जळगाव प्रतिनिधी : स्नेहल प्रतिष्ठान या नोंदणीकृत बहुउद्देशीय संस्थेच्या वतीने गेल्या २५ वर्षांपासून पारंपरिक, सर्वसमावेशक आणि लोकाभिमुख पद्धतीने गणेशोत्सव साजरा करण्यात येत आहे. यंदा प्रतिष्ठानच्या गणेशोत्सवाचे हे रौप्य महोत्सवी वर्ष असून, ‘॥ पिंप्राळ्याचा राजा ॥’ म्हणून जळगाव शहरात या मंडळाची ओळख आहे. जळगाव शहरातील गणेशोत्सवाच्या सांस्कृतिक परंपरेला पिंप्राळा उपनगराशी जोडणारे महत्त्वाचे माध्यम म्हणून स्नेहल प्रतिष्ठानकडे पाहिले जाते. अजिंक्य कमलाकर देसाई स्थापनेपासून या मंडळाचे नेतृत्व करीत आहेत. केळीच्या खोडापासून पर्यावरणपूरक गणेशमूर्ती समाजप्रबोधनासोबतच पर्यावरणपूरक गणेशोत्सवाचे भान जपत मंडळाने सलग दुसऱ्या वर्षी जळगाव जिल्ह्याचे वैशिष्ट्य असलेल्या केळीच्या खोडापासून ‘पिंप्राळ्याचा राजा’ची मूर्ती साकारली आहे. ठाकूर ब्रदर्स यांच्या हस्ते ही मूर्ती तयार करण्यात आली आहे.…
Author: Editorial Desk
रावेर (प्रतिनिधी) : रावेर शहरात घरगुती गणपती विसर्जनासाठी जात असताना रस्ता अडवून झालेल्या वादानंतर दगडफेक झाल्याच्या प्रकरणाने राजकीय आणि सामाजिक पातळीवरही चर्चा सुरू झाली आहे. या पार्श्वभूमीवर आमदार नंदकिशोर महाजन यांनी रावेर पोलीस ठाण्यात भेट देत वरिष्ठ पोलीस अधिकाऱ्यांशी चर्चा केली. आमदार महाजन यांनी उपविभागीय पोलीस अधिकारी अनिल बडगुजर आणि पोलीस निरीक्षक संदीप पाटील यांची भेट घेऊन गणपती विसर्जनासाठी जात असलेल्या नागरिकांना अडविणे तसेच दगडफेक करणाऱ्यांवर कायद्यानुसार कठोर कारवाई करण्याची मागणी केली. तसेच संबंधित आरोपींना लवकरात लवकर अटक करण्याची मागणी त्यांनी पोलिसांकडे केल्याचे सांगण्यात आले. पोलिसांनी या घटनेप्रकरणी १४ जणांसह काही अनोळखी व्यक्तींविरुद्ध विविध कलमांनुसार गुन्हा दाखल केला असल्याची माहिती…
जामनेर प्रतिनिधी | शहरातील इंदिरा आवास परिसरात राहणाऱ्या ३० वर्षीय तरुणाचा संशयास्पद मृत्यू झाल्याने खळबळ उडाली आहे. बबलू देविदास वाणी असे मयत तरुणाचे नाव आहे. रविवारी दुपारी सुमारे तीन वाजेच्या सुमारास काही अज्ञात व्यक्तींनी बबलू यांना जखमी अवस्थेत ऑटो रिक्षातून जामनेर येथील उपजिल्हा रुग्णालयात आणून दाखल केले. त्यानंतर संबंधित व्यक्ती तेथून निघून गेल्याची माहिती आहे. बबलू यांची प्रकृती गंभीर असल्याने प्राथमिक उपचारानंतर त्यांना पुढील उपचारासाठी जळगाव येथे हलविण्यात आले. मात्र उपचार सुरू असतानाच त्यांचा मृत्यू झाला. मृतदेह उत्तरीय तपासणीसाठी जामनेर उपजिल्हा रुग्णालयात ठेवण्यात आला आहे. दरम्यान, बबलू यांच्या पायावर तसेच शरीराच्या उजव्या बाजूच्या पृष्ठभागावर गंभीर जखमा आढळून आल्याचे नातेवाईकांचे म्हणणे…
जळगाव प्रतिनिधी | चालक दिनानिमित्त वाहतूक संघटना संयुक्त महासंघ, महाराष्ट्र राज्य यांच्या वतीने १७ सप्टेंबर रोजी सोलापूर येथे भव्य ‘चालकरत्न पुरस्कार सोहळा’ उत्साहात पार पडला. राज्यातील २७ जिल्ह्यांमधील १२७ ऑटो रिक्षाचालकांना त्यांच्या उल्लेखनीय कार्याबद्दल ‘चालकरत्न’ पुरस्काराने सन्मानित करण्यात आले. जळगाव जिल्ह्यातील प्रल्हाद सोनवणे यांना त्यांच्या दीर्घकाळातील प्रामाणिक आणि कर्तव्यदक्ष सेवेसाठी राज्यस्तरीय ‘चालकरत्न’ पुरस्कार प्रदान करण्यात आला. सोनवणे हे गेल्या ३० वर्षांपासून ऑटो रिक्षाचालक म्हणून प्रवाशांना सेवा देत आहेत. तसेच ऑटो रिक्षाचालक-मालकांच्या समस्या आणि त्यांच्या कुटुंबांच्या विकासासाठी त्यांनी ‘नेताजी सुभाषचंद्र बोस रिक्षा युनियन, जळगाव जिल्हा’ची स्थापना केली आहे. या माध्यमातून जळगाव जिल्ह्यासह उत्तर महाराष्ट्रातील रिक्षाचालकांच्या जीवनमानासाठी ते कार्यरत आहेत. महासंघाचे प्रदेशाध्यक्ष…
जामनेर प्रतिनिधी | जामनेर तालुक्यातील माळपिंप्री गावात मूलभूत सुविधांचा प्रश्न गंभीर बनला असून, विविध भागात अस्वच्छता आणि गैरसोयींचे चित्र दिसून येत आहे. मराठी शाळेसमोरील परिसर, पाझर तलाव, मुख्य रस्ते तसेच सार्वजनिक ठिकाणी मोठ्या प्रमाणात कचरा साचल्याने नागरिकांना त्रास सहन करावा लागत आहे. सांडपाण्याचा निचरा व्यवस्थित होत नसल्याने अनेक ठिकाणी दुर्गंधीचे वातावरण निर्माण झाले आहे. गावातील विठ्ठल मंदिर, हनुमान मंदिर तसेच छत्रपती शिवाजी महाराज स्मारक परिसरातही गटारी तुंबलेल्या असून, नियमित साफसफाईचा अभाव असल्याची नागरिकांची तक्रार आहे. सार्वजनिक शौचालयांची अवस्थाही बिकट असून, पाण्याअभावी आणि देखभालीअभावी ती वापराविना पडून असल्याचे सांगण्यात येत आहे. दरम्यान, गावातील सन १९२५ मधील जिल्हा परिषद शाळेचा प्रश्न अधिक…
यावल प्रतिनिधी | जळगाव जिल्ह्यातील जागृत देवस्थान म्हणून ओळख असलेल्या अट्रावल येथील मुंजोबा मंदिराच्या विविध विकासकामांना आता मोठी चालना मिळणार आहे. मंदिर परिसराच्या विकासासाठी तब्बल २ कोटी ३१ लाख ८९ हजार रुपयांचा निधी मंजूर करण्यात आला आहे. आमदार अमोल हरिभाऊ जावळे यांच्या प्रयत्नातून या निधीला प्रशासकीय मान्यता मिळाली आहे. अट्रावल येथे यात्रोत्सवाच्या काळात मोठ्या संख्येने भाविक दाखल होत असतात. त्यामुळे मंदिर परिसरात प्रचंड गर्दी होते आणि भाविकांना अनेक अडचणींचा सामना करावा लागतो. हीच बाब लक्षात घेऊन मंदिर आणि तीर्थक्षेत्राच्या विकासासाठी निधी उपलब्ध करून देण्यात आला आहे. या निधीतून होणाऱ्या विविध विकासकामांमुळे भाविकांसाठी आवश्यक सुविधा अधिक सक्षम होण्याची अपेक्षा आहे. प्रशासकीय…
जळगाव प्रतिनिधी | जुन्या वादाच्या कारणावरून कुंसुंबा येथे एका व्यक्तीवर जीवघेणा हल्ला झाल्याची घटना घडली. याप्रकरणी एमआयडीसी पोलिस ठाण्यात दोन जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, कांचन भूषण पाटील (वय २६, व्यवसाय गृहिणी, रा. समर्थ शाळेजवळ, कुंसुंबा) यांनी याबाबत तक्रार दिली आहे. १९ सप्टेंबर रोजी दुपारी साडेतीन वाजेच्या सुमारास कांचन व त्यांचे पती घरी असताना संशयित स्वप्नील राजेंद्र पाटील (वय २३) व धिरज संतोष खंडाळकर (वय २३), दोघेही रा. कुंसुंबा, हे त्यांच्या घरी आले. जुन्या वादाच्या कारणावरून संशयित स्वप्नील याचा कांचन यांच्या पतीसोबत वाद झाला. त्यानंतर स्वप्नीलने शिवीगाळ करत कटर व काठीने मानेवर, नाकावर आणि कपाळावर वार…
जळगाव प्रतिनिधी | सामाजिक बांधिलकी जपत पिंप्राळा एवं परिसर माहेश्वरी सभा तसेच पिंप्राळा माहेश्वरी महिला मंडळाच्या वतीने रविवार, २० सप्टेंबर रोजी रक्तदान शिबिराचे आयोजन करण्यात आले आहे. पिंप्राळा येथील भगिरथ सोमाणी विद्यालयात सकाळी ९ ते दुपारी १ वाजेपर्यंत हे शिबिर होणार आहे. गरजू रुग्णांना वेळेवर रक्त उपलब्ध व्हावे तसेच नागरिकांमध्ये रक्तदानाबाबत जनजागृती निर्माण व्हावी, या सामाजिक उद्देशाने या उपक्रमाचे आयोजन करण्यात आले आहे. ‘रक्तदान करा, जीवन वाचवा’ या संदेशातून आयोजित करण्यात आलेल्या या शिबिरात पिंप्राळा व परिसरातील नागरिकांनी मोठ्या संख्येने सहभागी होऊन रक्तदान करावे, असे आवाहन आयोजकांनी केले आहे. या शिबिराच्या आयोजनासाठी डॉ. व्ही. के. सोमाणी, गोविंद सोमाणी, वितेश भदादा,…
चाळीसगाव प्रतिनिधी | मेहुणबारे पोलिसांनी महिलांच्या गळ्यातील सोन्याचे मंगळसूत्र चोरणाऱ्या टोळीचा पर्दाफाश केला आहे. या कारवाईत तीन पुरुष आणि दोन महिला आरोपींना अटक, तर एका विधिसंघर्षग्रस्त बालकाला ताब्यात घेण्यात आले आहे. आरोपींकडून तब्बल ८ लाख १६ हजार ८८२ रुपये किमतीचा मुद्देमाल हस्तगत करण्यात आला आहे. मेहुणबारे पोलिस ठाण्यात दाखल झालेल्या चोरीच्या गुन्ह्याचा तपास सुरू असताना पोलिसांना संशयितांबाबत गोपनीय माहिती मिळाली. संशयित जामधा फाटा परिसरात येणार असल्याची माहिती मिळाल्यानंतर पोलिसांनी सापळा रचला. यावेळी संशयित वाहन अडवून त्यामधील व्यक्तींना ताब्यात घेण्यात आले. तपासादरम्यान आरोपींकडून सोन्याचे मंगळसूत्र, तीन मोबाईल फोन तसेच चोरीच्या गुन्ह्यात वापरण्यात आलेले वाहन जप्त करण्यात आले. जप्त केलेल्या मुद्देमालामध्ये २४.२६…
जामनेर प्रतिनिधी :- तहसील कार्यालयात प्रलंबित असलेल्या विविध वादग्रस्त महसुली प्रकरणांचा जलद गतीने निपटारा व्हावा, यासाठी गुरुवारी जामनेर तहसील कार्यालयात प्रथमच ‘महात्मा ज्योतिराव फुले लोकअदालत’ उत्साहात पार पडली. तहसीलदार नानासाहेब आगळे यांच्या अध्यक्षतेखाली झालेल्या या लोकअदालतीत वकील व पक्षकारांनी उत्स्फूर्त सहभाग नोंदवून आपसातील सामंजस्याने अनेक प्रकरणांवर तोडगा काढला. महाराष्ट्र शासनाच्या महसूल विभागाच्या निर्देशानुसार, न्यायप्रविष्ट प्रकरणांमधील पक्षकारांना तत्काळ न्याय मिळण्यासाठी दिवाणी व फौजदारी न्यायालयांप्रमाणेच कार्यकारी दंडाधिकारी न्यायालय असलेल्या तहसील कार्यालयांमध्येही लोकअदालत घेण्याचे आदेश देण्यात आले होते. त्यानुसार तहसील कार्यालयाच्या सभागृहात या विशेष लोकअदालतीचे आयोजन करण्यात आले होते. या वेळी निवासी नायब तहसीलदार सतीश इंगळे, नायब तहसीलदार प्रसंजीत गांगुर्डे, जामनेर वकील संघाचे…
