भडगाव प्रतिनिधी | भडगाव तालुक्यातील शिवणी गावाजवळ जामदा डावा कालवा अचानक फुटल्याने परिसरात एकच खळबळ उडाली आहे. कालव्याचे पाणी मोठ्या वेगाने लगतच्या शेतांमध्ये तसेच काही ठिकाणी गावाकडे घुसल्याने पिकांचे मोठे नुकसान झाले असून शेतकऱ्यांसमोर गंभीर संकट उभे राहिले आहे. घटनेची माहिती मिळताच पाचोरा-भडगाव मतदारसंघाचे आमदार किशोर पाटील यांनी तातडीने घटनास्थळी धाव घेत परिस्थितीची पाहणी केली. त्यांनी पालकमंत्री आणि जिल्हाधिकाऱ्यांशी संपर्क साधून संपूर्ण घटनेची माहिती दिली. तसेच जामदा डावा कालवा विभागाच्या अधिकाऱ्यांशी दूरध्वनीवरून संपर्क साधत कालव्यातील पाणी त्वरित बंद करण्याच्या सूचना दिल्या. त्यांच्या हस्तक्षेपानंतर कालव्यातील पाण्याचा प्रवाह नियंत्रित करण्यासाठी प्रशासनाने तातडीने उपाययोजना सुरू केल्या. प्रसारमाध्यमांशी संवाद साधताना आमदार किशोर पाटील यांनी…
Author: Editorial Desk
चोपडा प्रतिनिधी | जळगाव जिल्ह्यासह चोपडा तालुक्यात गेल्या दोन दिवसांपासून सुरू असलेल्या मुसळधार पावसामुळे जनजीवन मोठ्या प्रमाणात विस्कळीत झाले आहे. सतत वाढणाऱ्या पावसामुळे गुळ मध्यम प्रकल्प धरणाच्या पाणीसाठ्यात झपाट्याने वाढ झाल्याने शुक्रवारी दुपारी ३ वाजता धरणाचे तीन दरवाजे ०.२५ मीटर उंचीने उघडण्यात आले. सुरुवातीला २ हजार ५०० क्युसेक पाण्याचा विसर्ग करण्यात आला असून पुढील काही तासांत तो ३ ते ४ हजार क्युसेकपर्यंत वाढण्याची शक्यता व्यक्त करण्यात आली आहे. त्यामुळे गुळ नदीच्या दोन्ही तीरावरील नागरिकांना सतर्क राहण्याचे आवाहन प्रशासनाने केले आहे. दरम्यान, तालुक्यातील अनेक रस्त्यांवर पाणी साचल्याने वाहतूक ठप्प झाली आहे. गोरगावले बुद्रुक–गोरगावले खुर्द मार्गावरील वळण रस्ता खचल्याने हा मार्ग बंद…
यावल | प्रतिनिधी : यावल शहरातील राज्यातील एकमेव महर्षी व्यास मंदिरात गुरुपौर्णिमेनिमित्त बुधवारी मोठ्या भक्तिभावात उत्सव साजरा करण्यात आला. पहाटेपासूनच मंदिरात भाविकांची मोठी गर्दी झाली होती. जिल्ह्यासह राज्यातील विविध भागांतून तसेच शेजारील राज्यांतून आलेल्या हजारो भाविकांनी भगवान वेदव्यासांचे दर्शन घेत आशीर्वाद प्राप्त केला. उत्सवानिमित्त सकाळी महर्षी व्यासांची विधिवत महापूजा, अभिषेक व आरती करण्यात आली. त्यानंतर दिवसभर भाविकांसाठी दर्शन खुले ठेवण्यात आले. मंदिर परिसरात भक्तिमय वातावरण निर्माण झाले होते. मंदिराचे आकर्षक सुशोभीकरण भाविकांचे विशेष लक्ष वेधून घेत होते. भाविकांसाठी महाप्रसादाचे भव्य आयोजन करण्यात आले होते. यामध्ये २१ क्विंटल बुंदी आणि २५ क्विंटल तांदळापासून तयार करण्यात आलेल्या भाताच्या प्रसादाचे हजारो भाविकांना वितरण…
जळगाव प्रतिनिधी | जळगाव महानगरपालिकेचे स्थायी समिती सदस्य तथा नगरसेवक इंजि. नरेंद्र पाटील यांनी आपला वाढदिवस सामाजिक बांधिलकी जपत अनोख्या पद्धतीने साजरा केला. “वाढदिवस साजरा करताना करूया विचार, पडत्या पावसात देऊया गरजूंना आधार” या संकल्पनेतून त्यांनी केक, बुके आणि बॅनरवर होणारा खर्च टाळून गरजू कर्मचाऱ्यांना रेनकोट भेट देण्याचा उपक्रम राबविला. पिंप्राळा स्टॉप येथे आयोजित कार्यक्रमात सफाई कर्मचारी, आशा वर्कर, वायरमन, पोस्टमन यांच्यासह विविध क्षेत्रातील गरजू कर्मचाऱ्यांना एकूण 95 रेनकोटचे वाटप करण्यात आले. सध्या सुरू असलेल्या पावसाळ्यात आपले कर्तव्य बजावणाऱ्या या कर्मचाऱ्यांना संरक्षण मिळावे, हा या उपक्रमामागील उद्देश असल्याचे नरेंद्र पाटील यांनी सांगितले. यावेळी पिंप्राळा परिसरातील शिंदेनगर भागात वृक्षारोपण करून पर्यावरण…
फैजपूर प्रतिनिधी | शहरातील मधुकर सहकारी साखर कारखाना परिसरातील पोस्ट कार्यालयात अज्ञात चोरट्यांनी चोरी करत रोकडसह विविध साहित्य लंपास केल्याची घटना उघडकीस आली आहे. या प्रकरणी फैजपूर पोलीस ठाण्यात घरफोडीचा गुन्हा दाखल करण्यात आला आहे. पोस्टमास्तर फत्तू रमजान तडवी (वय ५७) यांनी दिलेल्या फिर्यादीनुसार, २८ जुलै रोजी सायंकाळी कार्यालय बंद करण्यात आले होते. त्यानंतर २९ जुलै रोजी सकाळी कार्यालय उघडले असता दरवाज्याचे कोंडे तोडून अज्ञात चोरट्यांनी आत प्रवेश केल्याचे निदर्शनास आले. चोरट्यांनी कार्यालयातील २३ हजार ४५५ रुपयांची रोकड, तसेच ईएमओ मशीन, विविध रबर स्टॅम्प, पोस्टल स्टेशनरी, रेव्हेन्यू स्टॅम्प, कोरे पासबुक, एटीएम कार्ड आणि कोरे धनादेश यासह एकूण २६ हजार १७१…
पाचोरा प्रतिनिधी | पाचोरा शहरालगत पुनगाव शिवारातील राधाकृष्ण कॉलनीमार्गे कंदीलनगर परिसरात जाणारा महत्त्वाचा पर्यायी रस्ता भर पावसाळ्यात अचानक बंद करण्यात आल्याने नागरिकांचा संताप अनावर झाला आहे. रस्ता बंद करण्याच्या निर्णयाविरोधात परिसरातील नागरिकांनी घटनास्थळी ठिय्या आंदोलन करत प्रशासनाविरोधात जोरदार घोषणाबाजी केली. या प्रकारामुळे परिसरातील सुमारे ५० ते ६० कुटुंबांचा दैनंदिन संपर्क तुटल्याचा गंभीर आरोप आंदोलनकर्त्यांनी केला आहे. रस्ता बंद झाल्यामुळे शाळकरी विद्यार्थी, महिला, ज्येष्ठ नागरिक आणि कामानिमित्त रोज प्रवास करणाऱ्या नागरिकांना मोठ्या अडचणींचा सामना करावा लागत आहे. भर पावसाळ्यात पर्यायी मार्गही चिखलमय आणि धोकादायक बनल्याने नागरिकांचे हाल होत असून, प्रशासनाने कोणतीही पूर्वसूचना किंवा पर्यायी व्यवस्था न करता रस्ता बंद केल्याचा आरोप…
जळगाव प्रतिनिधी | शहरातील शहीद हेमु कलानी उद्यानाची दुरवस्था दूर करून त्याचे सुशोभीकरण करावे, तसेच परिसरातील नागरिकांसाठी विविध सुविधा उपलब्ध करून द्याव्यात, अशा मागण्यांचे निवेदन संस्थेच्या पदाधिकाऱ्यांनी जळगाव शहर महानगरपालिका आयुक्तांना दिले. निवेदनात नमूद करण्यात आले आहे की, शहीद हेमु कलानी उद्यानाची सध्या मोठ्या प्रमाणावर दुरवस्था झाली असून उद्यानाची सुरक्षा भिंत जीर्ण अवस्थेत आहे. त्यामुळे परिसरात अस्वच्छता निर्माण झाली असून नागरिकांना अनेक अडचणींचा सामना करावा लागत आहे. उद्यानाची उभारणी बहिणाबाई उद्यान व रामदास पार्क, एम.जे. कॉलेज परिसरातील उद्यानांच्या धर्तीवर शासकीय निधीतून करून नागरिकांसाठी सुसज्ज सुविधा उपलब्ध करून द्याव्यात, अशी मागणी करण्यात आली आहे.यावेळी उद्यानात बंदिस्त व्यायामशाळा (जीम), वाचनालय तसेच आवश्यक…
जळगाव प्रतिनिधी | शहरातील रामानंदनगर पोलिसांनी अमली पदार्थांविरोधातील मोहिमेत मोठी कारवाई करत ५ ग्रॅम एमडी (मेफेड्रोन) ड्रग्ससह एका तरुणाला अटक केली आहे. ही कारवाई बुधवारी २९ जुलै रोजी पहाटे २ वाजेच्या सुमारास शिव कॉलनी परिसरातील मातोश्री हॉटेलजवळ सापळा रचून करण्यात आली. या कारवाईत पोलिसांनी अमली पदार्थ, मोबाईल फोन आणि दुचाकी असा एकूण ७५ हजार रुपयांचा मुद्देमाल जप्त केला आहे. पोलीस निरीक्षक मधुकर साळवे यांना मिळालेल्या गोपनीय माहितीच्या आधारे ही कारवाई करण्यात आली. काळ्या रंगाच्या दुचाकीवरून (एमएच-१९-सीसी-५०१६) एक व्यक्ती ड्रग्स विक्रीसाठी येणार असल्याची माहिती मिळाल्यानंतर नायब तहसीलदार राहुल वाघ, शासकीय पंच आणि फॉरेन्सिक पथकाच्या उपस्थितीत नियमानुसार पूर्वपंचनामा करून पोलिसांनी सापळा रचला.…
जळगाव प्रतिनिधी | जळगाव शहरातील इच्छादेवी चौक परिसरातील राष्ट्रीय महामार्गावर बुधवारी सकाळी साडेसहा वाजेच्या सुमारास भीषण अपघात झाला. भरधाव वेगाने येणाऱ्या कारने (एमएच 19 बीएल 7077) दुचाकी (एमएच 19 ईसी 9084) ला जोरदार धडक दिल्याने झालेल्या या अपघातात लीलाधर मंगल पाटील (वय 36, रा. कठोरा, ता. जळगाव) यांचा जागीच मृत्यू झाला. या अपघातात अन्य चार जण गंभीर जखमी झाले असून त्यांच्यावर रुग्णालयात उपचार सुरू आहेत. प्रत्यक्षदर्शींनी दिलेल्या माहितीनुसार, धडक इतकी जोरदार होती की कारने सलग दोन वेळा पलटी घेतली. अपघातानंतर परिसरात मोठी गर्दी झाली. नागरिकांनी तत्काळ जखमींना रुग्णालयात दाखल करण्यासाठी मदत केली. घटनेची माहिती मिळताच पोलिसांनी घटनास्थळी धाव घेत पंचनामा…
जळगाव प्रतिनिधी | जळगावातील एमआयडीसी पोलिसांनी वाहनचोरीच्या गुन्ह्याचा छडा लावत एका सराईत चोरट्याला अटक करून त्याच्याकडून चोरीस गेलेल्या दोन मोटारसायकली हस्तगत केल्या आहेत. याबाबत एमआयडीसी पोलीस ठाण्यात गुन्हा दाखल करण्यात आला. एमआयडीसी पोलीस ठाण्यात दुचाकी चोरीच्या दाखल करण्यात संशयित आरोपीचा शोध घेण्यासाठी पथक केले असता तपासादरम्यान तांबापुरा, मेहरूण भागातील साहिल उर्फ मोहम्मद तडवी (वय 23) याला ताब्यात घेऊन चौकशी केली असता त्याने मोटारसायकल चोरीची कबुली दिली. त्याच्याकडून सुमारे 30 हजार रुपये किमतीची हिरो एचएफ डिलक्स आणि 15 हजार रुपये किमतीची आणखी एक हिरो एचएफ डिलक्स अशा एकूण 45 हजार रुपये किमतीच्या दोन मोटारसायकली जप्त करण्यात आल्या. आरोपीला न्यायालयात हजर करण्यात…
