रावेर प्रतिनिधी : रावेर तालुक्यात अवैध वाळू वाहतुकीविरोधात महसूल विभागाने कारवाईचा धडाका सुरू केला असून, विवरे खुर्द येथील महिला ग्राम महसूल अधिकारी कु. दिपाली मुकुंदा बुंदेले यांनी कोतवाल ध्रुवकुमार जिरीमाळी यांच्या सहकार्याने अवैध वाळू वाहतूक करणारे दोन ट्रॅक्टर जप्त केले. या कारवाईचे नागरिकांकडून कौतुक होत आहे. रावेर तालुक्यात मोठ्या प्रमाणावर अवैध वाळू वाहतूक होत असल्याच्या तक्रारी तहसीलदार संजय तायडे यांच्याकडे प्राप्त झाल्या होत्या. या पार्श्वभूमीवर त्यांनी तालुक्यातील ग्राम महसूल अधिकाऱ्यांना अवैध गौण खनिज वाहतुकीविरोधात कठोर कारवाई करण्याचे आदेश दिले आहेत. त्यानुसार विवरे खुर्द येथील ग्राम महसूल अधिकारी कु. दिपाली मुकुंदा बुंदेले व कोतवाल ध्रुवकुमार जिरीमाळी यांनी कारवाई करत अवैध वाळू…
Author: Editorial Desk
रावेर प्रतिनिधी : तालुक्यातील दोधा गावात पैशांच्या कारणातून ७२ वर्षीय महिलेचा गळा आवळून खून केल्याची धक्कादायक घटना समोर आली आहे. या प्रकरणी रावेर पोलिसांनी १९ वर्षीय तरुणाला ताब्यात घेतले असून, त्याच्याकडून चोरीस गेलेले दागिने हस्तगत करण्यात आले आहेत. मयत महिलेचे नाव ललिताबाई वसंत पाटील (वय ७२, रा. दोधा, ता. रावेर) असे आहे. तर ताब्यात घेण्यात आलेल्या संशयिताचे नाव लाला धर्मा भिलाला (वय १९) असे असून, तो दोधा येथे सालदार म्हणून काम करत असल्याची माहिती आहे. त्याचे मूळ गाव नसीराबाद बोरी, ता. नेपानगर, जि. बुऱ्हाणपूर असल्याचे सांगण्यात आले आहे. पोलिसांच्या माहितीनुसार, आरोपीची पत्नी काही दिवसांपूर्वी माहेरी गेली होती. तिने आरोपीकडे ३०…
यावल प्रतिनिधी | तालुक्यातील किनगाव आणि मालोद परिसरातील शेतशिवारातून महावितरणच्या विद्युत तारांची चोरी करणाऱ्या टोळीचा पर्दाफाश करण्यात यावल पोलिसांना यश आले आहे. मंगळवारी रात्री चोरी केलेल्या विद्युत तारांची विल्हेवाट लावण्यासाठी त्या तारांचा भंगार व्यावसायिकाला व्यवहार करण्याचा प्रयत्न सुरू असताना शेतकरी आणि नागरिकांनी चार जणांना रंगेहात पकडले. त्यानंतर पोलिसांना माहिती देण्यात आली. माहिती मिळताच पोलीस निरीक्षक रंगनाथ धारबळे यांच्या मार्गदर्शनाखाली पोलिसांचे पथक घटनास्थळी दाखल झाले. पोलिसांनी सुपडू हमजान तडवी, करीम नशीर तडवी, अलाउद्दीन मजीद तडवी आणि किनगाव येथील भंगार व्यावसायिक आरिफ युसुफ मन्यार या चौघांना ताब्यात घेतले. त्यांच्याकडून विद्युत तारांचे मोठ्या प्रमाणावर तुकडे, गठ्ठे तसेच चोरीसाठी वापरलेले वाहन हस्तगत करण्यात आले.…
जळगाव प्रतिनिधी | एरंडोल शहर आणि परिसरात गुन्हेगारी टोळी तयार करून नागरिकांमध्ये दहशतीचे वातावरण निर्माण करणाऱ्या तिघांविरोधात जळगाव पोलिसांनी प्रतिबंधात्मक कारवाई केली आहे. पोलीस अधीक्षक श्रीकांत धिवरे यांच्या आदेशानुसार महाराष्ट्र पोलीस अधिनियम, १९५१ मधील कलम ५५ अन्वये तीन आरोपींना तब्बल एक वर्षासाठी जळगाव जिल्ह्यातून हद्दपार करण्यात आले आहे. हद्दपार करण्यात आलेल्यांमध्ये एरंडोल येथील टोळीप्रमुख शुभम कैलास महाजन (वय २८), टोळी सदस्य पवन प्रकाश मराठे (वय २८) आणि शुभम ऊर्फ जिगऱ्या दत्तात्रय पाटील (वय २५) यांचा समावेश आहे. या आरोपींविरोधात एरंडोल पोलीस ठाण्यात विविध गुन्हे दाखल असल्याचे पोलिसांनी नमूद केले आहे. गुन्हेगारी प्रवृत्तीला आळा घालण्यासाठी आणि नागरिकांमध्ये सुरक्षिततेची भावना निर्माण करण्याच्या…
चाळीसगाव प्रतिनिधी | यावर्षी निर्माण झालेल्या भीषण दुष्काळी परिस्थितीच्या पार्श्वभूमीवर चाळीसगाव विधानसभा मतदारसंघाचे आमदार मंगेश चव्हाण यांनी आज तालुक्यातील हिरापूर, हातगाव व शेवरी परिसरातील शेतकऱ्यांच्या बांधावर जाऊन पिकांची व नुकसानीची प्रत्यक्ष पाहणी केली. गेल्या २५ वर्षांत पडला नाही असा तब्बल ५० दिवसांचा पावसाचा खंड यावर्षी पडल्याने पिकांची अवस्था अत्यंत गंभीर झाली असून शेतकऱ्यांचा उत्पादन खर्चही निघणार नाही, अशी परिस्थिती निर्माण झाल्याचे त्यांनी यावेळी सांगितले. राज्याचे मुख्यमंत्री देवेंद्र फडणवीस यांनी दुष्काळी परिस्थितीचा आढावा घेण्यासाठी महसूल मंत्र्यांच्या अध्यक्षतेखाली मंत्रिमंडळ उपसमिती गठीत केली असून मंत्रिमंडळातील सदस्य तसेच आमदार-खासदारांनी प्रत्यक्ष शेतकऱ्यांच्या बांधावर जाऊन परिस्थितीची पाहणी करावी व शेतकऱ्यांना धीर द्यावा, असे निर्देश दिले आहेत.…
जळगाव प्रतिनिधी | गणेशोत्सवाच्या उत्साहपूर्ण वातावरणात सामाजिक एकोपा, बंधुभाव आणि भक्तीची परंपरा जपत वरद प्रतिष्ठान, प्रेमनगर, जळगाव यांच्या वतीने बुधवार 23 सप्टेंबर 2026 रोजी सकाळी 11 वाजल्यापासून भव्य महाप्रसाद (भंडारा) आयोजित करण्यात आला आहे. या धार्मिक व सामाजिक उपक्रमात प्रेमनगर तसेच परिसरातील नागरिकांनी मोठ्या संख्येने सहभागी होऊन महाप्रसादाचा लाभ घ्यावा, असे आवाहन वरद प्रतिष्ठान मित्र मंडळाचे संस्थापक अध्यक्ष सागर भाऊ पाटील यांनी केले आहे. गणेशोत्सव हा केवळ धार्मिक उत्सव न राहता समाजातील सर्व घटकांना एकत्र आणणारा आणि आपुलकीचे नाते अधिक दृढ करणारा उत्सव म्हणून साजरा केला जातो. याच सामाजिक भावनेतून वरद प्रतिष्ठानच्या माध्यमातून दरवर्षी विविध धार्मिक व सामाजिक उपक्रम राबविण्यात…
जळगाव प्रतिनिधी | जळगाव शहरातील गजबजलेल्या गोलाणी मार्केटमध्ये चोरट्यांनी मध्यरात्री धुमाकूळ घातल्याची घटना समोर आली आहे. चोरट्यांनी एक मोबाईल दुकान फोडून दुरुस्तीसाठी आलेले सुमारे ५० हजार रुपये किमतीचे चार मोबाईल चोरून नेले. तसेच अन्य दोन दुकानांचे लॉक तोडून चोरीचा प्रयत्न केला. या संपूर्ण प्रकारात चार संशयित सीसीटीव्ही कॅमेऱ्यात कैद झाल्याची माहिती आहे. गोलाणी मार्केटच्या तळमजल्यावरील दुकान क्रमांक ८ मधील सनशाईन मोबाईल या दुकानाला चोरट्यांनी प्रथम लक्ष्य केले. दुकानमालक सौरभ खियलदास केसवानी यांनी रात्री साडेनऊच्या सुमारास दुकान बंद केले होते. दुसऱ्या दिवशी सकाळी दुकान उघडण्यासाठी आल्यानंतर बाजूचे लॉक आणि कडी तोडल्याचे त्यांच्या निदर्शनास आले. मात्र, दुकानाला असलेल्या सेंट्रल लॉकमुळे चोरट्यांना आत…
जळगाव प्रतिनिधी | जळगाव शहरातील जुने जळगाव परिसरात राहणाऱ्या एका परप्रांतीय नवविवाहितेने राहत्या घरात गळफास घेऊन आत्महत्या केल्याची धक्कादायक घटना रविवारी घडली. या घटनेमुळे परिसरात हळहळ व्यक्त होत आहे. मयत विवाहितेचे नाव झीलीक तपन मंडल, रा. पश्चिम बंगाल, असे आहे. झीलीक हिचा विवाह सनाजीत नारायणचंद्र संत्रा यांच्यासोबत अवघ्या पाच महिन्यांपूर्वी झाला होता. लग्नानंतर महिनाभरापूर्वीच हे नवदांपत्य रोजगाराच्या निमित्ताने जळगाव शहरात राहण्यासाठी आले होते. पती सनाजीत संत्रा हे शहरातील एका ठिकाणी सोने कारागीर म्हणून काम करत होते. सनाजीत हे सोन्याचे दागिने बनविण्याचे काम करीत असून, त्यावरच त्यांच्या कुटुंबाचा उदरनिर्वाह सुरू होता. नव्या संसाराला सुरुवात होऊन अवघा काही काळ लोटला असतानाच ही…
भडगाव प्रतिनिधी | जळगाव जिल्ह्यातील भडगाव परिसरात अवघ्या ८०० रुपयांच्या वादातून आत्याच्या मुलाने मामे भावाचा खून केल्याची धक्कादायक घटना समोर आली आहे. धर्मा जुगा पवार असे मृताचे नाव असून, जुगा कांतिलाल पवार याला पोलिसांनी अटक केली आहे. या घटनेत आरोपीने मृताच्या तोंडातील दात दगडाने तोडून ते बॅगेत ठेवल्याची माहिती समोर आल्याने परिसरात खळबळ उडाली आहे. मिळालेल्या माहितीनुसार, धर्मा पवार आणि जुगा पवार हे दोघेही गावोगावी फिरून बनावट रुद्राक्ष विकण्याचे काम करत होते. घटनेच्या दिवशी धर्मा पवार याने रुद्राक्ष विकून सुमारे ८०० रुपये मिळवले होते. त्यानंतर दोघेही सायंकाळच्या सुमारास स्टेशनजवळ दारू पिण्यासाठी बसले. याचवेळी पैशांच्या व्यवहारावरून दोघांमध्ये वाद सुरू झाला. वादाचे…
फैजपूर प्रतिनिधी | माशांचे जेवण वडिलांना न दिल्याच्या किरकोळ कारणावरून झालेल्या वादातून दोन मित्रांनी एका मजुराची दगडाने मारहाण करून हत्या केल्याची धक्कादायक घटना फैजपूर पोलीस ठाण्याच्या हद्दीतील बालोद गावात घडली. या प्रकरणी फैजपूर पोलिसांनी तत्पर कारवाई करत दोन्ही संशयित आरोपींना अटक केली आहे. मृताचे नाव रमेश ईश्वरसिंग भावर (वय ३५, रा. खंडवा, मध्य प्रदेश) असे आहे. तर अटक करण्यात आलेल्या आरोपींची नावे सूरज कोळी आणि सूरज ऊर्फ गोलू नेमाडे अशी आहेत. मिळालेल्या माहितीनुसार, रमेश भावर आणि दोन्ही आरोपी मजुरीचे काम करीत होते. तिघांची मैत्री असून ते एकत्र दारू पिण्यासाठी बसत असल्याची माहिती समोर आली आहे. घटनेच्या दिवशी रात्री सुमारे ८…
