जळगाव प्रतिनिधी | जिल्हा पोलीस दलासाठी अभिमानाची आणि गौरवाची बाब समोर आली आहे. महाराष्ट्र शासनाकडून जळगावचे पोलीस अधीक्षक श्रीकांत धिवरे यांना उत्कृष्ट सेवा पदक जाहीर करण्यात आले आहे. त्याचबरोबर जळगाव पोलीस दलातील पोलीस उपनिरीक्षक दिनेश बडगुजर आणि सहाय्यक पोलीस उपनिरीक्षक मुजफ्फरअली जफरअली सैय्यद यांना गुणवत्तापूर्ण सेवेसाठी राष्ट्रपती पदक जाहीर झाले आहे. पोलीस अधीक्षक श्रीकांत धिवरे यांनी जिल्ह्यात कायदा व सुव्यवस्था राखण्यासोबतच गुन्हेगारीवर नियंत्रण ठेवण्यासाठी तसेच पोलीस दलाची कार्यक्षमता वाढविण्यासाठी केलेल्या उल्लेखनीय कामाची दखल घेत त्यांना उत्कृष्ट सेवा पदक जाहीर करण्यात आले आहे. त्यांच्या नेतृत्वाखाली जिल्ह्यात विविध गुन्हेगारीविरोधी कारवायांना गती मिळाली असून, पोलीस यंत्रणेच्या कामकाजातही प्रभावीपणा आणण्यावर भर देण्यात आला. पोलीस…
Author: Editorial Desk
चाळीसगाव प्रतिनिधी | शहरात गुन्हेगारीविरोधात पोलिसांनी पुन्हा एकदा धडक मोहीम राबवत रेकॉर्डवरील आरोपींवर थेट कारवाई केली आहे. पोलीस अधीक्षक श्रीकांत धिवरे यांच्या मार्गदर्शनाखाली आणि वरिष्ठ अधिकाऱ्यांच्या नेतृत्वाखाली पोलिसांच्या पथकांनी शहरातील विविध ठिकाणी पहाटेच्या सुमारास अचानक छापे टाकले. या विशेष मोहिमेत रेकॉर्डवरील तब्बल २५ आरोपींची तपासणी करण्यात आली. या कारवाईदरम्यान तीन वेगवेगळ्या ठिकाणी गुन्हे उघडकीस आले. पहिल्या कारवाईत घरझडतीदरम्यान गावठी कट्टा, सहा जिवंत काडतुसे आणि धारदार चाकू असा सुमारे ७३ हजार ३०० रुपयांचा मुद्देमाल जप्त करण्यात आला. संबंधित आरोपीविरुद्ध शस्त्र कायद्यान्वये गुन्हा दाखल करण्यात आला. दुसऱ्या कारवाईत घरासमोरून तीन मोबाईल फोनसह सुमारे ४ लाख ६६ हजार रुपयांचा मुद्देमाल जप्त करण्यात आला.…
रावेर प्रतिनिधी | रावेर शहर व परिसरात अवैध गौण खनिज वाहतुकीला मोठ्या प्रमाणात ऊत आल्याचा आरोप होत असून, महसूल विभागाच्या कारवाईवर प्रश्नचिन्ह उपस्थित केले जात आहे. शहरातील स्टेशन रोडसह विविध भागांत विना परवाना मुरूमची वाहतूक सुरू असल्याची चर्चा असून, वाळूचीही अवैध वाहतूक होत असल्याचे नागरिकांकडून सांगितले जात आहे. मुरूम आणि वाळूची वाहतूक करताना आवश्यक परवाने तसेच रॉयल्टीची पूर्तता केली जात आहे की नाही, याची प्रभावी तपासणी होत नसल्याचा आरोप नागरिकांनी केला आहे. त्यामुळे शासनाच्या महसुलाचे नुकसान होत असल्याचेही बोलले जात आहे. महसूल विभागाच्या संबंधित क्षेत्रात गौण खनिजाची वाहतूक सुरू असताना वाहनांची तपासणी आणि नियमभंग करणाऱ्यांवर कारवाई का होत नाही, असा…
रावेर प्रतिनिधी | जून महिन्यात १, ४ आणि ६ जून रोजी झालेल्या जोरदार वादळामुळे रावेर तालुक्यातील केळी उत्पादक शेतकऱ्यांचे मोठ्या प्रमाणात नुकसान झाले होते. शासनाच्या आदेशानुसार नुकसानीचे पंचनामे करण्यात आले; मात्र दोन महिने उलटूनही नुकसान भरपाईबाबत कोणताही ठोस निर्णय झालेला नसल्याने शेतकऱ्यांमध्ये तीव्र नाराजी आहे. या पार्श्वभूमीवर तालुक्यातील केळी उत्पादक शेतकऱ्यांनी रावेर तहसील कार्यालयात निवेदन देत तातडीने नुकसान भरपाई मंजूर करण्याची मागणी केली. तसेच पीक विम्याची मुदत संपूनही संबंधित महसूल मंडळे जाहीर करण्यात न आल्याचा आरोप शेतकऱ्यांनी केला. पीक विमा कंपनीकडून ‘ओव्हर इन्शुरन्स’च्या नावाखाली अनेक शेतकऱ्यांचे विमा क्षेत्र कमी दाखवण्यात आल्याचा मुद्दाही यावेळी उपस्थित करण्यात आला. दोन महिन्यांपासून शासनाकडून मदतीची…
जळगाव प्रतिनिधी | जळगाव शहरातील बिबा नगर परिसरात अवैधरित्या वेश्याव्यवसाय करणाऱ्यांवर जळगाव तालुका पोलिसांनी कारवाई करत दोन महिला व एका पुरुषाला ताब्यात घेतल्या असून या संदर्भात जळगाव तालुका पोलीस ठाण्यात गुन्हा दाखल करण्याचे काम सुरू आहे. पोलीस अधीक्षक श्रीकांत ढिवरे यांच्या मार्गदर्शनाखाली परिविक्षाधीन विभागीय पोलीस अधिकारी सह्याद्री बिरले यांनी त्यांच्या पथकासह जळगाव शहरात सुरू असलेल्या बिबा नगर येथे सुरू असलेल्या अवैध वेश्याव्यवसाय करणाऱ्यांवर छापा टाकला. ही कारवाई पोलिसांनी गुरुवारी 13 ऑगस्ट रोजी सायंकाळी पाच वाजता केली. दरम्यान या कारवाईमध्ये पोलिसांनी काही संशयास्पद वस्तू जप्त केल्या असून दोन महिला व एका पुरुषाला ताब्यात घेतले आहे. दरम्यान या संदर्भात जळगाव तालुका पोलीस…
वरणगाव प्रतिनिधी | वरणगाव पोलीस ठाण्याच्या हद्दीत १३ वर्षीय अल्पवयीन मुलीवर गेल्या वर्षभरापासून वेगवेगळ्या वेळी लैंगिक अत्याचार केल्याचा धक्कादायक प्रकार समोर आला आहे. या प्रकरणी वरणगाव पोलीस ठाण्यात गुन्हा दाखल करण्यात आला असून चार प्रौढ आरोपींना पोलिसांनी अटक केली आहे. या प्रकरणात एका विधी संघर्षित बालकाचाही समावेश असल्याची माहिती आहे. मिळालेल्या माहितीनुसार, पीडित मुलीच्या अज्ञानाचा आणि परिस्थितीचा फायदा घेत तिला खाऊसाठी पैसे देण्याचे आमिष दाखवण्यात आले. त्यानंतर तिला वेगवेगळ्या ठिकाणी नेऊन स्वतंत्रपणे वेगवेगळ्या वेळी लैंगिक अत्याचार केल्याचा आरोप फिर्यादीत करण्यात आला आहे. या प्रकरणी मनोहर रामा पाटील (वय ६५), मधुकर विश्वनाथ भारंबे (वय ६४), नारायण सोमा चौधरी (वय ५०) आणि…
एरंडोल प्रतिनिधी | डिजिटल माध्यमांचा वाढता वापर आणि त्यातून होणाऱ्या सायबर गुन्ह्यांच्या पार्श्वभूमीवर डी. डी. एस. पी. ज्युनिअर कॉलेज, एरंडोल येथे विद्यार्थ्यांसाठी सायबर क्राईम व सायबर सुरक्षेविषयी जनजागृतीपर मार्गदर्शन कार्यक्रम घेण्यात आला. ऑनलाइन व्यवहार करताना कोणती काळजी घ्यावी, याबाबत विद्यार्थ्यांना सविस्तर माहिती देण्यात आली. बहिणाबाई चौधरी उत्तर महाराष्ट्र विद्यापीठातील विद्यार्थिनी कुमारी स्नेहल पाटील आणि कुमारी वैष्णवी पाटील यांनी विद्यार्थ्यांना सायबर गुन्ह्यांचे विविध प्रकार समजावून सांगितले. सोशल मीडिया अकाउंट सुरक्षित ठेवणे, अनोळखी लिंकवर क्लिक न करणे, OTP, पासवर्ड किंवा वैयक्तिक माहिती कोणालाही न देणे, तसेच QR कोडच्या माध्यमातून होणाऱ्या फसवणुकीपासून सावध राहण्याचे आवाहन करण्यात आले. विशेषतः AI Voice Scam या नव्या…
जळगाव प्रतिनिधी | जळगाव शहरासह जिल्ह्यात पत्रकारितेच्या नावाखाली वसुली करणाऱ्या कथित तोतया पत्रकारांचा प्रश्न गंभीर होत असल्याची चर्चा आहे. शासकीय कार्यालये, व्यापारी प्रतिष्ठाने, हॉटेल-ढाबे आणि विविध व्यावसायिकांना पत्रकार असल्याचे ओळखपत्र दाखवून दबाव टाकला जात असल्याच्या तक्रारी पुढे येत आहेत. या प्रकाराला आळा घालण्यासाठी जळगावचे पोलीस अधीक्षक श्रीकांत धिवरे यांनी कठोर कारवाई करावी, अशी मागणी नागरिक व व्यावसायिकांकडून होत आहे. मिळालेल्या माहितीनुसार, काही व्यक्ती विविध शासकीय कार्यालयांमध्ये जाऊन अधिकारी व कर्मचाऱ्यांवर पत्रकारितेचा धाक दाखवत असल्याचे सांगितले जाते. ग्रामपंचायत, तहसील कार्यालय, महापालिका, जिल्हा परिषद, सार्वजनिक बांधकाम विभाग, पाटबंधारे विभाग, जिल्हाधिकारी कार्यालय तसेच वनविभागातील अधिकारी-कर्मचाऱ्यांना विविध कारणांनी प्रश्न विचारून त्यानंतर पैशांची मागणी केली…
संस्थापक दादासाहेब जे. टी. महाजन यांच्या स्मारकाचेही होणार लोकार्पण जळगाव प्रतिनिधी| जळगाव जिल्हा सहकारी दूध उत्पादक संघ मर्यादित, जळगाव तर्फे गुरुवारी, दि. १३ ऑगस्ट रोजी सकाळी ११ वाजता दूध संघाच्या प्रांगणात विविध महत्त्वपूर्ण उपक्रमांचे लोकार्पण व उद्घाटन सोहळा आयोजित करण्यात आला आहे. या कार्यक्रमात राज्याचे जलसंपदा मंत्री गिरीश महाजन यांच्या संकल्पनेतून दूध संघाचे संस्थापक चेअरमन व माजी गृहराज्यमंत्री दादासाहेब जे. टी. महाजन यांच्या स्मारकाचे मान्यवरांच्या हस्ते भावपूर्ण लोकार्पण करण्यात येणार आहे. याचबरोबर शेतकरी प्रशिक्षण केंद्राची नूतनीकरण झालेली इमारत तसेच मुख्य दुग्धशाळेच्या सांडपाणी प्रक्रिया प्रकल्पाचे आधुनिकीकरण आणि वाढीव क्षमता प्रकल्पाचे उद्घाटनही याप्रसंगी पार पडणार आहे. राज्याचे जलसंपदा व आपत्ती व्यवस्थापन मंत्री…
यावल प्रतिनिधी | व्हिडीओ कॉल करून आपण पोलिस अधिकारी असल्याचे भासवणे, भीती दाखवणे आणि ‘डिजिटल अरेस्ट’च्या नावाखाली नागरिकांकडून पैसे उकळण्याचे प्रकार वाढत आहेत. मात्र, कोणत्याही कायद्यात ‘डिजिटल अरेस्ट’ अशी संकल्पना नाही. त्यामुळे अशा प्रकारचा कॉल आल्यास घाबरून न जाता तत्काळ स्थानिक पोलिसांना माहिती द्यावी, असे आवाहन सायबर तज्ज्ञ टीना पाटील यांनी केले. सांगवी बुद्रुक येथील ज्योती विद्या मंदिर शाळेत कवयित्री बहिणाबाई चौधरी उत्तर महाराष्ट्र विद्यापीठाच्या सायबर शिक्षा व सुरक्षा कार्यक्रमांतर्गत सायबर सुरक्षा जनजागृती कार्यक्रम घेण्यात आला. यावेळी विद्यार्थ्यांना सायबर गुन्ह्यांपासून सुरक्षित राहण्याबाबत मार्गदर्शन करण्यात आले. कार्यक्रमात सायबर तज्ज्ञ टीना पाटील आणि दर्शना चौधरी यांनी ‘हॅकर मास्क’च्या माध्यमातून सायबर फसवणुकीचे प्रात्यक्षिक…
