जळगाव प्रतिनिधी | जळगाव जिल्ह्यातील चिंचोली येथे उद्योगांना दर्जेदार आणि अखंड वीजपुरवठा उपलब्ध करून देण्याच्या उद्देशाने उभारण्यात आलेल्या ३३ केव्ही महावितरण सबस्टेशनचे उद्घाटन पालकमंत्री गुलाबराव पाटील यांच्या हस्ते करण्यात आले. जिल्हा नियोजन समितीच्या माध्यमातून साडेचार कोटी रुपयांचा निधी उपलब्ध करून हे काम पूर्ण करण्यात आले आहे. यावेळी बोलताना पालकमंत्री गुलाबराव पाटील यांनी सांगितले की, परिसरात वाढणाऱ्या औद्योगिक गरजा लक्षात घेऊन हे सबस्टेशन उभारण्यात आले असून, त्यामुळे वीज तुटवड्याची समस्या मोठ्या प्रमाणात कमी होईल. नवीन उद्योगांना यामुळे मोठा दिलासा मिळणार असून, उद्योगवाढीलाही चालना मिळेल, असा विश्वास त्यांनी व्यक्त केला. भविष्यात उद्योगांची संख्या वाढल्यामुळे वीजेची मागणी वाढली आणि विद्यमान क्षमता अपुरी पडली,…
Author: Editorial Desk
वरणगाव प्रतिनिधी | वरणगाव पोलीस ठाण्याच्या हद्दीत तळवेल गावच्या कमानीजवळ अवैध मुरूम उत्खनन करून त्याची बेकायदेशीर वाहतूक करणारा डंपर पोलिसांनी धाड टाकून पकडला आहे. कोणतीही शासकीय परवानगी न घेता शासनाच्या गौण खनिजाची चोरी करून वाहतूक केली जात असल्याचे या कारवाईत उघडकीस आले आहे. या कारवाईदरम्यान पोलिसांनी ६ हजार रुपये किमतीचा ३ ब्रास अवैध मुरूम (२ हजार रुपये प्रमाणे) आणि सुमारे २० लाख रुपये किमतीचा अशोक लेलँड कंपनीचा बिना नंबरचा पिवळ्या व राखडी रंगाचा १० चाकी डंपर (क्र. MH 19 CX 6711) असा एकूण २० लाख ६ हजार रुपये किमतीचा मुद्देमाल जप्त केला आहे. याप्रकरणी डंपरचालक सतीश गोपाळ कोळी (वय २२…
भडगाव प्रतिनिधी | भडगाव तालुक्यातील वसंतवाडी तांडा येथे दारू पिण्यासाठी पैसे देण्यास पत्नीने नकार दिल्याच्या कारणावरून पतीने तिच्यावर चाकूने हल्ला करून हत्या केल्याची धक्कादायक घटना रविवारी सकाळी साडेआठच्या सुमारास घडली. या घटनेमुळे परिसरात मोठी खळबळ उडाली असून आरोपी पतीला पोलिसांनी तातडीने ताब्यात घेतले आहे. ललिता आत्माराम राठोड (वय 36) असे मृत महिलेचे नाव असून, आत्माराम पतीलाल राठोड (वय 40, रा. वसंतवाडी तांडा) असे आरोपीचे नाव आहे. प्राथमिक माहितीनुसार, आरोपीने दारू पिण्यासाठी पत्नीकडे पैशांची मागणी केली होती. मात्र, पत्नीने पैसे देण्यास नकार दिल्याने दोघांमध्ये वाद झाला. संतापाच्या भरात आत्माराम राठोड याने घरातील धारदार चाकूने ललिता यांच्या पोटावर वार केला. गंभीर दुखापत…
जळगाव प्रतिनिधी | आपण समाजात राहतो, त्यामुळे समाजाचे काहीतरी देणे लागतो. याच सामाजिक बांधिलकीच्या भावनेतून सामाजिक कार्यकर्ते प्रशांत सुरेश सुरळकर यांनी मातोश्री बेबीबाई सुरेश सुरळकर यांच्या प्रेरणेतून रविवारी, २६ जुलै रोजी गरजू आणि होतकरू विद्यार्थ्यांसाठी शालेय साहित्य वाटप कार्यक्रमाचे यशस्वी आयोजन केले. या कार्यक्रमात तब्बल १५०० मुला-मुलींना मान्यवरांच्या हस्ते शालेय साहित्याचे वाटप करण्यात आले. हा उपक्रम जैन इरिगेशन सिस्टीम, अण्णासाहेब सागरमल सांखला सोसायटी, रोहित कन्स्ट्रक्शन, नंदिनी ट्रेडिंग कंपनी आणि तरुण कुढापा मंडळ यांच्या संयुक्त सहकार्याने पार पडला. यंदाचे हे आठवे वर्ष आहे. या सोहळ्याला उपमहापौर मनोज चौधरी, शिवसेना ठाकरे गटाचे महानगरप्रमुख तथा नगरसेवक शरद तायडे, मनपाचे स्थायी समिती सदस्य विशाल…
जळगाव प्रतिनिधी | जळगाव शहरातील आर.एल. चौफुली परिसरात अज्ञात वाहनाच्या धडकेत दुचाकीस्वाराचा जागीच मृत्यू झाल्याची दुर्दैवी घटना रविवारी दुपारी घडली. या अपघातात अयोध्या नगर येथील रहिवासी संदीप सुपडू अलकरी (वय ४८) यांचा मृत्यू झाला असून, या घटनेमुळे परिसरात हळहळ व्यक्त होत आहे. मिळालेल्या माहितीनुसार, संदीप अलकरी हे एमआयडीसी परिसरातील एका खासगी कंपनीत कार्यरत होते. रविवारी दुपारी काम आटोपून ते नेहमीप्रमाणे दुचाकीने आपल्या घरी परतत होते. सायंकाळी चार वाजण्याच्या सुमारास आर.एल. चौफुली येथे अज्ञात भरधाव वाहनाने त्यांच्या दुचाकीला जोरदार धडक दिली. धडक इतकी भीषण होती की, संदीप अलकरी यांचा घटनास्थळीच मृत्यू झाला. अपघाताची माहिती मिळताच परिसरातील नागरिकांनी तातडीने धाव घेत त्यांना…
यावल प्रतिनिधी | यावल तालुक्यातील वड्री गावाजवळ एका युवकाचा विहिरीत मृतदेह आढळून आल्याने परिसरात खळबळ उडाली आहे. सिकंदर इस्माईल उर्फ गफ्फार तडवी असे मृत युवकाचे नाव असून, कर्जबाजारीपणामुळे त्यांनी आत्महत्या केल्याचा प्राथमिक अंदाज व्यक्त करण्यात येत आहे. मिळालेल्या माहितीनुसार, वड्री गावापासून सुमारे एक किलोमीटर अंतरावरील बाळकृष्ण सदाशिव यांच्या शेतातील विहिरीत शेतमालक कामासाठी गेले असता त्यांना मृतदेह तरंगताना दिसला. त्यांनी तातडीने ग्रामस्थांना व यावल पोलिसांना माहिती दिली. घटनेची माहिती मिळताच परिसरातील नागरिकांनी घटनास्थळी गर्दी केली. यावल पोलीस तत्काळ घटनास्थळी दाखल झाले. पोलिसांनी पंचनामा करून मृतदेह ताब्यात घेत पुढील तपास सुरू केला. प्राथमिक माहितीनुसार, सिकंदर तडवी यांनी त्यांची शाहीन दुचाकी यावल येथे…
वरणगाव प्रतिनिधी | जिल्ह्यात अवैध गुटखा तस्करीविरोधात सुरू असलेल्या विशेष मोहिमेअंतर्गत वरणगाव पोलिसांनी मोठी कारवाई करत महाराष्ट्र शासनाने प्रतिबंधित केलेला गुटखा, सुगंधित पानमसाला, सुगंधित तंबाखू तसेच वाहतुकीसाठी वापरण्यात आलेले वाहन असा एकूण ५ लाख २७ हजार ६८६ रुपयांचा मुद्देमाल जप्त केला. या प्रकरणी एका संशयिताला ताब्यात घेऊन त्याच्याविरुद्ध गुन्हा दाखल करण्यात आला आहे. पोलीस अधीक्षक श्रीकांत धिवरे यांच्या मार्गदर्शनाखाली अवैध धंद्यांवर प्रभावी कारवाई सुरू असून, त्यानुसार वरणगाव पोलिसांना गुप्त माहिती मिळाल्यानंतर विशेष पथकाने सापळा रचला. नशिराबाद परिसरात संशयित वाहनाची तपासणी केली असता त्यामध्ये मोठ्या प्रमाणात प्रतिबंधित गुटखा, पानमसाला आणि सुगंधित तंबाखूचा साठा आढळून आला. त्यानंतर अन्न व औषध प्रशासन विभागाच्या…
जळगाव प्रतिनिधी | महाराष्ट्र शासनाच्या शालेय शिक्षण विभागातर्फे आयोजित ‘शिक्षण संवाद २०२६’ या राज्यस्तरीय कार्यशाळेत जळगाव जिल्ह्यातील योगाचार्य डॉ. देवानंद सोनार यांनी ‘शालेय स्तरावर योग आणि अध्यात्म’ या महत्त्वपूर्ण विषयावर आपले विचार मांडले. योग शिक्षणाच्या प्रभावी अंमलबजावणीसाठी त्यांच्या सूचनांना उपस्थित मान्यवरांनी सकारात्मक प्रतिसाद दिला. मुंबई येथील जवाहर बालभवन येथे आयोजित या एकदिवसीय कार्यशाळेचे अध्यक्षस्थान राज्याचे शालेय शिक्षण मंत्री दादाजी भुसे यांनी भूषविले. सकाळी १० ते सायंकाळी ६ या वेळेत पार पडलेल्या या कार्यक्रमात शिक्षण विभागाचे आयुक्त, बालभारतीचे संचालक, शालेय शिक्षण विभागातील वरिष्ठ अधिकारी तसेच विविध क्षेत्रांतील तज्ज्ञ उपस्थित होते. राज्यातील विविध जिल्ह्यांमधून कला, क्रीडा, संगीत, शिक्षण, योग आणि अध्यात्म क्षेत्रातील…
यावल प्रतिनिधी | येथील आदिवासी एकात्मिक विकास प्रकल्प कार्यालयात शासकीय कामात अडथळा निर्माण करून प्रकल्प अधिकाऱ्याला शिवीगाळ, धमकी व धक्काबुक्की केल्याप्रकरणी यावल पोलिस ठाण्यात दोघांविरुद्ध गुन्हा दाखल करण्यात आला आहे. या घटनेमुळे शासकीय कार्यालयातील सुरक्षेचा प्रश्न पुन्हा ऐरणीवर आला आहे. याप्रकरणी प्रकल्प अधिकारी तथा सहाय्यक प्रकल्प अधिकारी जावेद इस्माईल तडवी यांनी यावल पोलिस ठाण्यात फिर्याद दिली. फिर्यादीनुसार, 23 ते 24 जुलैदरम्यान आदिवासी विकास प्रकल्प कार्यालयात शासकीय काम सुरू असताना आरोपी साहिल उर्फ संजय हमीद तडवी (वय 50) व रोहन साहिल तडवी (वय 30, रा. फैजपूर, ता. यावल) यांनी कार्यालयात येऊन कर्मचाऱ्यांशी व अधिकाऱ्यांशी वाद घातला. यावेळी त्यांनी शिवीगाळ करून धमक्या…
भुसावळ प्रतिनिधी | आषाढी एकादशीच्या पार्श्वभूमीवर जिल्ह्यातील वारकऱ्यांसाठी भुसावळ ते पंढरपूर विशेष मोफत रेल्वे सेवा यंदाही सुरू करण्यात आली आहे. खासदार रक्षाताई खडसे यांच्या पुढाकारातून गेल्या १२ वर्षांपासून अखंडपणे सुरू असलेल्या या उपक्रमामुळे हजारो भाविकांना पंढरपूरच्या विठ्ठल-रुक्मिणीच्या दर्शनासाठी सुरक्षित, सोयीस्कर आणि मोफत प्रवासाची सुविधा उपलब्ध होत आहे. दरवर्षी आषाढी वारीसाठी जिल्ह्यातील मोठ्या संख्येने वारकरी पंढरपूरकडे रवाना होतात. त्यांची गैरसोय टाळण्यासाठी आणि प्रवास अधिक सुलभ व्हावा या उद्देशाने ही विशेष रेल्वे सेवा सुरू करण्यात आली आहे. या सेवेमुळे आर्थिकदृष्ट्या दुर्बल भाविकांनाही कोणताही अतिरिक्त खर्च न करता पंढरपूरला जाण्याची संधी मिळत असल्याने वारकऱ्यांकडून समाधान व्यक्त करण्यात येत आहे. यावेळी खासदार रक्षाताई खडसे…
