जळगाव प्रतिनिधी । आगामी विधान परिषद निवडणुकीच्या पार्श्वभूमीवर जळगावमधील राजकीय वातावरण चांगलेच तापू लागले आहे. जळगाव विधान परिषदेच्या जागेवर भाजपने दावा ठोकलेला असतानाच, आता शिवसेनेचे नेते आणि राज्याचे पाणीपुरवठा मंत्री गुलाबराव पाटील यांनी या जागेवर शिवसेनेचा हक्क सांगत थेट आपल्या चिरंजीवांसाठी उमेदवारी मागितली आहे. “माझे चिरंजीव प्रतापराव पाटील यांच्यासाठी मी पक्षाकडे उमेदवारीची मागणी केली असून, वरिष्ठ पातळीवर चर्चा होऊन ही जागा शिवसेनेला सुटेल,” असा विश्वास गुलाबराव पाटील यांनी व्यक्त केला आहे. माध्यमांशी बोलताना गुलाबराव पाटील म्हणाले की, जळगावच्या जागेसाठी सुरुवातीला महायुती म्हणून एकत्र लढण्यावर आम्ही ठाम आहोत. मात्र, जर वरिष्ठ पातळीवर जागांमध्ये फेरबदल झाले, तर जळगावची विधान परिषदेची जागा शिवसेनेसाठी…
Author: Editorial Desk
जळगाव प्रतिनिधी | जळगाव तालुका पोलीस ठाण्याच्या हद्दीत अनैतिक व्यापार प्रतिबंधक कायद्यांतर्गत केलेल्या एका मोठ्या कारवाईत जळगाव पोलिसांना महत्त्वपूर्ण यश आले आहे. पोलिसांनी दाखवलेल्या ‘प्रॉक्टिव्ह अप्रोच’ (सक्रिय दृष्टिकोन) मुळे कुंटणखान्यातून ताब्यात घेण्यात आलेली एक महिला चक्क बांगलादेशी नागरिक असल्याचे तपासात उघड झाले आहे. या घटनेमुळे जिल्ह्यात एकच खळबळ उडाली आहे. मिळालेल्या माहितीनुसार, जळगाव तालुका पोलीस पोलिसांनी २१ मे रोजी पोलिसांनी निमखेडी रोडवरील ‘ब्रम्हांडनायक अपार्टमेंट’ येथे सुरू असलेल्या कुंटणखान्यावर अचानक छापा टाकला. या प्रकरणात मुख्य आरोपी सागर सोनवणे (रा. धरणगाव) आणि सीमा ऊर्फ कविता मोरे (रा. जळगाव) यांच्याविरुद्ध गुन्हा दाखल करण्यात आला असून त्यांना अटक करण्यात आली आहे.या धडक कारवाई दरम्यान…
जळगाव प्रतिनिधी | नशिराबाद नगरपरिषद स्थापन होऊन जवळपास ६ वर्षे पूर्ण झाली असली, तरी गॅस वितरण प्रणालीत या भागाला अजूनही ग्रामीण निकष लावले जात असल्याने नागरिकांना मोठ्या अडचणींचा सामना करावा लागत आहे. या पार्श्वभूमीवर, नशिराबादचे उपनगराध्यक्ष पंकज शामकांत महाजन यांच्या नेतृत्वाखालील शिष्टमंडळाने जिल्हाधिकारी यांना निवेदन देऊन या समस्येकडे लक्ष वेधले आणि नशिराबादला तातडीने शहरी निकष लागू करण्याची मागणी केली. जिल्हाधिकाऱ्यांना दिलेल्या निवेदनात म्हटले आहे की, भारत सरकारच्या गॅस वितरण प्रणालीनुसार ग्रामीण भागासाठी गॅस रिफिल बुकिंगचा कालावधी ४५ दिवसांचा निश्चित करण्यात आला आहे. याउलट, शहरी भागातील नागरिकांना अवघ्या २५ दिवसांत गॅस रिफिल बुक करण्याची सुविधा उपलब्ध आहे. नशिराबादचे रूपांतर आता ग्रामीण…
जळगाव प्रतिनिधी | जिल्हा पोलीस दलाने गुन्हेगारी मोडीत काढण्यासाठी आणि गुन्हेगारांवर कायद्याचा वचक निर्माण करण्यासाठी एक अत्यंत महत्त्वपूर्ण आणि व्यापक मोहीम हाती घेतली आहे. जिल्ह्यातील सर्व पोलीस ठाण्यांच्या हद्दीतील हिस्ट्रीशीटर्स, सराईत गुन्हेगार (हॅबिच्युअल ऑफेंडर्स), शरीराविरुद्ध व मालमत्तेविरुद्ध गुन्हे करणारे, टवाळखोर तसेच प्रतिबंधात्मक कारवाईतील आरोपींना पोलीस ठाण्यात बोलावून त्यांचे ‘M.O.B (Modus Operandi Bureau) / Interrogation Forms’ भरून घेण्याची मोहीम आज, २३ मे रोजीपासून अत्यंत वेगाने सुरू करण्यात आली आहे. काय आहे ‘क्रिमिनल डोजियर M.O.B डेटाबेस’? :या मोहिमेत अत्यंत बारकाईने आणि अभ्यासपूर्वक तयार केलेला काही पानांचा एक विशेष फॉर्म गुन्हेगारांकडून भरून घेतला जात आहे. यामध्ये गुन्हेगाराची केवळ जुनी गुन्हेगारी पार्श्वभूमीच नाही, तर…
सावदा प्रतिनिधी : घरासमोरील सामाईक रस्त्यावर केलेल्या बांधकामाच्या आणि अतिक्रमणाच्या वादातून एका तरुणाला लोखंडी फायटरने बेदम मारहाण करून जखमी केल्याची धक्कादायक घटना रावेर तालुक्यातील रायपूर येथे घडली आहे. याप्रकरणी सावदा पोलीस स्टेशनमध्ये दोन जणांविरुद्ध गुन्हा दाखल करण्यात आला आहे. मिळालेल्या माहितीनुसार, महेंद्र मुरलीधर सपकाळे (वय ४३, रा. रायपूर कोळीवाडा, ता. रावेर) आणि संशयित आरोपी गणेश तायडे, राहुल तायडे हे एकाच वाड्यात राहतात. फिर्यादी यांच्या घराकडे जाणाऱ्या रस्त्याला लागूनच आरोपींचे घर आहे. आरोपींनी या सामाईक रस्त्यावरील अतिक्रमित जागेत घराचा ओटा बांधला होता. महेंद्र यांनी या अनधिकृत बांधकामाला विरोध केला होता, याच गोष्टीचा राग आरोपींच्या मनात होता. २० मे रोजी सायंकाळी ५…
जळगाव प्रतिनिधी | भावाला जिवंत मारण्याची धमकी देऊन एका १८ वर्षीय तरुणीवर वारंवार अत्याचार केल्याची धक्कादायक घटना उघडकीस आली आहे. याप्रकरणी एम.आय.डी.सी. पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, तांबापुरा मच्छी मार्केट भागातील रहिवासी असलेल्या शाकीब अस्लम पटेल (वय २०) याने पीडित तरुणीला तिच्या भावाला मारून टाकण्याची धमकी दिली होती. या भितीचा गैरफायदा घेऊन आरोपीने १ नोव्हेंबर २०२५ ते २० मे २०२६ या कालावधीत पीडितेला तिच्या राहत्या घरी वेळोवेळी बोलावून घेतले. तिच्या संमतीविना आणि विरोधाला न जुमानता आरोपीने तिच्यावर बळजबरीने शारीरिक संबंध ठेवले. या अत्याचारादरम्यान पीडित तरुणी गर्भवती राहिली. ही बाब समोर आल्यानंतर आरोपी शाकीब याने तिला गर्भपाताच्या…
जळगाव प्रतिनिधी | शहरातील निमखेडी रोड परिसरातील एका नामांकित रहिवासी अपार्टमेंटमध्ये सुरू असलेल्या हायप्रोफाईल कुंटणखान्यावर पोलिसांनी गुरुवारी २१ मे रोजी सायंकाळी मोठी कारवाई केली. अनैतिक मानवी वाहतूक प्रतिबंधक कक्षाच्या (AHTU) पथकाने टाकलेल्या या छाप्यात दोन पीडित महिलांची सुटका करण्यात आली असून, कुंटणखाना चालवणाऱ्या एका महिलेसह पुरुषाला रंगेहात ताब्यात घेण्यात आले आहे. या कारवाईमुळे शहरात आणि विशेषतः निमखेडी भागात प्रचंड खळबळ उडाली आहे. ‘पंटर’ पाठवून रचला सापळा :निमखेडी शिवारातील ‘ब्रह्मांड नायक’ अपार्टमेंटमधील एका फ्लॅटमध्ये बेकायदेशीरपणे देहव्यापार चालवला जात असल्याची गोपनीय माहिती परिक्षाविधीन पोलीस उपअधीक्षक प्रशांत दरेकर यांना मिळाली होती. माहितीची खातरजमा करण्यासाठी पोलिसांच्या पथकाने अत्यंत गुप्ततेने सापळा रचला. त्यानुसार, पोलिसांनी एका…
जळगाव प्रतिनिधी | राज्यातील विधान परिषदेच्या १७ जागांसाठी नुकतीच निवडणूक जाहीर झाली असून, या घोषणेमुळे जळगाव जिल्ह्यातील राजकीय वातावरण कमालीचे तापले आहे. जागांची घोषणा होताच जिल्ह्यातील अनेक राजकीय लोकप्रतिनिधी आणि इच्छुकांनी आतापासूनच ‘गुडघ्याला बाशिंग’ बांधून जोरदार तयारी सुरू केली आहे. महायुतीमधील दोन्ही प्रमुख पक्षांमध्ये उमेदवारी मिळवण्यासाठी अंतर्गत पातळीवर मोठ्या प्रमाणावर रस्सीखेच सुरू झाल्याचे पाहायला मिळत आहे. भाजपमधून कैलास आप्पा सोनवणे यांचे नाव आघाडीवर : या निवडणुकीत भारतीय जनता पक्षाकडून एक धक्कादायक आणि महत्त्वपूर्ण नाव समोर आल्याने राजकीय गोटात कमालीची खळबळ उडाली आहे. जिल्ह्याचे संकटमोचक आणि ग्रामविकास मंत्री गिरीश महाजन यांचे अत्यंत खंदे समर्थक, तसेच त्यांच्या पहिल्या आमदारकीपासून सावलीसारखे सोबत असलेले…
जळगाव विशेष प्रतिनिधी | जळगाव जिल्ह्यातून एक खळबळजनक आणि धक्कादायक प्रकार समोर आला आहे. पाळधी ते तरसोद बायपास हायवेवरील मुमराबाद बोगद्याच्या शेजारी एका गरीब शेतकऱ्याच्या शेतासमोर, मुख्य रस्त्याच्या कडेला अचानकपणे एक मोठे शेड उभारण्यात आले आहे. या शेडमध्ये सद्या अत्यंत खुलेआमपणे बेकायदेशीर आणि अवैध धंदे सुरू असल्याची माहिती समोर आल्याने संपूर्ण परिसरात खळबळ उडाली आहे. स्थानिक नागरिकांनी दिलेल्या माहितीनुसार, या ठिकाणी अवैधरित्या दारू विक्री, मटका, सट्टा-पत्ता यासह अनेक अनैतिक व गैरकायदेशीर प्रकार दिवसाढवळ्या सुरू आहेत. यामुळे परिसरात भीतीचे आणि दहशतीचे वातावरण निर्माण झाले आहे. हा सर्व प्रकार राष्ट्रीय महामार्गाला लागूनच सुरू असल्याने, या ठिकाणी नेहमी संशयास्पद वाहनांची आणि लोकांची मोठी…
जळगाव प्रतिनिधी | जळगाव शहरातील रामेश्वर कॉलनी परिसरातील रेणुका नगर येथे एक धक्कादायक आणि अत्यंत हृदयद्रावक घटना उघडकीस आली आहे. आई-वडील घराबाहेर गेले असताना, घरात एकट्याच असलेल्या पियुष प्रकाश वाणी (वय २०) या तरुणाने गळफास घेऊन आत्महत्या केली. पियुष हा आपल्या माता-पित्याचा एकुलता एक मुलगा होता. त्याच्या या टोकाच्या पावलामुळे वाणी कुटुंबावर दुःखाचा डोंगर कोसळला असून, परिसरात तीव्र हळहळ व्यक्त होत आहे. मिळालेल्या माहितीनुसार, पियुष वाणी हा आपल्या कुटुंबासह रेणुका नगरात राहत होता. बुधवारी सकाळच्या सुमारास त्याला अचानक अस्वस्थ वाटू लागल्याने तो दवाखान्यात गेला होता. उपचार घेऊन आल्यानंतर तो घरातच आराम करत होता. दुपारच्या सुमारास पियुषच्या वडिलांना जेवणाचा डबा देण्यासाठी…
