Author: Nilesh Ajmera

संतप्त जमावाने डंपरवर दगडफेक करत तोडफोड केली. परिस्थिती नियंत्रणात आणण्यासाठी पोलिसांना मोठा बंदोबस्त तैनात जळगाव – भरधाव डंपरने एका वृद्धाला चिरडल्याची हृदयद्रावक घटना कालिंका माता चौक परिसरात शुक्रवारी १३ फेब्रुवारी रोजी सायंकाळी ७ वाजता घडली आहे. या भीषण अपघातात ५७ वर्षीय प्रभाकर पाटील यांचा जागीच मृत्यू झाला. घटनेनंतर परिसरात मोठा तणाव निर्माण झाला असून संतप्त जमावाने डंपरवर दगडफेक करत तोडफोड केली. परिस्थिती नियंत्रणात आणण्यासाठी पोलिसांना मोठा बंदोबस्त तैनात करावा लागला आहे. याबाबत मिळालेल्या माहितीनुसार असे की, प्रभाकर रघुनाथ पाटील (वय ५७ रा. जुने जळगाव) हे बाजार करून भाजीपाला घेऊन घरी परतत होते. यावेळी कालिंका माता चौकातून जाणाऱ्या एका भरधाव डंपरने…

सर्वसामान्यांच्या खिशाला महागाईची झळ ! खाद्यतेलासह मसाले, डाळींच्या दरात मोठी वाढ जळगाव । एकीकडे जीवनावश्यक वस्तूंचे दर वाढल्याने सर्वसामान्यांचे घरगुती बजेट कोलमडले असून त्यातच आता मसाले, खाद्यतेल, तूरडाळ आणि इतर किराणा मालाच्या दरात मोठी वाढ झाल्याने सर्वसामान्य ग्राहक हैराण झाले आहेत. गेल्या काही आठवड्यांत अनेक वस्तूंच्या किमतींमध्ये १० ते २० टक्क्यांपर्यंत वाढ झाल्याचे सांगण्यात येत आहे. सध्या होळी, रमजान आणि लग्नसराईचा हंगाम सुरू असल्याने बाजारपेठेत खरेदीसाठी गर्दी वाढली आहे. मात्र याच काळात किराणा मालाच्या दरात मोठी वाढ झाली. यामध्ये लाल मिरची, धणे, जिरे, हळद, लवंग, मिरे यांसारख्या मसाल्यांच्या दरात लक्षणीय वाढ झाली आहे. काही मसाल्यांचे दर प्रतिकिलो शंभर ते दोनशे रुपयांनी…

२१ वर्षीय तरुणाच्या स्थानिक गुन्हे शाखेने मुसक्या आवळल्या आहे जळगाव । जळगाव शहरात अवैध शस्त्र बाळगणाऱ्या एका २१ वर्षीय तरुणाच्या स्थानिक गुन्हे शाखेने मुसक्या आवळल्या आहे. त्याच्याकडून गावठी बनावटीचे पिस्तूल आणि तीन जिवंत काडतुसे जप्त करण्यात आली आहेत. मोहम्मद साद अय्युब खान (रा. शाहूनगर, जळगाव) असे अटक करण्यात आलेल्या आरोपीचे नाव असून याप्रकरणी जळगाव शहर पोलीस ठाण्यात गुन्हा दाखल करण्यात आला. पोलीस अधीक्षक डॉ. महेश्वर रेड्डी यांच्या निर्देशानुसार जिल्ह्यात अवैध शस्त्रांविरोधात विशेष मोहीम राबविण्यात येत आहे. या पार्श्वभूमीवर १० फेब्रुवारी रोजी स्थानिक गुन्हे शाखेला मिळालेल्या गोपनीय माहितीनुसार उस्मानिया पार्क परिसरात एक तरुण शस्त्रासह फिरत असल्याचे समजले. वरिष्ठ पोलीस निरीक्षक राहुल गायकवाड…

देशव्यापी लाक्षणिक संपाला जळगाव जिल्ह्यात मोठा प्रतिसाद मिळाला. जळगाव । केंद्र सरकारने लागू केलेल्या चार श्रम संहितांविरोधात तसेच विविध प्रलंबित मागण्यांसाठी १२ फेब्रुवारी २०२६ रोजी पुकारण्यात आलेल्या देशव्यापी लाक्षणिक संपाला जळगाव जिल्ह्यात मोठा प्रतिसाद मिळाला. जिल्ह्यातील सुमारे ७ हजार ८०० अंगणवाडी सेविका व मदतनीसांनी संपात सहभागी होत जिल्हा परिषदेसमोर धरणे आंदोलन केले. रामकृष्ण बी. पाटील यांच्या नेतृत्वाखाली हजारो अंगणवाडी कर्मचाऱ्यांनी एकत्र येत शासनाचे लक्ष वेधले. श्रम संहिता कामगारविरोधी असून त्या रद्द कराव्यात, तसेच अंगणवाडी कर्मचाऱ्यांच्या विविध प्रलंबित मागण्या तत्काळ मंजूर कराव्यात, अशी भूमिका आंदोलनकर्त्यांनी मांडली. दरम्यान यावेळी जिल्हा कार्यक्रम अधिकारी महिला व बालविकास हेमंत भदाणे यांना शिष्टमंडळाने मागण्यांचे निवेदन दिले सदर…

ज्यामुळे रात्री आणि पहाटेचा गारठा कमी झाला असून दुपारी उन्हाच्या तीव्र झळा जाणवू लागल्या आहेत. जळगाव । जळगाव शहरासह जिल्ह्यातील वातावरणात मोठा बदल झाला असून जिल्ह्यात फेब्रुवारीच्या दुसऱ्या आठवड्यापासून तापमानात वाढ होताना दिसून आली. ज्यामुळे रात्री आणि पहाटेचा गारठा कमी झाला असून दुपारी उन्हाच्या तीव्र झळा जाणवू लागल्या आहेत. काल गुरुवारी जळगावचे रात्रीचे किमान तापमान १४.५ अंशावर तर दिवसाचे कमाल तापमान ३३.४ अंशावर पोहोचले. यामुळे दुपारी घराबाहेर पडणे कठीण झाले आहे.गेल्या वर्षी याच कालावधीत तापमान सरासरी ३२ अंशांच्या आसपास होते. मात्र यंदा तापमानात वाढ दिसून येत असल्याने जळगावकर घामाघूम झाले आहे. सामान्यतः मार्चच्या उत्तरार्धात जाणवणारी उष्णता यंदा फेब्रुवारीच्या मध्यापासूनच जाणवू लागली…

फार्मर कप प्रशिक्षणासाठी शेतकरी रवाना जळगाव तालुक्यातील कृषी विभाग व उमेद अभियानांतर्गत महिला व पुरुष शेतकरी पाणी फाउंडेशनच्या ‘फार्मर कप’ निवासी प्रशिक्षणासाठी के.व्ही.के. जळगाव जामोद सेंटर, जिल्हा बुलडाणा येथे रवाना झाले. या प्रशिक्षणाचा उद्देश शेतकऱ्यांना जलसंधारण, शाश्वत शेती पद्धती व ग्रामविकास विषयक मार्गदर्शन करणे हा आहे. या प्रसंगी जिल्हाधिकारी रोहन घुगे यांच्या हस्ते प्रशिक्षणासाठी जाणाऱ्या शेतकऱ्यांच्या बसला हिरवा झेंडा दाखविण्यात आला. यावेळी प्रोजेक्ट डायरेक्टर (DRDA) राजू लोखंडे, जिल्हा कृषी अधीक्षक कुरबान तडवी, उपविभागीय कृषी अधिकारी श्रीमती देसले, कृषी अधिकारी स्नेहल थेऊरकर, बीडीओ चंद्रकांत बोडरे, उमेद तालुका अभियान व्यवस्थापक देवेंद्र सुर्यवंशी तसेच पाणी फाउंडेशनचे विभागीय समन्वयक प्रल्हाद आरसुळे, उपविभागीय समन्वयक सुहास…

ई-गव्हर्नन्समध्ये जळगाव जिल्हा परिषद प्रथम जळगाव : प्रशासकीय कामात वेगवानता आणि पारदर्शकता आणण्यासाठी महाराष्ट्र शासनाने राबविलेल्या 150 दिवसांच्या विशेष ‘सेवाकर्मी ई-गव्हर्नन्स सुधारणा’ कार्यक्रमात जळगाव जिल्हा परिषदेने बाजी मारली असून राज्यातील सर्व जिल्हा परिषदांमध्ये सर्वोत्तम कामगिरी करत जळगाव जिल्हा परिषदेने प्रथम क्रमांक पटकावला आहे. जिल्हा परिषदेच्या मुख्य कार्यकारी अधिकारी मीनल करनवाल यांच्या मार्गदर्शनाखाली गेल्या काही महिन्यांपासून जिल्ह्यात ई-गव्हर्नन्सवर विशेष भर दिला जात होता. या यशामागे प्रामुख्याने विविध घटक कारणीभूत ठरले. कागदी फायलींचा प्रवास थांबवून संपूर्ण कामकाज डिजिटल करण्यावर भर, नागरिकांना विविध दाखले आणि सेवा घरबसल्या मिळाव्यात यासाठी यंत्रणा कार्यान्वित, सामान्य नागरिकांच्या तक्रारींची वेळेत दखल घेऊन त्या सोडवण्यासाठी ‘रिअल टाइम’ मॉनिटरिंग, प्रलंबित प्रकरणांचा…

मंत्र्यांसह पोलिस अधिकाऱ्याला शिवीगाळ व दमदाटी करून सरकारी कामात अडथळा जळगाव प्रतिनिधी – मंत्र्यांसह पोलिस अधिकाऱ्याला शिवीगाळ व दमदाटी करून सरकारी कामात अडथळा आणल्याप्रकरणी राष्ट्रवादी (शरद पवार) पक्षाचे आमदार एकनाथ खडसे यांच्याविरुद्ध बुधवारी सायंकाळी सावदा पोलिसात गुन्हा दाखल करण्यात आला आहे.याबाबत सहायक पोलिस निरीक्षक विशाल पाटील यांनी दिलेल्या फिर्यादीनुसार, बुधवारी दुपारी सावदा पोलिस ठाण्याच्या प्रवेशद्वारावर खडसे यांनी त्यांना बोलावून घेतले. यावेळी त्यांनी तासखेडा (ता. रावेर) येथील गौण खनिज प्रकरणात गुन्हा का दाखल केला नाही, असा जाब विचारत मोठ्या आवाजात आरडाओरडा केला. तसेच तुम्ही कोट्यवधी रुपये खाल्ले आहेत, असे म्हणत अपमानास्पद शब्द वापरल्याचे फिर्यादीत नमूद करण्यात आले आहे. त्यावेळी अधिकाऱ्यांनी याबाबत…

मोबदल्यात लाचेची मागणी करणाऱ्या दोघांना अटक! जळगाव – वाळूने भरलेला डंपर पकडल्यानंतर त्यावर कारवाई न करता तो सोडून दिल्याच्या मोबदल्यात लाचेची मागणी करणाऱ्या महसूल विभागाच्या दोन कर्मचा-यांना लाचलुचपत प्रतिबंधक विभागाने बुधवारी दुपारी रंगेहाथ पकडले. म्हसावदचे मंडळ अधिकारी अभिजित नामदेव येवले (वय ३९) व ममुराबादचे तलाठी सदानंद व्यंकटी मुंडे (वय ३४) आणि अशी अटक केलेल्या संशयितांची नावे आहेत. याबाबत सविस्तर वृत्तांत असे की, तक्रारदार हे वाळू व्यावसायिक असून ४ फेब्रुवारी रोजी ममुराबादचे तलाठी सदानंद मुंडे यांनी त्यांचा वाळूचा डंपर पकडला होता. मात्र, मंडळ अधिकारी अभिजित येवले यांनी फोनवरून सांगितल्यामुळे तो डंपर सोडून देण्यात आला होता. ही कारवाई टाळल्याच्या बदल्यात या दोघांनी…

तरुणाचा जागीच मृत्यू झाला असून दोन जण गंभीर जखमी झाले आहेत. मुक्ताईनगर प्रतिनिधी : मुक्ताईनगर ते भुसावळ रोडवरील हॉटेल महिंद्रा फाट्याजवळ असलेल्या हनुमान मंदिरासमोर गु भरधाव वेगाने येणाऱ्या एका इनोवा कारने दुचाकीला जोरदार धडक दिली. या अपघातात दुचाकीवरील एका तरुणाचा जागीच मृत्यू झाला असून दोन जण गंभीर जखमी झाले आहेत. मिळालेल्या माहितीनुसार, दुपारी दोन वाजेच्या सुमारास मुक्ताईनगरकडून भुसावळच्या दिशेने जाणाऱ्या रोडवर राँग साईडने (चुकीच्या बाजूने) एक दुचाकी (क्र. MP 63 ZA 6725) येत होती. या दुचाकीवर तीन जण स्वार होते. त्याच वेळी भुसावळकडून मुक्ताईनगरकडे भरधाव वेगाने येणाऱ्या इनोवा कारने (क्र. MH 41 C 5290) या दुचाकीला समोरून जोरदार धडक दिली. धडक…