Author: Editorial Desk

यावल | प्रतिनिधीयावल तालुक्यातील सातपुडा पर्वताच्या पायथ्याशी असलेले निंबादेवी धरण यंदाच्या पावसामुळे शंभर टक्के भरले असून परिसरातील शेतकऱ्यांमध्ये समाधानाचे वातावरण आहे. मात्र धरणाच्या सांडव्यालगत असलेल्या पायऱ्यांजवळील संरक्षक भिंत अतिप्रवाहामुळे खचल्याने नागरिक आणि शेतकऱ्यांमध्ये चिंतेचे वातावरण निर्माण झाले आहे. भविष्यात या ठिकाणी धोका निर्माण होण्याची शक्यता व्यक्त करत तातडीने दुरुस्तीची मागणी करण्यात येत आहे. या संदर्भात शाखा अभियंता वर्षा चव्हाण यांनी धरणाची पाहणी केली. त्यांनी धरणाच्या मुख्य संरचनेला कोणताही धोका नसल्याचे स्पष्ट करत, खचलेल्या भिंतीच्या दुरुस्तीचा प्रस्ताव वरिष्ठांकडे यापूर्वीच पाठविण्यात आल्याची माहिती दिली. हा प्रस्ताव लवकरच मंजूर होऊन दुरुस्तीचे काम सुरू होईल, असा विश्वासही त्यांनी व्यक्त केला. निंबादेवी धरणाची पाणीसाठा क्षमता…

जळगाव | प्रतिनिधीसंकष्ट चतुर्थीचे औचित्य साधत जळगावातील कांचन नगर येथील जय जगदंबा मित्र मंडळात गणरायाच्या पाटपूजनाचा सोहळा भक्तिमय वातावरणात आणि उत्साहात पार पडला जळगाव शहराचे आमदार सुरेश भोळे यांच्या हस्ते गणरायाचे विधिवत पाटपूजन करण्यात आले. ढोल-ताशांच्या गजरात पारंपरिक वेशभूषा परिधान केलेल्या युवकांनी उत्स्फूर्त सहभाग घेतल्याने परिसरात भक्तीमय वातावरण निर्माण झाले. यावेळी आमदार सुरेश भोळे यांनी गणरायाचे पूजन करून मंडळाच्या सामाजिक उपक्रमांचे कौतुक केले. कार्यक्रमाला नगरसेवक सागर सोनवणे, विजय बांदल, निलेश तायडे, माजी नगरसेवक किशोर बाविस्कर तसेच युवाशक्ती फाउंडेशनचे अध्यक्ष विराज कावडीया यांची प्रमुख उपस्थिती होती. यंदाही जय जगदंबा मित्र मंडळाने सामाजिक संदेश देणारी आरास साकारण्याचा निर्णय घेतला आहे. “इंधन वाचवा,…

जळगाव | प्रतिनिधी जळगावातील सेंट्रल लायन्स क्लब येथे महाराष्ट्र योगशिक्षक संघ, जळगाव जिल्हा समिती आणि सन योगा ग्रुप यांच्या संयुक्त विद्यमाने गुरुपौर्णिमा उत्सव मोठ्या उत्साहात पार पडला. कार्यक्रमाची सुरुवात महामुनी पतंजली यांच्या प्रतिमेचे पूजन आणि माल्यार्पण करून करण्यात आली. यानंतर जळगावातील ज्येष्ठ योगगुरू नारायणदादा जाखेटे, सुभाषदादा जाखेटे, अरविंद सापकर, हेमांगिनी सोनवणे, डॉ. भावना चौधरी यांच्यासह महाराष्ट्र योगशिक्षक संघाचे राज्य कार्यकारी अध्यक्ष प्रा. डॉ. कृणाल महाजन आणि उत्तर महाराष्ट्र विभाग प्रमुख योगशिक्षक सुनील गुरव यांचा शाल, श्रीफळ आणि पुष्पगुच्छ देऊन सन्मान करण्यात आला. यावेळी उपस्थित मान्यवरांनी गुरु-शिष्य परंपरेचे महत्त्व, योग संस्कृतीचे संवर्धन आणि समाजात योगाचा प्रसार करण्याची गरज अधोरेखित केली. नियमित…

पालकमंत्री गुलाबराव पाटील यांच्या संकल्पनेतून जनसेवेचा उपक्रम; प्रतापराव पाटील यांच्या हस्ते चष्म्यांचे वाटप पाळधी ता. धरणगाव | ‘मोतीबिंदू मुक्त जळगाव ग्रामीण’ अभियानांतर्गत ६०० पात्र लाभार्थ्यांना मोफत चष्म्यांचे वाटप करण्यात आले. हा उपक्रम पालकमंत्री ना. गुलाबराव पाटील यांच्या संकल्पनेतून राबविण्यात आला असून, माजी जिल्हा परिषद सदस्य प्रतापराव गुलाबराव पाटील यांच्या हस्ते लाभार्थ्यांना चष्म्यांचे वितरण करण्यात आले. GPS ग्रुपच्या सहकार्याने राबविण्यात येत असलेल्या या उपक्रमामुळे शेकडो नागरिकांना स्पष्ट दृष्टीची भेट मिळाली. मोतीबिंदू शस्त्रक्रियेनंतर गरज असलेल्या लाभार्थ्यांना मोफत चष्मे उपलब्ध करून देत त्यांच्या दैनंदिन जीवनात मोठा दिलासा देण्याचा प्रयत्न करण्यात आला. या उपक्रमाचे लाभार्थ्यांनी स्वागत करत समाधान व्यक्त केले. समाजातील गरजू नागरिकांच्या आरोग्याची…

चोपडा | विलास पाटील जळगाव जिल्ह्यातील चोपडा तालुक्यातील वडती गावात एका जन्मदात्या बापाने आपल्या दोन मुलांवर झोपेत असताना कुऱ्हाडीने हल्ला केल्याची अत्यंत धक्कादायक घटना रविवारी उघडकीस आली. या हल्ल्यात 13 वर्षीय मीरा सुभाष भिलाला हिचा जागीच मृत्यू झाला, तर 11 वर्षीय रामु सुभाष भिलाला हा गंभीर जखमी झाला असून त्याच्यावर रुग्णालयात उपचार सुरू आहेत. त्याची प्रकृती चिंताजनक असल्याची माहिती मिळाली आहे. या प्रकरणातील संशयित आरोपी सुभाष गोपाळ भिलाला (वय 50) हा घटना घडल्यानंतर जंगलाच्या दिशेने फरार झाला होता. घटनेची माहिती मिळताच अडावद पोलीस ठाण्याच्या पथकाने तातडीने शोधमोहीम राबवून आरोपीला ताब्यात घेतले. त्याच्याकडे पोलिसांकडून कसून चौकशी सुरू आहे. प्राथमिक माहितीनुसार, दोन्ही…

जळगाव | प्रतिनिधी जळगाव शहरात गेल्या दोन दिवसांपासून सुरू असलेल्या मुसळधार पावसामुळे अनेक नाल्यांना पूर आल्याने विविध भागांतील घरांमध्ये पाणी शिरल्याच्या घटनांनंतर महापालिका प्रशासन ॲक्शन मोडमध्ये आले आहे. शनिवारी सकाळपासून महापौर दीपमाला काळे आणि उपमहापौर मनोज चौधरी यांनी शहरातील विविध नाल्यांची प्रत्यक्ष पाहणी करून परिस्थितीचा आढावा घेतला. बिभानगर, सुप्रीम कॉलनी, तुकाराम वाडी, ममुराबाद आदी भागांमध्ये नाल्याच्या पुराचे पाणी घरांमध्ये शिरल्याने नागरिकांचे मोठे नुकसान झाले. या पार्श्वभूमीवर संबंधित भागांना भेट देऊन पाणी साचण्यामागील कारणांचा शोध घेण्यात आला. नागरिकांच्या अडचणी जाणून घेत प्रशासनाने आवश्यक उपाययोजनांबाबत अधिकाऱ्यांशी चर्चा केली. महापौर दीपमाला काळे यांनी सांगितले की, नाल्यांचे पाणी घरांमध्ये शिरण्यामागील तांत्रिक त्रुटींचा अभ्यास करून…

यावल | प्रतिनिधीयावल शहरासह तालुक्यात गेल्या दोन दिवसांपासून सुरू असलेल्या मुसळधार पावसामुळे जनजीवन विस्कळीत झाले असून अनेक ठिकाणी पाणी साचल्याने नागरिकांना अडचणींचा सामना करावा लागत आहे. दरम्यान, यावल शहरालगतच्या राष्ट्रीय महामार्गावरील आठवडे बाजार परिसरात शुक्रवारी सकाळी एक भलेमोठे वडाचे झाड अचानक रस्त्यावर कोसळल्याने काही काळ वाहतुकीचा खोळंबा झाला. सुदैवाने या घटनेत कोणतीही जीवितहानी किंवा गंभीर दुखापत झाली नाही. शुक्रवार हा यावलचा आठवडे बाजाराचा दिवस असल्याने परिसरात नागरिकांची वर्दळ होती. झाड कोसळताना जवळ उभ्या असलेल्या दोन ऑटो रिक्षांचे नुकसान झाले. मात्र, चालक आणि नागरिक वेळीच बाजूला झाल्याने मोठी दुर्घटना टळली. या घटनेमुळे परिसरात काही काळ भीतीचे वातावरण निर्माण झाले होते. घटनेची…

जळगाव प्रतिनिधी | जळगाव शहरातील नेरी नाका परिसरात लोकशाहीर अण्णाभाऊ साठे यांच्या 106 व्या जयंतीनिमित्त उत्साहपूर्ण कार्यक्रमाचे आयोजन करण्यात आले. यावेळी राज्याचे पाणीपुरवठा मंत्री गुलाबराव पाटील यांनी अण्णाभाऊ साठे स्मारकावर पुष्पहार अर्पण करून त्यांना भावपूर्ण अभिवादन केले. या कार्यक्रमाला शहराचे आमदार सुरेश भोळे, महापौर दीपमाला काळे, विविध सामाजिक संघटनांचे पदाधिकारी, समाजबांधव आणि नागरिक मोठ्या संख्येने उपस्थित होते. उपस्थित मान्यवरांनी स्मारकाला अभिवादन करत लोकशाहीर अण्णाभाऊ साठे यांच्या कार्याला उजाळा दिला. कार्यक्रमादरम्यान “लोकशाहीर अण्णाभाऊ साठे अमर राहो” अशा घोषणांनी संपूर्ण परिसर दुमदुमून गेला. उपस्थितांनी अण्णाभाऊ साठे यांच्या साहित्य, समाजप्रबोधन आणि सामाजिक समतेसाठीच्या योगदानाचे स्मरण करत त्यांच्या विचारांचा वारसा पुढील पिढीपर्यंत पोहोचविण्याचा संकल्प…

जळगाव प्रतिनिधी | जिल्ह्यातील जामनेर तालुक्यातील वडगाव सहो येथे आंतरजातीय प्रेमविवाहाच्या वादातून घडलेल्या हल्ल्यात गंभीर जखमी झालेल्या तरुणाचा उपचारादरम्यान मृत्यू झाल्याची धक्कादायक घटना समोर आली आहे. या प्रकरणामुळे परिसरात मोठी खळबळ उडाली असून पोलिसांनी संशयिताविरोधात खुनाचा गुन्हा दाखल केला आहे. मिळालेल्या माहितीनुसार, प्रशांत सुभाष चौधरी (वय 29) याने संशयित आरोपी अभिषेक संतोष मोरे याच्या बहिणीसोबत आंतरजातीय प्रेमविवाह केला होता. या विवाहाचा राग मनात धरून अभिषेक मोरे याने प्रशांतवर जीवघेणा हल्ला केल्याचा आरोप आहे. हल्ल्यावेळी त्याच्या डोक्यात दगड टाकून गंभीर दुखापत करण्यात आली होती.घटनेनंतर स्थानिक नागरिकांच्या मदतीने जखमी प्रशांत चौधरी याला तातडीने रुग्णालयात दाखल करण्यात आले. त्याच्यावर तीन दिवस उपचार सुरू…

जळगाव प्रतिनिधी | जळगाव जिल्ह्यात अमली पदार्थांच्या अवैध व्यापाराविरोधात स्थानिक गुन्हे शाखा आणि एमआयडीसी पोलिसांनी संयुक्त कारवाई करत एमडी तस्करीचा पर्दाफाश केला आहे. या कारवाईत 62.07 ग्रॅम एमडी हा घातक अमली पदार्थ जप्त करण्यात आला असून, एक आरोपी अटकेत आहे. तसेच तपासादरम्यान अमली पदार्थांचा पुरवठा करणाऱ्या आणखी एका संशयिताविरुद्धही गुन्हा दाखल करण्यात आला आहे. 31 जुलै रोजी रात्री साडेदहाच्या सुमारास एमआयडीसी पोलीस ठाण्याच्या हद्दीतील एफसीआय गोदामासमोरील रस्त्यावर गस्त घालत असताना पोलिसांनी संशयास्पद हालचाली करणाऱ्या एका व्यक्तीला ताब्यात घेतले. त्याची झडती घेतली असता त्याच्याकडून विविध पिशव्यांमध्ये ठेवलेला 62.07 ग्रॅम एमडी जप्त करण्यात आला. या अमली पदार्थाची अंदाजे किंमत 2 लाख 88…