जळगाव प्रतिनिधी | जिल्ह्यात प्रॉपर्टी संबंधित गुन्ह्यांना आळा घालण्यासाठी आणि गुन्हेगारी प्रवृत्तीच्या व्यक्तींवर वचक निर्माण करण्यासाठी जिल्हा पोलिसांकडून ‘प्रतिबंधात्मक ऑपरेशन ३०५’ ही विशेष मोहीम राबविण्यात आली. जिल्ह्यातील विविध पोलीस ठाण्यांच्या हद्दीत एकाच वेळी ही कारवाई करण्यात आली. भारतीय न्याय संहिता, २०२३ मधील कलम ३०५ अंतर्गत मालमत्ता चोरीसह घरफोडी, वाहनचोरी तसेच शासकीय किंवा स्थानिक प्राधिकरणाच्या मालमत्तेची चोरी याबाबतच्या गुन्ह्यांवर विशेष लक्ष केंद्रित करण्यात आले. या मोहिमेदरम्यान १७५ भंगार दुकानांची तपासणी, २६९ रेकॉर्डवरील आरोपींची चौकशी आणि ४४२ संशयित वाहनांची तपासणी करण्यात आली. तसेच मुंबई पोलीस अधिनियमाच्या कलम १२२, १२४ आणि १४२ अन्वये ५ प्रतिबंधात्मक कारवाया करण्यात आल्या, तर २३ एनबीडब्ल्यू वॉरंटची बजावणी…
Author: Editorial Desk
जळगाव प्रतिनिधी | शहरातील सार्वजनिक गणेशोत्सव समिती तसेच जिल्हा प्रशासन आणि पोलीस प्रशासनाच्या वतीने आगामी गणेश विसर्जन मिरवणुकीच्या मार्गाची पाहणी करण्यात आली. शिवतीर्थ मैदान येथून पाहणीला सुरुवात करून मुख्य बाजारपेठेसह मिरवणुकीच्या संपूर्ण मार्गाची पाहणी करण्यात आली. या पाहणीदरम्यान विविध गणेश मंडळांचे प्रमुख पदाधिकारी व सदस्य, पोलीस प्रशासन, जिल्हा प्रशासन, महावितरण कंपनी तसेच महानगरपालिकेचे अधिकारी व कर्मचारी उपस्थित होते. विसर्जन मिरवणुकीदरम्यान गणेश मंडळांना येणाऱ्या अडचणी, वाहतुकीचे नियोजन आणि नागरिकांच्या सुरक्षिततेबाबत यावेळी सविस्तर चर्चा करण्यात आली. मिरवणुकीच्या मार्गावर अडथळा ठरणाऱ्या महावितरण कंपनीच्या विद्युत तारा, उघड्यावर पडलेल्या डीपी तसेच रस्त्यावर असलेले खड्डे आणि इतर अडथळ्यांची पाहणी करण्यात आली. संबंधित विभागाच्या अधिकाऱ्यांना आवश्यक त्या…
जळगाव प्रतिनिधी | गणेशोत्सवाच्या पार्श्वभूमीवर जळगावच्या बाजारपेठेत कोकणातील रायगड जिल्ह्यातील पेण येथून शाडू मातीच्या आकर्षक आणि सुबक गणेशमूर्ती विक्रीसाठी दाखल झाल्या आहेत. पर्यावरणपूरक गणेशोत्सव साजरा करण्यासाठी यंदा शाडू मातीच्या मूर्तींना ग्राहकांकडून चांगली पसंती मिळत असल्याचे चित्र पाहायला मिळत आहे. जळगावातील श्री गणेश कला केंद्रात पेणच्या कारागिरांनी तयार केलेल्या विविध आकारांच्या आणि आकर्षक कलाकुसरीच्या मूर्ती उपलब्ध आहेत. नैसर्गिक मातीसोबत नैसर्गिक रंगांचा वापर करून या मूर्ती तयार केल्या जात असल्याने त्या पर्यावरणपूरक आणि शाश्वत असल्याचे विक्रेत्यांनी सांगितले. घरगुती गणेशमूर्तींसह छोट्या सार्वजनिक गणेश मंडळांकडूनही शाडू मातीच्या मूर्ती खरेदी करण्याकडे कल वाढला आहे. सहा इंचांपासून तब्बल अडीच फुटांपर्यंत विविध आकारांच्या मूर्ती ग्राहकांसाठी उपलब्ध आहेत.…
अमळनेर प्रतिनिधी | गांधलीपुरा भागात एका तरुणावर कोयत्याने प्राणघातक हल्ला करण्याचा प्रयत्न केल्याची धक्कादायक घटना ५ सप्टेंबर रोजी रात्री सव्वा आठ वाजेच्या सुमारास घडली. या प्रकरणी राजेश उर्फ दादू धोबी याला अमळनेर पोलिसांनी तात्काळ अटक केली आहे. पोलिसांनी दिलेल्या माहितीनुसार, परेश रवींद्र उदेवाल (वय २८, रा. राजाराम नगर, शिरूड नाका) हा गांधलीपुरा भागातून पायी जात असताना अचानक दादू धोबी त्याच्या समोर आला. त्याने अश्लील शिवीगाळ करत, “तू पोलिसांचा खबरी आहेस, तुझ्यामुळे मला त्रास होत आहे,” असे म्हणत कमरेला लावलेला कोयता बाहेर काढला आणि परेशवर वार करण्याचा प्रयत्न केला. परेशने तेथून पळ काढल्यानंतर दादूने त्याचा पाठलाग केला. भरुचा वाईन शॉपजवळ त्याला…
जळगाव प्रतिनिधी | शहरातील एमआयडीसी परिसरातील ई-सेक्टरमध्ये असलेल्या श्री आनंद बॅटरी कंपनीत झालेल्या चोरीचा एमआयडीसी पोलिसांनी छडा लावला आहे. कंपनीतून चोरीला गेलेल्या शिशाच्या धातूच्या विटांसह गुन्ह्यात वापरलेली मोटारसायकल पोलिसांनी हस्तगत केली असून, या प्रकरणात सहा आरोपींना ताब्यात घेण्यात आले आहे. पोलिसांनी दिलेल्या माहितीनुसार, चोरट्यांनी कंपनीच्या सिमेंट कंपाउंडला लावलेले पत्रे कापून आत प्रवेश केला. त्यानंतर कंपनीत ठेवलेल्या शिशाच्या धातूच्या विटा चोरून नेल्या. चोरीची माहिती मिळताच एमआयडीसी पोलिस ठाण्यात गुन्हा दाखल करण्यात आला. गुन्ह्याचे गांभीर्य लक्षात घेऊन पोलिसांनी घटनास्थळाची पाहणी केली. बारकाईने तपास, सीसीटीव्ही फुटेज आणि गोपनीय माहितीच्या आधारे आरोपींचा शोध घेण्यात आला. तपासादरम्यान पोलिसांनी सहा जणांना ताब्यात घेतले. चौकशीत त्यांनी चोरी…
जळगाव प्रतिनिधी | गणेशोत्सवाच्या पार्श्वभूमीवर कायदा व सुव्यवस्था अबाधित ठेवत उत्सव शांततेत आणि उत्साहात साजरा करण्यासाठी जिल्हाधिकारी कार्यालयातील नियोजन भवनात जिल्हास्तरीय शांतता समितीची बैठक घेण्यात आली. जिल्हाधिकारी रोहन घुगे यांच्या अध्यक्षतेखाली झालेल्या या बैठकीला पोलीस अधीक्षक श्रीकांत धिवरे, महापालिका आयुक्त आदित्य जीवने यांच्यासह जिल्ह्यातील विविध गणेशोत्सव मंडळांचे अध्यक्ष व पदाधिकारी मोठ्या संख्येने उपस्थित होते. गणेशोत्सव काळात कोणताही अनुचित प्रकार घडू नये, तसेच सर्व समाजघटकांमध्ये सलोखा आणि शांतता कायम राहावी, यासाठी प्रशासनाकडून विविध सूचना यावेळी देण्यात आल्या. गणेश मंडळांनी प्रबोधनात्मक आणि जनजागृती करणारे देखावे सादर करावेत. मात्र, कोणत्याही व्यक्तीच्या भावना दुखावतील किंवा सामाजिक तेढ निर्माण होईल, अशा प्रकारचे देखावे, घोषणाबाजी अथवा…
जळगाव प्रतिनिधी | समाजसेवेच्या माध्यमातून जळगाव शहरासाठी विविध उपक्रम राबविण्याच्या उद्देशाने स्थापन झालेल्या रोटरी क्लब ऑफ जळगाव कनेक्टचा शुभारंभ सोहळा उत्साहात पार पडला. जळगाव शहरातील रोटरीच्या भैय्यासाहेब नथमलजी लुंकड सभागृहात झालेल्या या कार्यक्रमास जिल्हाधिकारी रोहन घुगे, उपविभागीय पोलीस अधिकारी नितीन गणापुरे, रोटरी असिस्टंट गव्हर्नर ॲड. सागर चित्रे, माजी प्रांतपाल डॉ. सिकची, नाना शेवाळे, राजेंद्र भामरे आदी मान्यवर उपस्थित होते. यावेळी डिस्ट्रीक्ट प्रेसिडेंट डॉ. राजेश पाटील यांच्या हस्ते रोहित आहुजा यांनी क्लबचे चार्टर प्रेसिडेंटपद स्वीकारले. तसेच धनराज कासट व पुनीत तरलेजा यांनी चार्टर सेक्रेटरीपदाची जबाबदारी स्वीकारली. चालू वर्षासाठी क्लबच्या Board of Directors (BoD) ची निवडही यावेळी करण्यात आली. यामध्ये ट्रेझरर सीए…
रावेर प्रतिनिधी | रावेर तालुक्यातील एका गावात २२ वर्षीय विवाहितेवर अत्याचार झाल्याची संतापजनक घटना समोर आली आहे. या प्रकरणी रावेर पोलिस ठाण्यात आरोपीविरुद्ध बलात्काराचा गुन्हा दाखल करण्यात आला असून, पोलिसांनी आरोपीला अटक केली आहे. पोलिसांकडून मिळालेल्या माहितीनुसार, शुक्रवारी पीडित विवाहिता घरात एकटी असताना आरोपी तिच्या घराजवळ आला. त्यानंतर त्याने कथितरित्या घरात बेकायदेशीर प्रवेश करून आतून दरवाजाची कडी लावली. त्यानंतर पीडितेला मारहाण करत तिच्यावर जबरदस्ती केल्याचा आरोप आहे. घटनेनंतर पीडित महिलेने पोलिसांत तक्रार दाखल केली. त्यानुसार आरोपीविरुद्ध संबंधित कलमांखाली गुन्हा दाखल करण्यात आला असून, त्याला पोलिसांनी ताब्यात घेतले आहे. या घटनेमुळे परिसरात खळबळ उडाली आहे. पोलिस निरीक्षक संदीप पाटील यांच्या मार्गदर्शनाखाली…
सागर पार्कमध्ये १५० फुटांवरील दहीहंडीचा थरार; श्रीकृष्ण गोविंद पथकाने आठ थर रचत फोडली हंडी! जळगाव प्रतिनिधी | जळगावच्या सागर पार्क मैदानावर एल. के. फाउंडेशनच्या वतीने आयोजित करण्यात आलेल्या भव्य दहीहंडी उत्सवात थराराचा कळस पाहायला मिळाला. तब्बल १५० फूट उंचीवर लावण्यात आलेली दहीहंडी फोडण्याचा मान श्रीकृष्ण गोविंद पथकाने मिळवला. कार्यक्रमाची सुरुवात भगवान श्रीकृष्ण यांच्या प्रतिमेचे पूजन पालकमंत्री गुलाबराव पाटील यांच्या हस्ते करण्यात आले या प्रसंगी जळगाव शहरातील माजी महापौर तथा एलके फाउंडेशनचे संस्थापक अध्यक्ष ललित कोल्हे, सरिता ताई कोल्हे, महापौर दीपमाला काळे, नगरसेवक अरविंद देशमुख यांच्यासह अनेक मान्यवर मोठ्या संख्येने उपस्थित होते. यावेळी ढोल ताशांच्या गजरात या दहीहंडीच्या कार्यक्रमाच्या सुरुवातीला गजर…
जळगाव प्रतिनिधी | १ नोव्हेंबर २००५ पूर्वी नियुक्त झालेल्या, मात्र त्यावेळी विनाअनुदानित किंवा अंशतः अनुदानित असलेल्या आणि त्यानंतर १०० टक्के अनुदान मिळालेल्या प्राथमिक, माध्यमिक व उच्च माध्यमिक शाळांमधील शिक्षक-शिक्षकेत्तर कर्मचाऱ्यांना १९८२ ची जुनी पेन्शन योजना लागू करावी, या मागणीसाठी महाराष्ट्र राज्य जुनी पेन्शन समन्वय संघाने आक्रमक भूमिका घेतली आहे. शिक्षक दिनाचे औचित्य साधत ५ सप्टेंबर रोजी संघाच्या वतीने मूक मोर्चा काढण्यात आला. त्यानंतर जिल्हाधिकाऱ्यांमार्फत मुख्यमंत्री देवेंद्र फडणवीस आणि शालेय शिक्षण व क्रीडा मंत्री दादाजी भुसे यांना निवेदन देण्यात आले. राज्यातील सुमारे २६ हजार पेन्शन पीडित शिक्षक-शिक्षकेत्तर कर्मचाऱ्यांना न्याय देण्यासाठी २५ सप्टेंबर २०२६ पूर्वी शासनाने स्पष्ट आदेश काढावेत, अशी मागणी करण्यात…
