Author: Editorial Desk

जळगाव प्रतिनिधी । जळगाव जिल्ह्यातील रुग्णांसाठी अत्याधुनिक मूत्ररोग उपचार सेवा आता महादेव हॉस्पिटल, आकाशवाणी चौक, जळगाव येथे उपलब्ध झाली आहे. लेसर व एंडोस्कोपी तंत्रज्ञानाच्या साहाय्याने मूत्रपिंडातील खडे तसेच प्रोस्टेट ग्रंथीची वाढ यावर अत्यंत सुरक्षित, प्रभावी आणि कमी वेदनादायी उपचार केले जात असल्याची माहिती रुग्णालय प्रशासनाने दिली. मूत्रमार्गातील खड्यांसाठी आर.आय.आर.एस. त्याचप्रमाणे, वयोमानानुसार होणार्‍या प्रोस्टेट ग्रंथीच्या वाढीवर टीयूआरपी या आधुनिक एंडोस्कोपिक पद्धतीने उपचार केले जातात. महादेव हॉस्पिटलमध्ये उपलब्ध असलेल्या या आधुनिक उपचारांचे प्रमुख फायदे म्हणजे शरीरावर कोणताही मोठा चीरा लागत नाही, कमी रक्तस्त्राव, कमी वेदना, कमी कालावधीत उपचार पूर्ण होणे, संसर्गाचा धोका कमी असणे आणि रुग्णाची जलद प्रकृती सुधारणा हे आहेत.विशेष म्हणजे,…

पाचोरा प्रतिनिधी । पाचोरा रेल्वे स्थानक परिसरातून बेपत्ता झालेल्या एका तीन वर्षीय बालकाचा अवघ्या दोन दिवसांत शोध लावण्यात पाचोरा पोलिसांना यश आले आहे. पोलिसांच्या तत्परतेमुळे आणि सोशल मीडियाच्या प्रभावी वापरामुळे या चिमुरड्याची त्याच्या आई-वडिलांशी सुखरूप भेट घडवून आणली असून, पाचोरा पोलिसांच्या या कामगिरीचे सर्वत्र कौतुक होत आहे. मूळचे मध्यप्रदेशातील जबलपूर जिल्ह्यातील गोसालपूर येथील रहिवासी असलेले राजवीर फकीर आणि बालवीर फकीर हे दाम्पत्य सध्या पाचोरा रेल्वे स्थानक परिसरात भिक्षा मागून आपला उदरनिर्वाह करते. दोन दिवसांपूर्वी त्यांचा तीन वर्षांचा मुलगा अचानक बेपत्ता झाला होता. मुलाचा शोध न लागल्याने घाबरलेल्या पालकांनी रेल्वे पोलिसांकडे धाव घेतली. रेल्वे पोलिसांनी तातडीने या घटनेची माहिती पाचोरा पोलिसांना…

जळगाव प्रतिनिधी । जळगाव तालुका पोलीस स्टेशनच्या हद्दीत गेल्या काही दिवसांपासून घरफोडीच्या घटनांमध्ये सातत्याने वाढ झाली होती. पोलीस अधिक्षक श्रीकांत ढिवरे यांच्या मार्गदर्शनाखाली पोलीसांनी पाच अट्टल घरफोडी करणाऱ्या चोरट्यांना अटक केली असून त्यांच्याकडून ४ लाखांचा मुद्देमाल जप्त करण्यात आला आहे. पोलिसांनी रचलेल्या सापळ्यात गुन्हेगारी टोळीचा मुख्य म्होरक्या गुरुजीत सिंग सुजानसिंग बावरी (वय २६, रा. तांबापुरा) याच्यासह दीपक बापू पाटील (वय २३), राजेश माणिक राठोड (वय २४), सुमित संजय कोळी (वय १९) आणि महेश उर्फ संतोष भोई (वय २४, सर्व रा. जळगाव) या पाच अट्टल आरोपींना ताब्यात घेतले आहे. आरोपींची कसून चौकशी केली असता त्यांनी तब्बल १० गुन्ह्यांची कबुली दिली, ज्यामध्ये…

भुसावळ प्रतिनिधी | भुसावळ शहरातील मोटरसायकल प्रकरणात भुसावळ शहर पोलिसांनी मोठी कारवाई करत एका सराईत मोटरसायकल चोराला अटक केली आहे. त्याच्याकडून चोरीच्या सहा मोटरसायकली जप्त करण्यात आल्या असून, मोटरसायकल चोरीच्या सहा गुन्ह्यांची उकल करण्यात पोलिसांना यश आले आहे. भुसावळ शहरातील झेडटीएस रोडवरील एमओएच पार्किंग शेड येथून फिर्यादी विजय जगन्नाथ खडके यांची सुमारे १५ हजार रुपये किमतीची मोटरसायकल चोरीला गेली होती. याप्रकरणी २७ जानेवारी रोजी भुसावळ शहर पोलीस ठाण्यात गुन्हा दाखल करण्यात आला होता. या गुन्ह्याचा तपास करताना पोलीस अधीक्षक श्रीकांत धिवरे, अपर पोलीस अधीक्षक रूपाली दरेकर तसेच उपविभागीय पोलीस अधिकारी केदार बावळे यांच्या मार्गदर्शनाखाली पोलीस निरीक्षक महेश गायकवाड यांच्या पथकाने…

जळगाव प्रतिनिधी । जिल्हा व सत्र न्यायालय परिसरात पक्षकार, वकील आणि न्यायालयीन कर्मचाऱ्यांच्या सुविधेसाठी नव्याने एटीएम मशीन बसविण्यात आले आहे. या एटीएम सुविधेचा उद्घाटन सोहळा ८ जुलै २०२६ रोजी भारताचे माजी सरन्यायाधीश भूषण गवई यांच्या हस्ते उत्साहपूर्ण वातावरणात पार पडला. न्यायालय परिसरातच बँकिंग सुविधा उपलब्ध झाल्याने वकील, पक्षकार आणि कर्मचाऱ्यांनी समाधान व्यक्त केले आहे. उद्घाटनप्रसंगी भूषण गवई यांनी उपस्थितांना मार्गदर्शन करताना न्यायव्यवस्थेत पक्षकारांच्या सुविधांना प्राधान्य देण्याची गरज अधोरेखित केली. ‘न्यायालय हे पक्षकारांसाठी असते. त्यामुळे त्यांच्या सोयीसाठी सुरू करण्यात आलेला हा उपक्रम स्तुत्य आहे,’ असे त्यांनी सांगितले. तसेच न्यायालय आणि वकील यांच्यात सलोखा व समन्वय असणे आवश्यक असल्याचेही त्यांनी नमूद केले.…

जळगाव प्रतिनिधी | जळगाव तालुक्यातील विदगाव पुलावर एका चारचाकी वाहनाला अचानक आग लागल्याची घटना घडली. पुलावरून जळगाव शहराच्या दिशेने येणाऱ्या स्विफ्ट डिझायर कारने अचानक पेट घेतल्याने परिसरात एकच खळबळ उडाली. वाहनातील तांत्रिक बिघाडामुळे आग लागल्याची प्राथमिक माहिती समोर आली आहे. मिळालेल्या माहितीनुसार, स्विफ्ट डिझायर कार विदगाव पुलावरून जळगावच्या दिशेने जात असताना वाहनात अचानक तांत्रिक बिघाड झाला. त्यानंतर काही क्षणांतच कारमधून धूर निघू लागला आणि वाहनाने पेट घेतला. पुलाच्या मध्यभागी कारला आग लागल्याने या मार्गावरून प्रवास करणाऱ्या वाहनचालक आणि प्रवाशांमध्ये भीतीचे वातावरण निर्माण झाले. आगीने काही वेळातच रौद्ररूप धारण केल्याने कारचे मोठ्या प्रमाणावर नुकसान झाले. घटनेनंतर पुलावरील वाहतूक विस्कळीत झाली. सुरक्षिततेच्या…

जळगाव प्रतिनिधी | विठ्ठल नामाचा जयघोष, पर्यावरण संवर्धनाचा संदेश आणि सुदृढ आरोग्याचा संकल्प घेऊन जळगाव सायकलिस्ट ग्रुपच्या सायकल वारीने गुरुवारी, ९ जुलै रोजी पहाटे पंढरपूरच्या दिशेने प्रस्थान केले. आकाशवाणी चौकातून सकाळी साडेपाच वाजता उत्साहपूर्ण वातावरणात निघालेल्या या वारीत जळगाव शहराच्या महापौर दीपमाला काळे यांनी सलग दुसऱ्या वर्षी सहभाग घेतला आहे. विशेष म्हणजे, त्या स्वतः सायकल चालवत तीन दिवसांत तब्बल ४८५ किलोमीटरचा प्रवास पूर्ण करणार आहेत. जळगाव सायकलिस्ट ग्रुपतर्फे दरवर्षी पंढरपूर येथील श्री विठ्ठल-रुक्मिणीच्या दर्शनासाठी सायकल वारीचे आयोजन केले जाते. यंदाची वारी ९ ते ११ जुलैदरम्यान होणार असून, सायकलस्वारांचा समूह शनिवारी संध्याकाळपर्यंत पंढरपूर येथे पोहोचणार आहे. वारीला निरोप देण्यासाठी आकाशवाणी चौकात…

जळगाव प्रतिनिधी | जळगाव शहरातील धनाजी नाना चौधरी विद्या प्रबोधिनी विद्यालयात लोकसेवक बाळासाहेब मधुकरराव चौधरी यांच्या पुतळ्याचा अनावरण सोहळा उत्साहपूर्ण आणि मान्यवरांच्या उपस्थितीत पार पडला. भारताचे माजी सरन्यायाधीश न्यायमूर्ती भूषण गवई यांच्या शुभहस्ते पुतळ्याचे अनावरण करण्यात आले. या सोहळ्याला विविध क्षेत्रांतील मान्यवरांची विशेष उपस्थिती लाभली. महाराष्ट्र प्रदेश काँग्रेस कमिटीचे प्रदेशाध्यक्ष हर्षवर्धन सपकाळ, माजी महसूल मंत्री बाळासाहेब थोरात, माजी विधान परिषद सदस्य डॉ. सुधीर तांबे, महापौर दीपमाला काळे, माजी आमदार शिरीषदादा चौधरी, माजी मंत्री गुलाबराव देवकर, सामाजिक कार्यकर्ते व युवा नेते धनंजय चौधरी तसेच कुलगुरू व्ही. एल. माहेश्वरी यांच्यासह अनेक मान्यवर कार्यक्रमाला उपस्थित होते. लोकसेवक बाळासाहेब मधुकरराव चौधरी यांनी सामाजिक, शैक्षणिक…

जळगाव प्रतिनिधी | जळगाव जिल्ह्यात आज सकाळपासून पावसाने जोरदार हजेरी लावली असून अनेक भागांत मुसळधार पाऊस सुरू आहे. जळगाव शहरासह तालुक्यातील विविध गावांमध्ये पावसाची संततधार सुरू असल्याने जनजीवनावर परिणाम झाला आहे. अमळनेर, पाचोरा, भडगाव, चाळीसगाव आणि धरणगाव परिसरातही पावसाचा जोर पाहायला मिळत आहे. सकाळपासून सुरू असलेल्या पावसामुळे शेतीची कामे प्रभावित झाली असून अनेक ठिकाणी दैनंदिन व्यवहारांवरही परिणाम झाला आहे. रस्त्यांवर पाणी साचल्याने वाहनधारकांना अडचणींचा सामना करावा लागत आहे. विशेषतः पाचोरा तालुक्यातील काही भागांमध्ये मुसळधार पावसामुळे शेतांमध्ये मोठ्या प्रमाणात पाणी साचले आहे. शेतांमध्ये पाणी साचल्याने खरीप पिकांवर विपरीत परिणाम होण्याची शक्यता व्यक्त केली जात आहे. पावसाचा जोर असाच कायम राहिल्यास पिकांचे…

चाळीसगाव प्रतिनिधी | येथील जिल्हा परिषद बांधकाम विभागाचे उपविभागीय अभियंता यथार्थ पांडुरंग निनावे आणि स्थापत्य अभियांत्रिकी सहायक कुलदिप विरूचंद गमे यांना ७ हजार रुपयांची लाच स्वीकारताना लाचलुचपत प्रतिबंधक विभागाने रंगेहात पकडले. याप्रकरणी चाळीसगाव शहर पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्यात आला आहे. तक्रारदार यांच्या मित्राने मौजे दहिवद येथे १५ व्या वित्त आयोगांतर्गत रस्ता काँक्रिटीकरण आणि गावहाळचे काम केले होते. या कामाचे एकूण १० लाख ४७ हजार ८४३ रुपयांचे बिल मंजूर करण्यासाठी व मोजमाप पुस्तिकेत नोंद करण्यासाठी उपविभागीय अभियंता यथार्थ निनावे यांच्याकडे फाईल पाठवण्यात आली होती. तक्रारदाराने ३ जुलै रोजी निनावे यांची भेट घेतली असता, त्यांनी एकूण बिलाच्या १…