि विसरखेडा परिसरात पावसाने हजेरी लावली. अचानक आलेल्या पावसामुळे काही ठिकाणी जनजीवन विस्कळीत झाले, तर शेतकऱ्यांना दिलासा मिळाला आहे. गेल्या दीड महिन्यापासून पावसाने दडी मारल्याने जळगाव जिल्ह्यातील शेतकरी चिंतेत होते. मात्र शुक्रवारी सायंकाळपासून जिल्ह्यातील अनेक भागांत पावसाला सुरुवात झाली. जळगाव शहरात संध्याकाळी सुमारे सात वाजेपासून जवळपास दीड तास पावसाची जोरदार सर कोसळली. त्यानंतरही पावसाची शक्यता कायम आहे. दरम्यान, जोरदार वाऱ्यासह झालेल्या पावसामुळे जळगाव-शेळगाव मार्गावर बोऱ्हावळ गावाजवळ मोठे झाड रस्त्यावर कोसळले.…
भुसावळ प्रतिनिधी | शहरातील पाटील मळा परिसरात ३५ वर्षीय तरुणाचा खून झाल्याची धक्कादायक घटना समोर आली आहे. या घटनेमुळे परिसरात खळबळ उडाली असून, स्थानिक गुन्हे शाखेने (LCB) कारवाई करत एका १७ वर्षीय अल्पवयीन संशयिताला ताब्यात घेतले आहे. मृत तरुणाची ओळख तुषार गोविंद सोनवणे (वय ३५, रा. भुसावळ, जि. जळगाव) अशी झाली आहे. तुषार सोनवणे हे भुसावळ रेल्वे कॅन्टीनमध्ये काम करत असल्याची प्राथमिक माहिती आहे. पोलिसांच्या प्राथमिक तपासानुसार, तुषार सोनवणे यांचे संशयिताच्या आईसोबत वारंवार बोलणे होत असल्याने संशयिताच्या मनात नाराजी निर्माण झाली होती. त्यांच्या दोघांमधील जवळिकीबाबत संशय असल्याने या रागातून खुनाचा प्रकार घडल्याची प्राथमिक शक्यता पोलिसांनी व्यक्त केली आहे. घटनेची माहिती…
जळगाव प्रतिनिधी | जुने जळगाव परिसरात शेतकरी बांधवांनी पारंपरिक बैलपोळा सण मोठ्या उत्साहात आणि भक्तिमय वातावरणात साजरा केला. वर्षभर शेतकऱ्यांसोबत शेतातील विविध कामांमध्ये राबणाऱ्या बैलांप्रती कृतज्ञता व्यक्त करण्यासाठी या दिवशी त्यांची विशेष पूजा केली जाते. बैलपोळ्यानिमित्त शेतकऱ्यांनी आपल्या लाडक्या बैलांना आकर्षक पद्धतीने सजविले होते. बैलांच्या अंगावर रंगीबेरंगी झूल चढविण्यात आली होती. तसेच गोंडे, फुलांच्या माळा, विविध अलंकार आणि पारंपरिक सजावटीच्या साहित्याने बैलांचे रूप अधिकच खुलून दिसत होते. सजलेल्या बैलांना पाहण्यासाठी परिसरातील नागरिक आणि लहान मुलांचीही उत्सुकता पाहायला मिळाली. सजावट पूर्ण झाल्यानंतर शेतकरी कुटुंबीयांनी बैलांचे विधिवत पूजन केले. त्यांच्या कपाळावर कुंकू-हळदीचा टिळा लावून आरती करण्यात आली. त्यानंतर बैलांना नैवेद्य दाखवून त्यांचा…
पारोळ्यातील वसंतनगर परिसरातील घटना; चौघांविरोधात पोलिसांत गुन्हा दाखल पारोळा प्रतिनिधी : दुचाकीच्या एक्सीलेटरचा मोठा आवाज झाल्याच्या किरकोळ कारणावरून वाद निर्माण झाला आणि त्याचे रूपांतर थेट मारहाणीत झाल्याची घटना पारोळा शहरातील वसंतनगर परिसरात घडली. याप्रकरणी पारोळा पोलीस ठाण्यात चौघांविरोधात गुन्हा दाखल करण्यात आला आहे. पोलिसांत दाखल तक्रारीनुसार, फिर्यादी आदित्य धनराज जाधव हे 7 सप्टेंबर रोजी रात्री साडेअकराच्या सुमारास मोटारसायकलवरून आपल्या घरी जात होते. त्यावेळी मोटारसायकलच्या एक्सीलेटरचा मोठा आवाज झाल्याचे कारण पुढे करत आरोपींनी त्यांच्याशी वाद घातल्याचे तक्रारीत नमूद करण्यात आले आहे. यानंतर आरोपींनी फिर्यादीला घराबाहेर बोलावून शिवीगाळ केली. वाद वाढल्यानंतर चौघांनी मिळून मारहाण केल्याचा आरोप तक्रारीत करण्यात आला आहे. या मारहाणीत…
जळगाव प्रतिनिधी | जळगाव शहरात सार्वजनिक गणेशोत्सव महामंडळामध्ये फूट पडल्याचे चुकीचे चित्र निर्माण केले जात असल्याचा दावा करत ‘डॉ.अविनाश आचार्य प्रणित सार्वजनिक गणेशोत्सव महामंडळा’तर्फे बुधवारी (९ सप्टेंबर) रोजी पत्रकार परिषद घेण्यात आली. यावेळी महामंडळाचे नूतन अध्यक्ष मुकुंद मेटकर यांनी स्पष्ट केले की, महामंडळात वर्षांनुवर्षे अनेक कार्यकर्ते सेवाभावी वृत्तीने आणि एकदिलाने काम करत आहेत. असे असताना काही लोकांकडून चुकीच्या पद्धतीने फूट पाडण्याचे प्रयत्न होत आहेत. पत्रकार परिषदेत नूतन पदाधिकाऱ्यांनी व ज्येष्ठ सदस्यांनी महामंडळाची भूमिका मांडली. सार्वजनिक गणेशोत्सव महामंडळाची सुरुवात आदरणीय अविनाश दादा आचार्य यांनी केली होती. त्यांच्या नावाचा गजर आम्ही महामंडळाच्या माध्यमातून करत आहोत. सर्व हिंदू बांधवांनी एकत्र येऊन आपले सण…
जळगाव प्रतिनिधी | पाळधी गावाजवळ राष्ट्रीय महामार्गावर भरधाव कंटेनरचा ताबा सुटला आणि क्षणात काळजाचा थरकाप उडवणारा अपघात घडला. कंटेनर पलटी होऊन दुचाकीस्वाराच्या अंगावर आदळल्याने दोनगाव बुद्रुक येथील करण जनार्दन सोनवणे (वय-२६) यांचा दबून दुर्दैवी मृत्यू झाला. अपघात इतका भीषण होता की, दुचाकीचा अक्षरशः चुराडा झाला, तर कंटेनर रस्त्यावर पलटी झालेला पाहायला मिळाला. घटनेची माहिती मिळताच परिसरातील नागरिकांनी घटनास्थळी धाव घेतली. अपघातस्थळी मोठी गर्दी झाल्याने काही काळ वाहतुकीवरही परिणाम झाला. दरम्यान, बायपासचे काम सुरू असल्याने हा मार्ग बंद करण्यात आला आहे. त्यामुळे राष्ट्रीय महामार्गावर वाहतुकीचा वाढलेला ताण आणि वाहनांचा वेग अपघातांना कारणीभूत ठरत असल्याचा आरोप स्थानिक नागरिकांनी केला आहे. या प्रकारामुळे…
जळगाव प्रतिनिधी | जळगाव शहरातील आकाशवाणी चौकात मोबाईल हिसकावून मोटारसायकलवरून पळून जाण्याचा प्रयत्न करणाऱ्या दोघा संशयित आरोपींना वाहतूक पोलिसांच्या सतर्कतेमुळे पकडण्यात आले. ही घटना मंगळवारी, ९ सप्टेंबर रोजी घडली. वाहतूक शाखेचे पोलीस कर्मचारी दीपक बनसोडे आणि पोलीस कॉन्स्टेबल भूषण मोरे हे आकाशवाणी चौकातील ट्रॅफिक पॉईंटवर ड्युटीवर होते. यावेळी दत्त मंदिराच्या बाजूने एक व्यक्ती पायी जात असताना दोघा संशयितांनी त्याला अडवून त्याचा मोबाईल हिसकावला. त्यानंतर दोघांनी मोटारसायकलवरून पळून जाण्याचा प्रयत्न केला. मात्र, पोलिस कर्मचाऱ्यांनी प्रसंगावधान राखत दोघांना अडवून ताब्यात घेतले. त्यांच्याकडील MH 19 ET 8367 क्रमांकाची मोटारसायकल तसेच हिसकावलेला मोबाईल ताब्यात घेण्यात आला. मोबाईल पीडित व्यक्तीकडे परत करण्यात आला. या प्रकरणातील…
जळगाव प्रतिनिधी | अडावद पोलीस ठाण्याच्या हद्दीत अवैध गांजा शेतीविरोधात पोलिसांनी धडक कारवाई करत १७५ गांजाची झाडे जप्त केली आहेत. देवझिरी-देवगड परिसरातील जंगलात एका शेतामध्ये गांजाची लागवड करण्यात आल्याची गोपनीय माहिती अडावद पोलिसांना मिळाली होती. या माहितीच्या आधारे पोलिसांनी तातडीने पथक तयार करून संबंधित ठिकाणी छापा टाकला. पोलिसांनी पंचांसमक्ष शेताची पाहणी केली असता, शेतामध्ये गांजाची अवैध लागवड केल्याचे निदर्शनास आले. त्यानंतर कायदेशीर प्रक्रिया पूर्ण करून पंचनामा करण्यात आला. या कारवाईत लहान-मोठी अशी एकूण १७५ गांजाची झाडे पोलिसांनी जप्त केली. या प्रकरणात देवसिंग रावल्या बारेला याच्याविरुद्ध एनडीपीएस कायद्यान्वये गुन्हा दाखल करण्याची प्रक्रिया सुरू आहे. आरोपी हा मूळचा सिंदखेडी, ता. वरला, जि.…
