रावेर प्रतिनिधी | रावेर व यावल तालुक्यात सोमवारी सायंकाळी आलेल्या जोरदार वादळ व वादळी वाऱ्यांमुळे शेतीपिकांसह घरांचे मोठ्या प्रमाणावर नुकसान झाल्याची प्राथमिक माहिती समोर येत आहे. या नैसर्गिक आपत्तीमुळे अनेक गावांतील जनजीवन विस्कळीत झाले असून शेतकरी वर्गासमोर मोठे संकट उभे ठाकले आहे. विशेषतः केळी पिकांचे मोठ्या प्रमाणावर नुकसान झाल्याचे वृत्त असून काढणीच्या टप्प्यावर आलेली पिके वादळाच्या तडाख्यात सापडल्याने शेतकऱ्यांचे मोठे आर्थिक नुकसान झाले आहे. तसेच अनेक ठिकाणी वादळी वाऱ्यामुळे घरांवरील पत्रे उडून गेल्याने मालमत्तेचेही नुकसान झाले आहे. या गंभीर परिस्थितीची तात्काळ दखल घेत रावेर-यावल मतदारसंघाचे आमदार अमोल जावळे यांनी महसूल, कृषी व संबंधित विभागाच्या अधिकाऱ्यांशी संपर्क साधून नुकसानग्रस्त भागांची त्वरित…
Author: Editorial Desk
जळगाव प्रतिनिधी | केंद्र सरकारने कापसावरील आयात शुल्क (इम्पोर्ट ड्युटी) रद्द केल्याच्या निर्णयावरून राष्ट्रवादी काँग्रेस (शरदचंद्र पवार) पक्षाच्या नेत्या रोहिणी खडसे यांनी केंद्र सरकारवर जोरदार निशाणा साधला आहे. “केंद्र सरकार झोपेत निर्णय घेत आहे का?” असा संतप्त सवाल करत, सरकारच्या या धोरणामुळे देशातील कापूस उत्पादक शेतकरी उद्ध्वस्त होण्याच्या मार्गावर असल्याचा आरोप त्यांनी केला आहे. या संदर्भात त्यांनी एक ‘एक्स’ (ट्विटर) पोस्ट शेअर करत सरकारला धारेवर धरले. रोहिणी खडसे म्हणाल्या की, केंद्र सरकारने अचानक कापसावरील आयात शुल्क रद्द केल्यामुळे खुल्या बाजारात कापसाच्या दरात प्रति क्विंटल तब्बल १००० ते १५०० रुपयांची मोठी घसरण झाली आहे. यामुळे स्थानिक शेतकऱ्यांचे प्रचंड आर्थिक नुकसान होत…
जळगाव प्रतिनिधी | जळगाव स्थानिक स्वराज्य संस्था विधान परिषद निवडणुकीची रणधुमाळी आता खऱ्या अर्थाने सुरू झाली आहे. या निवडणुकीसाठी दाखल झालेल्या सर्व १६ उमेदवारांचे अर्ज छाननीअंती वैध ठरले आहेत, अशी अधिकृत माहिती जळगावचे जिल्हाधिकारी रोहन घुगे यांनी दिली आहे. त्यामुळे आता जळगावच्या राजकीय रिंगणात चुरस कमालीची वाढणार असल्याचे स्पष्ट झाले आहे. निवडणूक निर्णय प्रक्रिया अंतर्गत आज उमेदवारांच्या अर्जांची छाननी प्रक्रिया पार पडली. या छाननीदरम्यान काही उमेदवारांच्या अर्जांमध्ये किरकोळ त्रुटी आढळून आल्या होत्या. प्रशासनाच्या वतीने संबंधित उमेदवारांना या त्रुटींबाबत तातडीने लेखी सूचना देण्यात आल्या होत्या. उमेदवारांनी या त्रुटींची पूर्तता केल्याने अखेर छाननी अंती सर्वच्या सर्व १६ उमेदवारांचे अर्ज वैध घोषित करण्यात…
जळगाव प्रतिनिधी | जळगाव शहरात कायदा व सुव्यवस्था अबाधित राखण्यासाठी आणि गुन्हेगारी प्रवृत्तींना आळा घालण्यासाठी पोलीस प्रशासनाने कंबर कसली आहे. पोलीस अधीक्षक श्रीकांत ढिवरे यांच्या मार्गदर्शनाखाली सोमवार, १ जून रोजी रात्री जळगाव शहरात एक विशेष मोहीम राबविण्यात आली. या धडक मोहिमेदरम्यान अवैध दारू विक्रेते, जुगार अड्डे, सार्वजनिक ठिकाणी दारू पिणारे आणि टवाळखोरी करणाऱ्यांवर कडक कारवाई करत गुन्हे दाखल करण्यात आले आहेत. या रात्रीच्या मोहिमेत पोलिसांनी विविध ठिकाणी छापे टाकून मोठी कारवाई केली. यामध्ये मुंबई प्रोहिबिशन ॲक्ट (दारू बंदी कायदा) अंतर्गत एकूण १२ केसेस दाखल करण्यात आल्या आहेत. या कारवाईत पोलिसांनी एकूण ६ लाख ५२ हजार ८७८ रुपये किमतीचा मुद्देमाल जप्त…
जळगाव प्रतिनिधी | जळगाव स्थानिक स्वराज्य संस्था विधान परिषद निवडणुकीसाठी उमेदवारी अर्ज दाखल करण्याच्या प्रक्रियेत आज मोठी घडामोड पाहायला मिळाली. जिल्हाधिकारी कार्यालयात आज एकूण १६ उमेदवारांनी आपले नामनिर्देशन पत्र निवडणूक निर्णय अधिकाऱ्यांकडे सादर केले आहे. उमेदवारी अर्ज दाखल करण्याच्या अंतिम टप्प्यात राजकीय पक्षांचे अधिकृत उमेदवार आणि अपक्षांनी जिल्हाधिकारी कार्यालयात गर्दी केली होती. या प्राप्त झालेल्या अधिकृत यादीनुसार, अर्ज दाखल करणाऱ्या उमेदवारांमध्ये खालील नावांचा समावेश आहे: १. प्रविण गंगाराम पाटील२. चौधरी निलेश सुरेश३. आसिफ मोहम्मद दारा मोहम्मद४. जंगले सुनिल नेमिदास५. शेख दानिश शेख निसार६. जावेद इकबाल अब्दुल रशीद७. नंदकिशोर भागवत महाजन८. तायडे शरद शामराव९. चौधरी सचिन संतोषराव१०. चौधरी अनिल छबिलदास११. रेश्मा…
जळगाव प्रतिनिधी | जळगाव विधान परिषद निवडणुकीच्या उमेदवारी अर्ज दाखल करण्याच्या शेवटच्या दिवशी जिल्हाधिकारी कार्यालयात राजकीय घडामोडींना प्रचंड वेग आला. अर्ज भरण्याच्या अंतिम दिवशी उमेदवारांची मोठी गर्दी पाहायला मिळाली. मात्र, याच वेळी महायुतीला मोठा धक्का बसला असून, शिवसेना (शिंदे गट) आणि त्यांच्या मित्रपक्षातील दोन प्रमुख पदाधिकाऱ्यांनी थेट बंडखोरी करत अपक्ष उमेदवारी अर्ज दाखल केले आहेत. या नाट्यमय घडामोडींमुळे जळगावच्या राजकीय क्षेत्रात एकच खळबळ उडाली आहे. निवडणुकीच्या अधिकृत उमेदवारांबद्दल बोलायचे झाले तर, महायुतीच्या वतीने भाजपचे अधिकृत उमेदवार नंदकिशोर महाजन यांनी आज आपला उमेदवारी अर्ज अत्यंत उत्साहात दाखल केला. तर दुसरीकडे, महाविकास आघाडीच्या वतीने शिवसेना (ठाकरे गट) पक्षाचे शरद तायडे यांनीही जोरदार…
जळगाव प्रतिनिधी | खाजगी सावकाराचा मानसिक त्रास आणि जीवे मारण्याच्या धमक्यांना कंटाळून एका २५ वर्षीय तरुणाने आपल्या राहत्या घरात गळफास घेऊन आत्महत्या केल्याची धक्कादायक घटना रविवारी, ३१ मे रोजी दुपारी दोन वाजेच्या सुमारास जळगाव जवळील खेडी शिवारात समोर आली आहे. या घटनेमुळे परिसरात तीव्र खळबळ उडाली असून सावकारी पाशाचा आणखी एक बळी गेल्याने संताप व्यक्त होत आहे. अक्षय रवींद्र पाटील (वय २५, रा. खेडी शिवार, जळगाव) असे मयत तरुणाचे नाव आहे. अक्षय एका बँकेत फायनान्स विभागात कार्यरत होता. त्याने काही व्यक्तींकडून खाजगी कर्ज घेतले होते. मात्र, हे कर्ज फेडण्यासाठी संबंधित सावकाराने त्याच्याकडे पैशांचा प्रचंड तगादा लावला होता. “पैसे दिले नाही…
जळगाव प्रतिनिधी | शिरसोली परिसरातील शशी वाणी यांच्या गोदामासमोरील सार्वजनिक जागेत जुन्या भांडणाच्या कारणावरून एका २५ वर्षीय तरुणावर कुऱ्हाड आणि चाकूने प्राणघातक हल्ला केल्याची धक्कादायक घटना समोर आली आहे. या हल्ल्यात वसीम फारुख खाटीक हा तरुण गंभीर जखमी झाला. याबाबत एमआयडीसी पोलीस ठाण्यात दोन जणांविरुद्ध खुनाच्या प्रयत्नाचानगुन्हा दाखल करण्यात आला आहे. मिळालेल्या माहितीनुसार, ३० मे रोजी रात्री साडे नऊ वाजेच्या सुमारास शिरसोली येथील रहिवासी फारुख हुसेन खाटीक (वय ५०) यांचा मुलगा वसीम हा गोदामाजवळ असताना हा प्रकार घडला. पूर्ववैमनस्याचा राग मनात धरून आरोपी फैजल रज्जाक शेख (रा. शिरसोली) आणि त्याच्यासोबत असलेल्या एका अज्ञात इसमाने वसीमला गाठले. यावेळी दोघांमध्ये वाद झाला…
जळगाव प्रतिनिधी | विधानपरिषद निवडणुकीच्या पार्श्वभूमीवर जळगाव जिल्ह्यातील राजकीय वातावरण कमालीचे तापले असून, अखेर भारतीय जनता पार्टीच्या गोटातून अत्यंत महत्त्वाची बातमी समोर येत आहे. गेल्या अनेक दिवसांपासून भाजपच्या वतीने अधिकृत उमेदवाराची घोषणा कधी होणार, याकडे संपूर्ण जिल्ह्याचे लक्ष लागून राहिले होते. अनेक नावांची चर्चा सुरू असतानाही पक्षाकडून कोणताही अंतिम निर्णय जाहीर न झाल्यामुळे कार्यकर्त्यांमध्ये कमालीची उत्सुकता आणि धाकधूक वाढली होती. जळगाव स्थानिक स्वराज्य संस्था मतदारसंघ किंवा पक्षीय कोट्यातून भाजप कोणाला संधी देणार, याबाबत अनेक तर्कवितर्क लढवले जात होते. या उमेदवारीच्या शर्यतीत प्रामुख्याने नंदू महाजन, डॉ. केतकीताई पाटील आणि नंदू आडवाणी यांच्या नावांची जोरदार चर्चा सुरू होती. हे तिन्ही उमेदवार आपापल्या…
जळगाव प्रतिनिधी | देशात आणि राज्यात सातत्याने वाढणारी पेट्रोल, डिझेल आणि एलपीजी गॅसची दरवाढ, तसेच ‘स्मार्ट मीटर’च्या नावाखाली सर्वसामान्य जनतेची होणारी कथित लूट याविरोधात बहुजन मुक्ती पार्टीच्या वतीने जळगावात तीव्र आंदोलन करण्यात आले. पक्षाच्या कार्यकर्त्यांनी आज जिल्हाधिकारी कार्यालयावर धडक देत अनोखे ‘धक्का मारो’ आंदोलन केले आणि सरकारच्या जनविरोधी धोरणांचा तीव्र निषेध नोंदवला. हे आंदोलन बहुजन मुक्ती पार्टीच्या देशव्यापी आंदोलनाचा एक भाग म्हणून आयोजित करण्यात आले होते. आंदोलकांनी केंद्र आणि राज्य सरकारच्या धोरणांविरोधात जोरदार घोषणाबाजी करत जिल्हाधिकारी कार्यालय परिसर दणाणून सोडला. वाढत्या महागाईमुळे सर्वसामान्य नागरिकांचे कंबरडे मोडले असून, त्यातच आता स्मार्ट मीटर सक्तीच्या नावाखाली वीज ग्राहकांची आर्थिक लूट केली जात असल्याचा…
