Author: Editorial Desk

जळगाव प्रतिनिधी | शहरातील हॉटेल दरबार आणि सीएनजी गॅस पंप परिसरात बुधवारी सकाळी भरधाव वेगाने धावणाऱ्या टँकरने दुचाकीला मागून जोरदार धडक दिल्याने भाजीपाला विक्री करून उदरनिर्वाह करणाऱ्या मंगला अर्जुन माळी (वय ५५, रा. ज्ञानदेव नगर) यांना चिरडल्याने त्यांचा जागीच दुर्दैवी मृत्यू झाला. या भीषण अपघातात त्यांचा मुलगा भरत माळी (वय २९) किरकोळ जखमी झाला आहे. यावेळी शासकीय वैद्यकीय महाविद्यालयात नातेवाईकांनी एकच गर्दी केली होती. अधिक माहिती अशी की, मंगला माळी या नेहमीप्रमाणे पिंप्राळा येथील आठवडे बाजारात भाजीपाला विक्रीसाठी मुलगा भरतसोबत दुचाकीवरून जात असताना भरधाव टँकरने त्यांच्या दुचाकीला मागून जोरदार धडक दिली. धडकेनंतर मंगला माळी या रस्त्यावर कोसळल्या आणि त्यांच्यावरून टँकर…

संपादकीय राष्ट्रीय महामार्गावरील नव्याने झालेल्या पुलाला तडे जाणे आणि काही दिवसांतच रस्त्यांची दुरवस्था होणे ही केवळ अभियांत्रिकीची चूक नाही, तर संपूर्ण व्यवस्थेवर प्रश्नचिन्ह उभे करणारी बाब आहे. नागरिक रोड टॅक्स भरतात तो सुरक्षित आणि दर्जेदार रस्त्यांसाठी; पण प्रत्यक्षात मिळते ते खड्डे, तडे आणि जीवघेणे प्रवास. सामान्य नागरिकांमध्ये असा प्रश्न उपस्थित होत आहे की, जर विकासकामांमध्ये मोठ्या प्रमाणावर कमिशनखोरी होत असेल, तर दर्जेदार काम कसे होणार? हा प्रश्न केवळ एका ठेकेदाराचा नाही, तर संपूर्ण यंत्रणेच्या पारदर्शकतेचा आहे. करोडो रुपयांची कामे होतात, उद्घाटने होतात, फिती कापल्या जातात; पण काही पावसातच रस्ते आणि पूल निकृष्ट दर्जाचे असल्याचे दिसून येते. अशा वेळी दोष फक्त…

महिनाभरापूर्वी दुरुस्ती झाली… तरीही रस्त्याची अवस्था जैसे थे! जळगाव प्रतिनिधी | मानराज पार्क, राष्ट्रीय महामार्ग क्रमांक ६ वरील सिग्नल परिसर पुन्हा एकदा खड्ड्यांच्या विळख्यात सापडला आहे. दररोज हजारो वाहनांची ये-जा असलेल्या या महत्त्वाच्या चौकात वाहनचालकांना जीव मुठीत धरून प्रवास करावा लागत आहे. पावसामुळे खड्ड्यांमध्ये पाणी साचत असल्याने त्यांचा अंदाज येत नाही आणि अपघाताचा धोका दिवसेंदिवस वाढत आहे. विशेष म्हणजे अवघ्या महिनाभरापूर्वी स्थानिक नगरसेविका सौ. जयश्री राहुल पाटील यांनी पुढाकार घेत संबंधित यंत्रणेकडून या खड्ड्यांची दुरुस्ती करून घेतली होती. मात्र, निकृष्ट दर्जाचे काम किंवा सततच्या पावसामुळे रस्त्याची अवस्था पुन्हा पूर्ववत झाली असून नागरिकांमध्ये तीव्र नाराजी व्यक्त होत आहे. राष्ट्रीय महामार्गावरील हा…

पाचोरा | प्रतिनिधीपाचोरा आणि भडगाव तालुक्यात झालेल्या अतिवृष्टीमुळे शेती, घरे, दुकाने तसेच पशुधनाचे मोठ्या प्रमाणात नुकसान झाले असून या दोन्ही तालुक्यांना विशेष आर्थिक पॅकेज जाहीर करून बाधित शेतकरी व नागरिकांना तातडीने आर्थिक दिलासा द्यावा, अशी मागणी भाजप नेते अमोल शिंदे यांनी जलसंपदा तथा आपत्ती व्यवस्थापन मंत्री गिरीश महाजन यांच्याकडे निवेदनाद्वारे केली आहे. मागील काही दिवसांपासून झालेल्या मुसळधार पावसामुळे पाचोरा व भडगाव तालुक्यातील अनेक नदी, नाले आणि ओढ्यांना पूर आला. त्यामुळे नदीकाठच्या गावांतील शेतीपिकांचे मोठ्या प्रमाणावर नुकसान झाले. अनेक ठिकाणी पुराचे पाणी घरांमध्ये शिरल्याने नागरिकांचे संसारोपयोगी साहित्य, जनावरे आणि मालमत्तेचेही मोठे नुकसान झाले आहे. याशिवाय पाचोरा आणि भडगाव शहरातून वाहणाऱ्या मोठ्या…

रावेर | प्रतिनिधीरावेर बस आगाराला पाच नवीन एसटी बसेस मंजूर होऊन आगारात दाखल झाल्याने प्रवाशांना मोठा दिलासा मिळाला आहे. आमदार नंदकिशोर महाजन यांच्या सातत्यपूर्ण पाठपुराव्यामुळे हा निर्णय प्रत्यक्षात आला असून रावेर शहरासह पूर्व भाग आणि मध्य प्रदेश सीमेलगतच्या ग्रामीण भागातील नागरिकांमध्ये समाधानाचे वातावरण आहे. रावेर आगाराला नवीन बसेस मिळाव्यात, अशी मागणी अनेक वर्षांपासून करण्यात येत होती. विशेषतः विद्यार्थी, महिला, ज्येष्ठ नागरिक तसेच विविध सामाजिक संघटनांनी यासाठी सातत्याने आवाज उठवला होता. सामाजिक कार्यकर्ते प्रशांत बोरकर यांनीही वेळोवेळी नवीन बसेस उपलब्ध करून देण्याची मागणी केली होती. या पार्श्वभूमीवर आमदार नंदकिशोर महाजन यांनी राज्य परिवहन विभागाकडे सातत्याने पाठपुरावा केल्याने अखेर रावेर आगाराला पाच…

जळगाव | प्रतिनिधीमन्यारखेडा येथील तलावात मासे दगावल्याच्या प्रकरणावरून परिसरातील १६ उद्योजकांना प्रशासनाकडून अन्यायकारक पद्धतीने लक्ष्य केले जात असल्याचा आरोप संबंधित उद्योजकांनी पत्रकार परिषदेत केला. या प्रकरणाची निष्पक्ष व तज्ज्ञांमार्फत सखोल चौकशी करून कायमस्वरूपी न्याय द्यावा, अशी मागणी त्यांनी केली आहे. मत्स्य उत्पादकाच्या तक्रारीनंतर उपविभागीय दंडाधिकारी कार्यालयाकडून सुनावणीच्या नोटिसा बजावण्यात आल्याने उद्योजकांसह शेकडो कामगारांमध्ये चिंतेचे वातावरण निर्माण झाले आहे. उद्योजकांनी सांगितले की, महाराष्ट्र प्रदूषण नियंत्रण मंडळाच्या सूचनांनुसार सर्व उद्योगांनी स्वखर्चाने ईटीपी उभारून प्रदूषण नियंत्रणाचे नियम काटेकोरपणे पाळले आहेत. उद्योजकांच्या म्हणण्यानुसार, मन्यारखेडा तलावात केवळ उद्योगांचेच नव्हे तर आसपासच्या गावांतील सांडपाणी तसेच शेतीत वापरल्या जाणाऱ्या रासायनिक खते आणि कीटकनाशकांचे पाणीही मिसळते. त्यामुळे माशांच्या…

जळगाव प्रतिनिधी : पर्यावरण संवर्धनाचा संदेश देण्यासाठी जळगाव जिल्हा होमगार्ड प्रशिक्षण केंद्र, नशिराबाद येथे जैन उद्योग समूह आणि होमगार्ड यांच्या संयुक्त विद्यमाने वृक्षारोपण कार्यक्रम उत्साहात पार पडला. या उपक्रमात विविध प्रकारची वृक्षलागवड करून पर्यावरण संरक्षणाचा संकल्प करण्यात आला. या कार्यक्रमासाठी आवश्यक वृक्षरोपे जैन इरिगेशन सिस्टीम लिमिटेड, जैन हिल्स, शिरसोली रोड, जळगाव यांच्या वतीने उपलब्ध करून देण्यात आली. वृक्षारोपणानंतर या रोपांचे संगोपन करण्याची जबाबदारीही सर्वांनी सामूहिकपणे स्वीकारली. कार्यक्रमाला केंद्र नायक गंगाधर महाजन, पलटण नायक मदन रावते, समादेशक अधिकारी संजय पाटील, वरिष्ठ पलटण नायक अनिल पाटील, रवींद्र ठाकूर, भारती बडगुजर तसेच जैन हिल्सचे मदन लाठी यांची प्रमुख उपस्थिती होती. उपस्थित मान्यवरांनी वृक्षलागवडीचे…

जळगाव प्रतिनिधी | शहरातील कृषी उत्पन्न बाजार समितीतील फळ व्यापारी अनिल ओमप्रकाश मंधान यांच्या कारमधून तब्बल १२ लाख ५० हजार रुपयांची रोकड चोरट्यांनी हातचलाखीने लंपास केल्याची धक्कादायक घटना उघडकीस आली आहे. गाडीचा पाठलाग करत ऑइल लीक होत असल्याचे खोटे सांगून चोरट्यांनी ही चोरी केली. ही संपूर्ण घटना परिसरातील सीसीटीव्ही कॅमेऱ्यात कैद झाली असून रामानंदनगर पोलीस ठाण्यात गुन्हा दाखल करण्यात आला आहे. अनिल मंधान हे गणपती नगर येथील रहिवासी असून कृषी उत्पन्न बाजार समितीत फळ व्यवसाय करतात. मंगळवारी रात्री नेहमीप्रमाणे दुकान बंद करून ते आपल्या कारने घरी निघाले होते. याचवेळी आधीपासून त्यांच्या कारवर पाळत ठेवून असलेल्या पाच संशयितांनी त्यांचा पाठलाग केला.…

जळगाव प्रतिनिधी | जळगाव शहरातील एमआयडीसी परिसरातील बाबा नमकीन चिवडा या कंपनीत मंगळवारी सकाळी अचानक भीषण आग लागल्याने परिसरात एकच खळबळ उडाली. कंपनीतून धुराचे लोट आणि आगीच्या ज्वाळा उसळत असल्याचे लक्षात येताच तातडीने जळगाव महानगरपालिकेच्या अग्निशमन विभागाला माहिती देण्यात आली. माहिती मिळताच अग्निशमन दलाचे बंब घटनास्थळी दाखल झाले आणि आग विझविण्यासाठी युद्धपातळीवर प्रयत्न सुरू करण्यात आले. सुरुवातीला दोन ते तीन अग्निशमन बंबांच्या मदतीने आग नियंत्रणात आणण्याचा प्रयत्न करण्यात आला. मात्र आगीची तीव्रता लक्षात घेता आणखी अग्निशमन बंब पाचारण करण्यात आले. एकूण सहा ते सात अग्निशमन बंबांच्या मदतीने जवानांनी शर्थीचे प्रयत्न करत अखेर आग पूर्णपणे आटोक्यात आणली. वेळेत आग नियंत्रणात आल्यामुळे…

चाळीसगाव प्रतिनिधी | चाळीसगाव शहरात प्रसिद्ध हार्पिक कंपनीच्या नावाने बनावट उत्पादने विकून ग्राहकांची फसवणूक केल्याचा प्रकार उघडकीस आला आहे. या प्रकरणी चाळीसगाव शहर पोलिस ठाण्यात गुन्हा दाखल करण्यात आला आहे. सिंगल पॉईंट परिसरातील एका दुकानावर पोलिसांनी छापा टाकून बनावट हार्पिकचा मोठा साठा जप्त केला. कारवाईदरम्यान २ हजार २२२ बनावट हार्पिक सॅशे तसेच ५०० एमएल क्षमतेच्या ३२ बनावट हार्पिकच्या बाटल्या जप्त करण्यात आल्या. जप्त करण्यात आलेल्या मुद्देमालाची एकूण किंमत ३ लाख २६ हजार ७१० रुपये असल्याचे पोलिसांनी सांगितले. या प्रकरणी संबंधित कंपनीच्या अधिकृत प्रतिनिधीने दिलेल्या फिर्यादीवरून गुन्हा नोंदविण्यात आला आहे. तपासात आरोपी प्रसिद्ध कंपनीच्या नावाचा व ट्रेडमार्कचा गैरवापर करून डुप्लिकेट हार्पिकची…