यावल प्रतिनिधी | जागतिक आदिवासी दिनानिमित्त यावल शहरात रविवारी आदिवासी समाजबांधवांचा उत्साह आणि एकजूट पाहायला मिळाली. शहरातील विविध भागांतून काढण्यात आलेल्या भव्य मिरवणुकांनी नागरिकांचे लक्ष वेधून घेतले. तडवी कॉलनी परिसरातून दोन, मनुदेवी मंदिरापासून एक आणि पंचायत समितीच्या आवारातून एक अशा एकूण चार मिरवणुका काढण्यात आल्या. मिरवणुकीपूर्वी आदिवासी क्रांतिकारक बिरसा मुंडा, तंट्या भिल्ल यांच्यासह विविध आदिवासी थोर विभूतींच्या प्रतिमांचे मान्यवरांच्या हस्ते पूजन करण्यात आले. मनुदेवी मंदिरापासून आदिवासी टोकरे, ढोर, महादेव व मल्हार कोळी समाजबांधवांची मिरवणूक निघाली. तर तडवी कॉलनीतून आदिवासी तडवी भिल्ल उत्सव समिती, आदिवासी तडवी भिल्ल एकता मंच, आदिवासी सेवा मंडळ आसेम संघटना तसेच पंचायत समितीतून आदिवासी विकास परिषदेतर्फे मिरवणुका…
Author: Editorial Desk
चाळीसगाव प्रतिनिधी : अजिंठा घाटामध्ये ट्रक बंद पडल्याने वाहतुकीचा मोठा खोळंबा झाला. ट्रक रस्त्यातच बंद पडल्यामुळे दोन्ही बाजूंनी वाहनांच्या लांबच लांब रांगा लागल्या असून सुमारे दोन ते तीन किलोमीटर पर्यंत वाहतूक कोंडी झाली. वाहतूक सुरळीत करण्यासाठी संबंधित पोलिसांनी घटनास्थळी धाव घेत अथक प्रयत्न केले. मात्र घाटातील अरुंद रस्ता आणि वाहनांची मोठी संख्या यामुळे वाहतूक सुरळीत करण्यास अडथळे निर्माण झाले. अजिंठा घाटामध्ये वारंवार वाहतूक कोंडी होत असल्याने वाहनधारक आणि प्रवाशांमध्ये तीव्र नाराजी व्यक्त होत आहे. तासन्‌तास वाहतूक कोंडीत अडकावे लागत असल्याने प्रवाशांना नाहक त्रास सहन करावा लागत आहे. दरम्यान, काही वाहनधारकांनी अजिंठा घाटासाठी पर्यायी मार्ग उपलब्ध करून देण्याची मागणी केली आहे.
जळगाव प्रतिनिधी | जळगाव जिल्हाधिकारी कार्यालयात शहीद स्मारकाच्या भूमिपूजनाचा अनौपचारिक कार्यक्रम पार पडला. पालकमंत्री गुलाबराव पाटील यांच्या हस्ते या स्मारकाचे अनौपचारिक उद्घाटन करण्यात आले. यावेळी मंत्री संजय सावकारे, आमदार राजू मामा भोळे, आमदार किशोर पाटील, जिल्हाधिकारी रोहन घुगे, महापालिका सीईओ जीवन धवणे यांच्यासह प्रशासकीय अधिकारी उपस्थित होते. जळगाव जिल्ह्यात आतापर्यंत वीरमरण आलेल्या २८ जवानांच्या वीरपत्नी, वीरमाता आणि वीरपित्यांचा यावेळी मान्यवरांच्या हस्ते सन्मान करण्यात आला. जवानांच्या गावांमध्ये शहीद स्मारक उभारण्याची मागणी अनेक दिवसांपासून होती. या मागणीला मंजुरी मिळाल्यानंतर स्मारकाच्या उभारणीला आता सुरुवात झाली आहे. यावेळी पालकमंत्री गुलाबराव पाटील यांनी स्मारकाचे काम लवकर पूर्ण करण्याची ग्वाही दिली. आमदार किशोर पाटील यांनी पाचोरा-भडगाव…
जळगाव प्रतिनिधी : श्री नेहरू चौक बहुउद्देशीय मित्र मंडळातर्फे ‘जळगावचा राजा’ श्री गणपतीच्या पाटपूजन व मंडप सोहळ्याचे आयोजन रविवारी (९ ऑगस्ट) सायंकाळी मोठ्या उत्साहात करण्यात आले. महानगरपालिकेच्या इमारतीखाली झालेल्या या सोहळ्याला भाविकांची मोठी उपस्थिती होती.यंदा मंडळाचे ४३ वे वर्ष असून धीरज व रुचिता अग्रवाल यांच्या हस्ते पवित्र मंत्रघोषात गणपतीचे पाटपूजन करण्यात आले. त्यानंतर श्री गणपतीची महाआरती करण्यात आली. यावेळी आमदार राजूमामा भोळे, डॉ. गौरव महाजन, कृषी उत्पन्न बाजार समितीचे माजी सभापती श्यामकांत सोनवणे, सामाजिक कार्यकर्ते नाना सोनवणे, उद्योजक नवनीतभाई पटेल, किशोरभाई पटेल तसेच मंडळाचे अध्यक्ष अजय गांधी यांच्यासह मान्यवर उपस्थित होते. महाआरतीनंतर शिवगंध संस्थेच्या ढोल पथकाने दमदार सादरीकरण करत वातावरणात…
चाळीसगाव प्रतिनिधी | तालुक्यातील प्रसिद्ध पाटणादेवी पर्यटनस्थळावर पुन्हा एकदा काळीज पिळवटून टाकणारी घटना घडली आहे. धवलतीर्थ धबधब्याच्या पाण्यात बुडून २३ वर्षीय कृष्णा संतोष गायकवाड या तरुणाचा दुर्दैवी मृत्यू झाला. कृष्णा हा कन्नड येथील रहिवासी होता. धबधब्याच्या पाण्यात तरुण बुडाल्याची माहिती मिळताच वन विभागाचे कर्मचारी आणि पोलिसांनी तातडीने घटनास्थळी धाव घेतली. वनपाल कैलास चव्हाण आणि राजाराम चव्हाण यांनी शोधमोहीम राबवत मृतदेह पाण्याबाहेर काढण्यासाठी मदत केली. पोलिसांच्या पथकानेही घटनास्थळी आवश्यक कार्यवाही केली. मृतदेह पुढील कार्यवाहीसाठी चाळीसगावच्या ट्रॉमा सेंटरमध्ये नेण्यात आला असून, पोलिसांकडून नोंदणीची प्रक्रिया सुरू होती. दरम्यान, पावसाळ्यात धवलतीर्थला पर्यटकांची मोठी गर्दी होते. मात्र खोल पाणी, वेगवान प्रवाह आणि घसरडे दगड यामुळे…
पारोळा प्रतिनिधी | पारोळा शहरातील न्हावी गल्ली येथील ४० वर्षीय इसमाचा बोरी नदीपात्रातील बंधाऱ्यात बुडून मृत्यू झाल्याची घटना समोर आली आहे. सुनिल अशोक चौधरी (आण्णा चौधरी) असे मृत व्यक्तीचे नाव आहे. मिळालेल्या माहितीनुसार, सुनिल चौधरी हे ६ ऑगस्ट रोजी मालवाहू वाहन घेऊन मित्र नितीन गोकुळ पाटील (रा. बोदडे) यांच्यासोबत भिलाली गावाकडे गेले होते. भिलाली गावाजवळील बोरी नदीपात्रातील बंधाऱ्यात सायंकाळी साडेचार वाजेच्या सुमारास दोघे पोहण्यासाठी गेले असता सुनिल चौधरी पाण्यात वाहून गेल्याचे सांगण्यात आले. घटनेनंतर त्यांचा शोध घेण्यात येत होता. दरम्यान, ८ ऑगस्ट रोजी सकाळी सुनिल चौधरी यांचा मृतदेह बोरी नदीपात्रातील पाण्यावर तरंगताना आढळून आला. मृतदेह बाहेर काढून पारोळा येथील कुटीर…
जळगाव प्रतिनिधी | जळगावहून चोपड्याकडे जाणाऱ्या कारवरील नियंत्रण सुटल्याने विदगाव येथील तापी नदीच्या पात्रात कार कोसळल्याची धक्कादायक घटना मध्यरात्रीच्या सुमारास घडली. कारमध्ये असलेले तीन ते चार प्रवासी किरकोळ जखमी झाले असून सुदैवाने मोठी जीवितहानी टळली. अपघातानंतर स्थानिक नागरिकांनी तातडीने धाव घेत प्रवाशांना बाहेर काढले. सकाळी क्रेनच्या मदतीने नदीपात्रातील कार बाहेर काढण्यात आली. यावेळी पुलाच्या दोन्ही बाजूंना वाहनांच्या लांबच लांब रांगा लागल्या. मात्र या अपघाताने विदगाव तापी पुलावरील सुरक्षेचा गंभीर प्रश्न पुन्हा ऐरणीवर आला आहे. याच ठिकाणी काही महिन्यांपूर्वी झालेल्या अपघातात महिला आणि बालकाचा मृत्यू झाला होता. तरीही पुलालगत मजबूत संरक्षण भिंत किंवा लोखंडी सुरक्षा कठडे उभारण्यात आले नसल्याचा आरोप नागरिकांकडून…
जळगाव प्रतिनिधी | भाविकांचे श्रद्धास्थान असलेल्या सातपुड्याच्या कुशीतील प्रसिद्ध श्री मनुदेवी माता मंदिरात चोरट्यांनी धाडसी चोरी केल्याची धक्कादायक घटना समोर आली आहे. मंदिराच्या गाभाऱ्यात प्रवेश करून अज्ञात चोरट्यांनी मनुदेवी माता आणि रेणुका मातेच्या मूर्तीवरील चांदीचे मुकुट व छत्र्या लांबवल्याने जळगाव जिल्ह्यात खळबळ उडाली आहे. मिळालेल्या माहितीनुसार, चोरट्यांनी मंदिराच्या मुख्य चॅनेल गेटचे तसेच गाभाऱ्याच्या लाकडी दरवाजाचे कडी-कोंडे तोडले. त्यानंतर मंदिरात अनधिकृत प्रवेश करून थेट गाभाऱ्यात धडक मारली. गाभाऱ्यातील दोन्ही देवींच्या मूर्तीवरील चांदीच्या दागिन्यांवर हात साफ करत चोरट्यांनी सुमारे १ लाख ३५ हजार रुपये किमतीचे चांदीचे मुकुट आणि छत्र्या लंपास केल्या. धार्मिक स्थळातच चोरी झाल्याने भाविकांमध्ये संतापाची लाट पसरली आहे. मंदिराच्या सुरक्षेचा…
जळगाव प्रतिनिधी | राष्ट्रीय विधी सेवा प्राधिकरण, महाराष्ट्र राज्य विधी सेवा प्राधिकरण आणि जिल्हा विधी सेवा प्राधिकरण यांच्या संयुक्त विद्यमाने पालकांचे हक्क तसेच लैंगिक अपराधांपासून बालकांचे संरक्षण (POCSO) अधिनियम या विषयावर जिल्हाधिकारी कार्यालयातील जिल्हा नियोजन भवनात विशेष परिसंवादाचे आयोजन करण्यात आले. बालकांच्या सुरक्षेबाबत जनजागृती वाढविणे, पालकांना त्यांच्या जबाबदाऱ्यांची जाणीव करून देणे आणि POCSO कायद्याची प्रभावी अंमलबजावणी याबाबत उपस्थितांना सविस्तर मार्गदर्शन करण्यात आले. या कार्यक्रमास मुंबई उच्च न्यायालयाचे न्यायमूर्ती तथा जळगाव जिल्ह्याचे पालक न्यायमूर्ती संजय देशमुख प्रमुख पाहुणे म्हणून उपस्थित होते. तसेच जिल्हा व सत्र न्यायाधीश आर. एन. जोशी, जिल्हाधिकारी रोहन घुगे, जिल्हा सरकारी अभियोक्ता सुरेंद्र काबरा, पोलीस अधीक्षक श्रीकांत धिवरे…
जळगाव जिल्ह्यातील मेहुणबारे पोलिसांनी गुन्हेगारीविरोधात मोठी कारवाई करत दोन संशयितांना अटक केली. गुप्त माहितीच्या आधारे पोलिसांनी सापळा रचून संशयितांच्या भरधाव कारचा पाठलाग केला. पोलिसांनी थांबण्याचा इशारा दिल्यानंतरही आरोपींनी कार न थांबवता पळून जाण्याचा प्रयत्न केला. मात्र पोलिसांनी धाडस आणि तत्परता दाखवत काही अंतरावर कार अडवून दोघांनाही ताब्यात घेतले. यानंतर कारची कसून झडती घेतली असता एक गावठी पिस्तूल, जिवंत काडतुसे आणि एक धारदार तलवार आढळून आली. पोलिसांनी तत्काळ ही सर्व शस्त्रे जप्त केली. जप्त करण्यात आलेल्या शस्त्रांची एकूण किंमत २६ हजार रुपयांहून अधिक असल्याची प्राथमिक माहिती समोर आली आहे. या कारवाईमुळे परिसरातील अवैध शस्त्रबाळगणाऱ्यांमध्ये खळबळ उडाली असून गुन्हेगारीवर लगाम घालण्यासाठी मेहुणबारे…
